Jeremie 8:2 - La Sainte Bible en Langue Yipunu

² Bobiwanyiga va nyangu nesi va muetsa utsungi na ubambuelili, bivisi bibatu abamaronda bijalala bieni: bamabisalila na bamabiyitsa na bamabisambila nogudama va gusu bionyi. Bivisi bieni bigomuebolu nesi utsigu; biusiala va julu butamba nderi dibumbu.

Jeremie 8:2 Iomraidhean Croise

2 Bakaga 17:16

Bamabusa maruma motsu maFumu Nsambi ogu, bamakevayila kosi tsibaana babangombi na bamavaga kosi tsiAstarte na bamakutimina bambuelili na bamasalila Baal.

2 Bakaga 21:3

Amamuerungulila mbura tsiduyitsu atsi taji andi Ezekias amapansa, amarungila Baal binyensulu bipagu, amavalisa kosi jiAstarte; dedi mosi na Achab kaga jiIsrael amakota muyitsa ubambuelili na tsungi na wisi.

2 Bakaga 21:5

Amarunga binyensulu bipagu bibambuelili na tsungi na wisi va ndombili tsiotsu tsibeji tsiNdagu Nsambi.

2 Bakaga 23:5

Josias amabinga bavagulitsi bapagu bamfurulu aba bakaga baJuda bamasola uvagula pagu va mbura tsiduyitsu tsimisiengi miJuda na amimabambana na Jerusalem; amababinga mu mbari bamavagulilanga Baal na wisi na tsungi na bambuelili pagu.

Nyimbu 53:5

Fumu amavosa rie: Basusu abevayingi mabi bagejabi yiri nyubakilisa. Bejangingi abi bedayingi batu bami, bagensambili via!

Nyimbu 83:10

Aa Nsambi bavayili dedi mosi na Sisera na Yabin o mujamba uQuichon; nesi nana baMadian

Nyimbu 83:11

abamabungu o yileka yiHarod, te na bamakaluga tindi dibumbu.

Mambu Mamungo Diela 6:3

Ne pa dibaala obura kama baana notsinga puela bilima ne pa bilima bieni bivu bipuela pa agorungula ulabanga ubueji na biandi na pa agotsigu buranga, menu nyivosi yiri muana agumaburu ufu kala ana nsangu uviolila jandi.

Jeremie 14:16

Mbe ka batu aba bobiyila, bamfumbi bogu boba layini mu diambu didungosu dunsala na didivita; vagoba mutu ubatsiga nesi jogu beni nesi bagatsi bogu nesi baana bogu bababaala nesi babagetu; nyubagabusila mbivulu tsiogu.

Jeremie 16:11

Gukabawagula rie: Fumu jandi rie: Bataji benu bamambusa na bamawenda ombu bansambi bangana, bamabasalila na bamagudama va gusu ogu; jogu bamambusa na basamakelisanga migaga miami.

Jeremie 16:4

Bofuanganga na maali; bagolilu na bagotsigu; bamfumbi bogu boba layini te na butamba buba nderi budibumbu; boboku na divita na dungosu dunsala; bamfumbi bogu bododungu na batsoli na makoju mobajanganga.

Jeremie 16:6

Bisina na bijaga bofu mu bulongu buebubu, bagobatsiga na bagobalila vo ukefuga divenda mu diambu diogu.

Jeremie 19:13

Mandagu maJerusalem na mandagu mabakaga baJuda mobivusu dedi mosi na Tofet mu mbari amuna bamavagulilanga bima bimbunga jiboti o julu tsimiansa uyitsanga bambuelili na tsungi na wisi na bamavagulilanga bansambi bangana pagu tsiunu.

Jeremie 22:19

Otsigu nana betsiyili buru, odutu nopalusu va gusu kana umusiengi uJerusalem.

Jeremie 25:33

Jogu aba Fumu oboka muna yilumbu yieni boba layini ubandila o kodu mosi jibutamba te no kodu susu; bagolilu nesi ubolu nesi utsigu; butamba buba nderi budibumbu.

Jeremie 31:40

Yibususu yiotsu ayi bamabuayila bamfumbi na dibufu nesi o manungi motsu te no mujamba ugeyi uCedron te no yitungu yidikotulu dibakabala o yiari ayi wisi epalili; biari bieni biotsu biuba biami. Bigomuepatulu nesi ubungu.

Jeremie 36:30

La dibandu Fumu evosili mu diambu diJoaquim kaga jiJuda rie: Ne mutu andi umosi agotsana va yitsiga yibufumu yiDavid na mfumbi andi jiuwanyugu va nyangu jineni na jigogusulu va yiotsi yimukolu.

Jeremie 9:20

Dufu dumakota ombu getu, duvu nesi o mandagu metu maboti; uboka duiboki baana mu mansila nesi bafudu mu makasa.

Jeremie 9:21

Ndeʼ Jeremie gukabuesa adi menu Fumu nyitubuli rie: Bamfumbi bavu layini te na butamba buba nderi budibumbu na bavu dedi na abibonduyi va nsima batsonsiyitsi abi mutu agelabi.

Jeremie 9:22

Fumu evosi rie: Mungo diela ayakedodisa na diela diandi, mungo mangolu ayakedodisa na mangolu mandi, yisina ayakedodisa na busina buandi.

Ezekiel 29:5

Nyugubuaga o mbura atsigaa na mamba; jenu na banyama bamamba. Guberuga o musiru; gugosimbuga na gugobolu; bibulu na batsoli bogujanganga.

Ezekiel 39:5

Guberuga va tsi mu mbari nyimadivosa; menu aguvu Fumu Nsambi.

Ezekiel 6:5

Nyusakiga bamfumbi baIsrael va gusu bakosi benu; nyupansa bivisi biogu utsiengila binyensulu biogu bipagu.

Ezekiel 8:16

Mbana amambega o dulombili adugari Ndagu Nsambi. Va dikotulu diNdagu Nsambi va gari piasu na yinyensulu yipagu vamaba magumabeji na babaala baranu abamaliyila Mbura Nsambi nsima na bamagengila o yiari ayi wisi epalili, bamayekutama uyitsa wisi.

Sophonie 1:17

Fumu amavosa rie: Nyulasa babaala maguga na bowendanga nderi bidunga mu mbari bamavaga masumu va gusu ami. Malungu mogu mowitulu yiari na yiari nderi difufundu na bamfumbi bogu bagotsigu.

Sophonie 1:5

Nyubunga jogu abegudimi va julu tsimiansa uyitsa bambuelili na tsungi na wisi nesi jogu abegudimi noleva pesi na diina diMilkom nsambi ogu.

Bisalu 7:42

Mbana Nsambi amabaliyila nsima yiri bayitsi wisi na tsungi na bambuelili nana dimasonugulu mu dibuku dibabiyitsi rie: BaIsrael dumapagulila pagu na miensili ava dumabila o kumu te na magumana mabilima?

Migaga Mimatubula 17:3

pa mutu eni oyitsa bansambi bangana uyebasalila nobakutimina, nesi wisi nesi tsungi nesi bambuelili; abi Fumu amagandisa

Migaga Mimatubula 4:19

Kelisanu mirima mienu yiri ava duibuayili misu o julu nolaba wisi na tsungi na bambuelili, diwendi rie: bijalala biotsu bijulu dugobikutimina nobiyitsa: bivu bima abi Fumu Nsambi enu amasingilila batu basusu va butamba.