Jonas 1:9 - La Sainte Bible en Langue Yipunu

⁹ Jonas amabawaka rie: Nyiji Hebreu na nyidumi Fumu Nsambi aguvu o julu agumasunda mubu na butamba.

Jonas 1:9 Iomraidhean Croise

Dibandu 1:10

Nsambi amaluga ukamuga ueni butamba, amaluga diguki dieni dimamba mubu. Nsambi amalaba yiri adina dimaba diboti.

Dibandu 14:13

Murinitsi amayeditsingula Abram muisi Hebreu; jandi amatsaninanga va gari miri mineni miMamre, amimaba miAmor muana nguji Echekol na Aner abamavangana pangini na Abram.

Dibandu 24:7

Fumu Nsambi aguvu o julu, agumapalisa o ndagu taji ami na o bulongu buami amavangana nami na amajiwarisa na pesi; amavosa rie: Nyuvega bategula bagu bulongu buebubu. Jaʼ beni osindiga yiansa yiandi o gusu agu; aguna guyawelila muana ami udibaala mugatsi.

Dibandu 39:14

amanengila basalitsi na amabatsingula rie: Duilabi, mulumi ami amatubeyila muisi Hebreu uyitulensa. Dibaala diedidi atsiruga ombu gami uyifubana yitsiga nami, tumba nsigamuga.

2 Bakaga 17:25

Banobanda utsana muna basamaduma Fumu kabogu Fumu amabatindila bimbungu abimababoka.

2 Bakaga 17:28

Muvagulitsi upagu umosi agumabingu o Samarie amagabuga uyitsana o Bethel na amabalonsa nana divu diwelimina uyitsa Fumu.

Esdras 1:2

Guluanu adi Cyrus kaga jiPerse evosi rie: Fumu Nsambi aguvu o julu amasunsa bufumu buotsu o tsi durumu duami. Amatuma umuerungisa Ndagu Nsambi o Jerusalem o bulongu buJuda.

Esdras 5:11

Jogu bamatuwagula rie: Jetu tuvu basalitsi baNsambi julu na butamba, urungulila tuirungulili Ndagu ajimarungu kala kala na kaga jiIsrael.

Nehemie 1:4

Nyinogulu mambu meni nyimatsana uyenalilanga; nyimaviosa bilumbu bipuela na munyongu uneni nesi ubusa uji. Nyimasambila Nsambi aguvu o julu rie:

Nehemie 2:4

Kaga amakwivula rie: Yi guirondi? Nyimasundila usambila Nsambi aguvu o julu,

Nehemie 9:6

Ndeʼ Fumu, ndeʼ pinsa! Gumavaga julu na bambuelili butamba na biotsu abivu muna; ndeʼ guiveyi biotsu monyu, biotsu bijulu bigukutimini.

Job 1:9

Mufuengilitsi amawivula Fumu rie: Je kulini Job egudumi?

Nyimbu 136:26

Yitsanu Nsambi aguvu o julu durondu duandi duitsingingi te na mutubu!

Ukumuga 1:15

Va julu vana, kaga jiEgypte amavega diruma ombu baburisitsi abamaburisanga baHebreu, umosi diina diandi Chifra, na ususu diina diandi Poua.

Ukumuga 2:13

Amamuelinga yilumbu yisusu; amalaba baHebreu babeji utsunda betsundi. Amawivula jandi omaba na mbela rie: Mu mbari yi guidimbili mutu nagu?

Daniel 2:44

Mu temu tsibakaga beni, Nsambi jijulu opalisa bufumu abugobungu nesi urumu na batu basusu. Bufumu bueni bupansa nesi ubunga bufumu buotsu bususu na buonyi bubanganga mutubu;

Osee 3:5

Motsu mana manovioga baIsrael bokalula diela, boromba Fumu Nsambi ogu na bategula bakaga David. Bogabuga na nsangu ombu Fumu na boromba amandi mu bilumbu biusita.

Bisalu 14:15

Aa jenu, dibandu yi duivayili nana? Jetu tuji batu munongu mosi nana jenu. Tuji vava udusamunina Musamu Uboti yiri dubusa bakosi abagaa na tsongu nogengila Nsambi aguvu monyu, agumavaga julu na butamba na mubu na biotsu abivu muna.

Bisalu 27:23

Mukolu, yiansa yiNsambi ami agu nyiyitsingi, yimalabana nami na yimavosa nami rie: Paul guyalaba goma.

Philippiens 3:5

Nyimarebu tsona jitega yika nyiburu. Nyimaburu muJuif mu yifumba yiBenjamin, malungu mami mavu tindi malungu maHebreu. Nyimakelisanaga migaga uviolila baPharisie botsu

Dulasu 11:13

Vanadiweru dieni vamaba disisana dineni dibutamba. Musiengi umapasu digumi dibiasi na yiasi yimosi yimabungu, diwendi rie: yisambuali yitosini tsibatu tsimaboku na disisana dibutamba. Botsu basusu bamakambulu puela na bamayitsa buneni buNsambi aguvu o julu.

Dulasu 15:4

Fumu, anyi agoguduma? Anyi obusa udodisa diina diagu? Ndeʼ pinsa guiruyili ombu Nsambi, malongu motsu mogudama va gusu agu noguyitsa, mu mbari mambu magu masungama mamalabana na botsu.

Dulasu 16:11

Bamasienga Nsambi aguvu o julu mu diambu dimaguga mogu na masieyi mogu. Ne nana basamakalula diela na basamabusa mabi mogu.