Jeremie 8:5 - La Sainte Bible en Langue Yipunu

⁵ Kabogu dibandu yi bisi Jerusalem beketsiemusila mutubu? Bedukingi bansambi bamafurulu na bebusi ugabuga ombu gami.

Jeremie 8:5 Iomraidhean Croise

Banongu 4:13

Kelisa malongi na guyamabusa; makelisi mu mbari mavu monyu agu.

Esaie 1:20

Tumba pa duibusi na pa duvu mimbini duboku na majenga. Fumu oyidivosi.

Esaie 30:10

Na betsinguli abejabi amavu o gusu rie: Duyatubula biriariamu! Nesi ombu babiyitsi rie: Duyatubula mangensa! Tutsingulianu mambu mabatu nesi mamandosi!

Esaie 44:20

Bamakevega o dibufu, matasa mogu mamabarombisa buduka, nsambi ogu agebawaki kalala, tumba joʼ beni bagekewivula rie: Ajivu va dikaka diami jigaa mfurulu?

Jeremie 14:7

Aa Fumu, diuleba mabi metu metukambisi tuwaki kalala mu diambu didiina diagu! Nsimbulu tsietu tsivu tsipuela tsipuela na tumavaga masumu va gusu agu.

Jeremie 2:32

Je numba elibini kembu tsiandi? Je agumakumu elibini beleeti andi? Nesi, tumba jenu batu bami dumandibana kala.

Jeremie 3:5

Gunyoganga mutubu? Gukelisa kabu agu mutubu? Nyiina, adina guivosi, ne nana gugedundi uvaganga mabi.

Jeremie 5:27

Nana dikuba divu dibasa na batsoli, mandagu mogu mamabasa na ndunsulu; anana bedilili mangolu nesi busina.

Jeremie 5:3

Aa Fumu, tsia guirondi businganyi? Guibadimbi tumba bagegulu buali; guibakilisi ne nana bebusi ukalula diela.

Jeremie 5:6

La dibandu yimbungu eruyili o musiru uyibaboka na minsi eruyili o kumu uyibabunga, magena ulega ebaleyi va gusu misiengi miogu; botsu abopala bovopulu; mu mbari bumbini buogu buvu buneni na mabi mogu mamafuna.

Jeremie 6:17

Nyimabasunsa bawatsi ubalubusa rie: Banu limba ugulu diufi dimumbanda Tumba bamawaka rie: Tugoba limba!

Jeremie 6:19

Jenu bisi bulongu buotsu, guluanu! Nyulasa batu bebaba purulu atsiuba yisaku yimatasa mogu mabi; mu mbari basamaba limba ugulu mambu mami na bamalensa migaga miami.

Jeremie 9:6

La dibandu Furtni Mabadi evosili rie: Gulu, nyubawansa na nyubaliomisa. Va disusu adi nyurungula uvaga mu diambu dimbivulu tsibatu bami?

Daniel 9:11

BaIsrael botsu bamasumuna migaga na bamaguliyila nsima yiri bagogulu malongi magu. Mu diambu didilensa dietu milogu amimasonugu mu migaga miMoise, musalitsi uNsambi mimatudugunu.

Osee 11:5

BaIsrael bagomuegabuga o bulongu buEgypte; tumba muisi Assyrie oba kaga ogu mu mbari bamambusa.

Osee 11:7

Batu bami belabi ubueji ukakana nami; diuleba nyimabalembiyila ukengila tumba ne mutu mosi va gari ogu asamanangula misu.

Osee 13:2

Mbana batu bandi bemuevayingi masumu, besulumusi lora tsiogu tsivema uvaga bitumba na bamavaga bakosi na buketi buogu. Bevosi rie: Vengu tumuvagulila pagu! Befifi baana babangombi! Ka muna mbela ji!

Osee 4:16

Mu mbari Israel amaba mumbini nderi muana ngombi agugegaru ulonsu. Dibandu yi Fumu obalisilanga o kumu jineni nderi bindombu bavu?

Zacharie 7:11

Tumba bamabusa ugulu, bamandiyila nsima na bamadibiga matuji mogu yiri bakegulu.

Jean 5:40

Tumba dugerondi uruga ombu gami udila monyu aguvu ngensa.

1 Thessaloniciens 5:21

Kelulanu mambu motsu, kelisanu amavu maboti;

Hebreux 12:25

Kebananu duyabusa ugulu jandi oyivosi. Lesa jogu basamarina mukilu ava bamabusila ugulu jandi omalonsanga va butamba tambusa na jetu, tugokilusu pa tuibusi ugulu jandi ojivu o julu ava etulubusili?

Dulasu 2:25

Yika uvosa rie: Waranu nana duiwarili te na vana nyuruyila.