Joel 2:13 - La Sainte Bible en Langue Yipunu

¹³ Munyongu uilabini mu mirima tsiri upasa biduaru. Gabuganu ombu Fumu Nsambi enu! Jandi avu muboti na mungo yingeba, agaa na yifutsu na abasa na durondu, egabusi murima nsima mu diambu dimikilu ami ekilisi.

Joel 2:13 Iomraidhean Croise

Dibandu 37:29

Ruben amagabuga o yiduna ayimaleba mamba; amalaba yiri Joseph asaa o yiduna. Amapasa biduaru biandi,

Dibandu 37:34

Amapasa biduaru biandi na amaduara siela, amakota o bukuili uyenalilanga.

2 Samuel 1:11

David amapansa biduaru biandi na botsu abamaba vana bamavaga munongu mosi.

1 Bakaga 21:27

Achab anomana ugulu mambu baElie amapasa biduaru biandi; amaduara siela na amabusa uji; amasilamanga na siela eni na amavindama va gegeyi.

2 Bakaga 22:11

Ava kaga Josias amagululu mambu madibuku dimigaga amapasa biduaru biandi.

2 Bakaga 22:19

Gumagulu na buranga adi nyimavosa mu diambu diJerusalem na dibatu abetsani muna; mukilu ogu uba uneni te na diina diogu diusalusu uwarisa milogu. Gumakalula diela, gumasinga mbela agu te na gumapasa biduaru biagu na gumalila. Meʼ wami nyimagugulu, nyisingi amagu;

2 Bakaga 5:7

Kaga jiIsrael anoranga muganda amapasa biduaru biandi na amagamuga rie: Je meʼ nsambi nyivu yiri nyubokisa mutu vo umuvega monyu? Tsie kaga jiSyrie etumini yiri nyubelusa mutu nyambi andi? Dugelabi yiri erondi utoga nami?

2 Bakaga 6:30

Kaga anogulu posulu tsimugetu eni amapasa biduaru biandi ava amayenavioyilanga va julu yivaga; batu abamaba o gari yivaga bamalaba yiri amaduara siela o tsi biduaru biandi.

2 Misamu 6:27

ndeʼ Fumu aguvu o julu bagulu na batandi dibi diogu mu mbari bavu basalitsi bagu; balonsi udugusu duganu duagu mbana banoyisili mfula mu butamba abu gumabavega disiala.

Nehemie 9:17

bamabusa ugudedila, bamalibana maneni magu ama gumabavayila; bamagalisa mirima miogu bamatabula diambu ugabuga o buviga buogu o Egypte. Tumba gusamabaliyila nsima, guvu Nsambi aguitandingi, Nsambi aguvu na maboti na yingeba, agugaa na yifutsu, aguvu na tindi durondu.

Job 1:20

Mbana Job amaretsama, amapasa yijungi yiandi na amafuga diviolu; amakebuaga va tsi, amagudama na amagolana dibufu;

Nyimbu 103:8

Fumu avu na yingeba na maboti avu na pugu na abasa na durondu.

Nyimbu 106:45

Amarangimina pangini andi nogu; mu diambu dimaboti mandi maneni,

Nyimbu 34:18

Ava batu basungama begamuyili, Fumu ebagulu, ebawaki kalala mu purulu tsiogu tsiotsu.

Nyimbu 51:17

Fumu dibula munu ami; nyusamunanga duyitsu duagu.

Nyimbu 86:15

Tumba ndeʼ Fumu guvu Nsambi aguvu na yingeba na maboti agugaa na yifutsu, aguvu abasa na durondu, aguvu asigama,

Nyimbu 86:5

Aa Fumu, ndeʼ guvu muboti na guitandingi, guilasingi maboti ombu jogu abegutatili.

Esaie 57:15

Nsambi aguvu uneni agu nsanunu jibangingi mutubu aguvu na diina diNsambi, evosi rie: Nyitsani o julu o mbura jiyingitsi tumba nyivu na batu abamakambulu na abamakesunsa wandi; diwendi rie: nyuwamusa abamakambulu na nyuwamusa abamakesunsa wandi.

Esaie 58:5

Je yilumbu ayi ubusa uji umunongu eni uindasi ubueji? Je ubandiga muru nderi yilelenga nosilama va siela nesi va dibufu; adina divu ubusa uji? Ayina yilumbu ayilasila Fumu ubueji?

Esaie 66:2

Fumu amavosa rie: Meʼ beni nyimasala bima bieni biotsu, biotsu abilabini bivu biami. Jandi aguindasi ubueji: aguvu divolambombu aguvu na murima ubuliga na aguireyimini mambu mami.

Jeremie 36:7

Tanguji Fumu ogulu ndembu tsiogu na tanguji mutu mutu okalula diela na bifu biandi mu mbari Fumu ana kabu jineni na fuiri na batu bebaba.

Jeremie 41:5

Magumidunana mababaala bamaruyila o yiari yiSichem no yiari yiSilo no yiari yiSamarie abamafuga biedu na abamapasa biduaru na abamakenemisa; bamabega pagu na bima bimbunga jiboti ubiwakisa o Ndagu Nsambi.

Jeremie 42:10

Pa dutsana o bulongu buebubu nyuduwarisa na ngomuedupansa nyuduvaga nderi bivaru abigorubulu; nyugabusa murima nsima mu dibi adi mbe nyimatasa uduvayila.

Ezekiel 9:4

Fumu amamutsingula rie: Vioga o gari Jerusalem, gukanamiga batu bilimba mu bambami bogu; botsu abetsukimi na abebimi mu diambu dinsoruru tsiotsu atsivagungu guna.

Osee 14:1

Samarie ukilusu mu mbari umabusa Nsambi andi. Jogu boboku o divita; bategula bogesumunu na bopasa mioji mibagatsi bogu aboba na mimi.

Jonas 3:9

Tanguji Nsambi okalula diela nolibana kabu andi yiri tugomuefu?

Jonas 4:2

Amasambila Nsambi rie: Aa Fumu tsiri nana nyimavosila ava mbe nyikivu o bulongu buami? La dibandu nyimarondila urina o Tarsis. Nyimajaba yiri ndeʼ guvu Nsambi aguvu na murima udeda na mungo yingeba aguvu na pugu na aguvu na durondu; guvu ukunsama ugabusa murima nsima nesi ukilisa.

Michee 7:18

Anyi avu Nsambi nderi ndeʼ? Anyi etandi mabi nesi ulibana masumu mabansialutsu? Kabu agu jigetsingi mutubu mu mbari guilabi ubueji uvaga maboti.

Nahoum 1:3

Fumu ana pugu, avu na mangolu maneni; agotamba ukilisa. Elingi mu mungudi na mu yimbongila. Mamungi mavu nderi difufundu dimatambi mandi.

Dutalu 14:18

Nyivu Fumu, ngaa na yifutsu na nyivu na maboti; nyitandi mabi na bumbini; tumba ngegengili abavu na mbela nden bana ndunga na nyikilisi baana mu diambu dimabi mabataji te na kula tsimurieru nesi tsimuina.

Romains 2:4

Kabogu guilevuli mabo-ti maNsambi na pugu andi na usunda umurima andi? Gugejabi yiri maboti maNsambi megu-veyi murima ukalula diela?

Ephesiens 2:4

Ka muna yingeba yi! Ka muna durondu du!

1 Timothee 4:8

mu mbari usalisa dunyuru divu diwelimina tumba ubagunu na Nsambi diviolili ubueji; uonyi uitulonsi nsanunu tsiwelimina na guituveyi monyu umutubu.