Joel 2:7 - La Sainte Bible en Langue Yipunu

⁷ Diwendi mambangu nderi bagora abewendi o utoga, dimati bivaga nderi batoyitsi badivita; dikokoku dikokoku mu nsila andi ne dimosi digepembuyi.

Joel 2:7 Iomraidhean Croise

2 Samuel 1:23

Saul na Jonatan bamarondasana tindi urondasana te na dufu duogu, basamakakana nesi mu dufu duogu. Bamaba na mansunsa uviolila bambira na bamaba na mangolu uviolila bimbungu.

2 Samuel 5:8

Muna yilumbu yieni David amavosa rie: Pa mutu erondi ubelisa baJebusie amati o mudungutu ubadala. Nyivini tindi uvina bitsondu bieni na bidunga bieni! La dibandu bevosili rie: Bidunga na bitsondu bayakotusu o Ndagu Fumu.

1 Misamu 12:36

BaDan, magumabeji na yinana yitosini na kama yisiamunu abamaba bakunsama utoga divita.

Job 16:14

Amandemisa mapura na mapura; nyimamulaba nderi mutoyitsi umavita.

Nyimbu 19:5

Ne nana bilumbi bigulunu mu butamba buotsu na malongi megulunu te na masuka mabutamba. Tsiri Nsambi agumabalila wisi mulaku?

Banongu 30:27

Makokoku magaa na bakaga ne nana belingingi muna mabuli;

Jeremie 5:10

Matanu mu bibaga; tabulanu bitayi; tumba duyabibunga tindi ubunga. Gusulanu bitayi birayisan; bigaa biFumu!

Joel 2:8

Digegubini, dikokoku dikokoku dikelisi mulonga andi; divioyi ne va mbura ajivu bitogulu na mutu agodisikiga.

Joel 2:9

Dibasi musiengi, diwendi mambangu o julu tsi bivaga nesi umata o julu tsimandagu nesi ukota mu bafenetera nderi badayitsi.