Joel 2:16 - La Sainte Bible en Langue Yipunu

¹⁶ Gukiganu batu! Vaganu yibenguna yiNsambi! Gukiganu bivunda, gukiganu bafudu na banumba nesi baana! Dibaala adibanowela apali o ndagu andi, mugatsi apali o yibuku yiandi yindagu!

Joel 2:16 Iomraidhean Croise

2 Misamu 20:13

BaJuda botsu bamaba diteli va gusu Mbura Nsambi na baana bogu bageyi na bagatsi bogu na baana bogu bababaala.

2 Misamu 29:5

mbana amabatsingula rie: Bategula baLevi kululuatianu! Keliomisanu na liomisanu Ndagu Nsambi jibataji benu na palisanu biotsu abivu muinsi muna o gusu kana.

2 Misamu 30:17

O yibenguna umaba batu bapuela abasamakeliomisa, kabogu bisi Levi bamatabula bibulu miuru va yivinga yibatu abamaba na muinsi va gusu Fumu.

2 Misamu 30:19

Kokolu tsiagu Fumu, ndeʼ aguvu muboti, tanda botsu abamakevega ujaba duganu duagu diuleba basamakipa duliomusu duogu!

2 Misamu 35:6

Vagulanu yindombu yiPaque pagu, keliomisanu na yilambilianu baana bataji benu, dukavaga motsu ama Moise amavosila Fumu.

Job 1:5

Bilumbu bimulambu binovioga Job amanengila baana bandi bababaala na amabavayila duliomusu. Amaretsama kedi jineni na amavagulila Nsambi pagu jiunyensa jimuana muana. Job amatasanga rie: Tanguji baana bami bababaala bamavaga dibi vo tanguji bamalensa Nsambi na matasa mogu. Anana Job amavayilanga.

Nyimbu 19:5

Ne nana bilumbi bigulunu mu butamba buotsu na malongi megulunu te na masuka mabutamba. Tsiri Nsambi agumabalila wisi mulaku?

Ukumuga 19:10

Fumu amaruma Moise rie: Gabuga ombu baIsrael; baliomisi namunyi na mugesa, basusi biduaru biogu wandi.

Ukumuga 19:15

Jandi amatsingula batu rie: Banu bakunsama mu bilumbu birieru; duyafubana bitsiga na bagetu.

Ukumuga 19:22

Bavagulitsi bapagu abavu na musuga ubambana nami bakeliomisa wandi yiri ngobaboka.

Joel 1:14

Tubulanu temu ubusa uji, vaganu yibenguna yineni! Gukiganu bivunda na bisi bulongu botsu o Ndagu Nsambi etu, tatilanu Fumu etu!

Matthieu 21:16

Kabogu jogu bamamuwivula rie: Gugegulu adi bevosi? Jesus amabagabusila rie: Nyigulu. Jenu mbe dusakaranga Bisonu abisonugu rie: Gumarombisa bangebi na baana uyenadodisanga.

Matthieu 9:15

Jesus amabagabusila rie: Bambatsi bayiwela-mugetu borungula ubusa uji ava yiwela-mugetu akivu nogu? Tsatsabi! Diweru diuruga adi yiwela-mugetu obapatulu mbana bobusa uji.

1 Corinthiens 7:5

Duyabusasana; vo pa dudivayi tanguji yika mua temu aji dumavangana yiri durungula ukevega o dusambu. Mbana muesingasananu yiri dugomangu na Satan.

Josue 7:13

Simbuga liomisa batu. Gukabaruma rie: Keliomisanu mugesa; mu mbari Fumu Nsambi Israel, jandi rie: Jenu baIsrael, vavu bima abi dumadaga; dugorungula uba na mangolu va gusu bavinitsi benu te na dumagusula abimadagu abivu nenu.

Josue 8:35

Vasamaba ne diambu dimosi adi Moise amasona adi Josue asamaranga va gusu dibuli diIsrael; nesi bagetu nesi baana nesi abamatsana nogu.

1 Samuel 16:5

Amawaka rie: Nyiina; nyimaruga uyivagulila Fumu pagu. Keliomisanu na ruganu nami uyevagula pagu. Amaruma Jesse na baana bandi bababaala ukeliomisa noruga o pagu.