Jeremie 8:12 - La Sainte Bible en Langue Yipunu

¹² Fumu ewivuli rie: Belabi yisonyi mu mbari bamavaga nsoruru? Bagelabi yisonyi, bagejabi yisonyi. La dibandu boberuyila va mosi na jogu abeberuyi; va temu eni nyubakilisa na bobetsu.

Jeremie 8:12 Iomraidhean Croise

Jeremie 3:3

La dibandu mfula jisamamuenoganga nesi mfula dijo jisamamuenoganga. Tumba gumawarisa buvuyisa buagu, gumabusa ulaba yisonyi.

Jeremie 6:15

Fumu ewivuli rie: Belabi yisonyi mu mbari bamavaga nsoruru? Bagelabi yisonyi, bagelabi bana mbela. La dibandu boberuyila va mosi na jogu abeberuyi; va temu eni nyubakilisa na bobetsu.

Esaie 3:9

Binsi biogu bibaveyi mbela, bavu dedi na bisi Sodome, bevayingi masumu mogu va gusu batu, bagemasueyi ne pesu. Ka muna maguga ma bolasu! Ukunsa bekunsi dubungu duogu!

Nyimbu 52:7

La dibandu Nsambi ogubungila mutubu; ogugaanga nogupalisa o ndagu agu; nogugusula va gari abavu monyu. Letasatianu

Sophonie 3:5

Diuleba Fumu aguvu usungama etsani o musiengi; kedi na kedi elasingi bisalu biandi biboti va yijalala, agedundi ubilasanga. Ne nana batu babi bagaa na yisonyi.

Nyimbu 52:1

Duimbu duyivunda yibawimbitsi na duDavid.

Migaga Mimatubula 32:35

Kabusulu pila ajiami na kabusulu wandi ava botsimbulu! Bilumbu bimaguga mogu bigotamba nolabana.

Philippiens 3:19

Uwenda bewendi o bulungi bumuji; nsambi tsiogu la nsala tsiogu tsibi, beyitsi amagaa mawelimina uyitsu nabetasi yika matasa mabutamba buebubu.

Osee 5:9

Yifumba yiEfraim yiubungu o kumu mu yilumbu yimukilu. Va gari bifumba biIsrael nyimajabisaadiulabana.

Esaie 24:2

Diuba dedi mosi na muvagulitsi upagu na batu, nesi musumbisitsi na musumbitsi nesi musombisitsi na musombitsi, nesi munuanisitsi na munuanitsi.

Jeremie 6:21

La dibandu Fumu evosili rie: Gulu nyusunsa mamanyi va gusu ogu amobadukusu mabaku, taji na muana boduku mabaku va mosi nesi mbatsi na mbatsi na bofu.

Jeremie 10:15

Bagaa na tsongu, yisalu yindunsulu. Botsu bana botsiemuga ava Fumu oruyila.

Jeremie 44:10

Basamakesunsa te na namunyi; basamalaba goma; basamaduka migaga miami na maruma mami abi nyimasunsa va gusu enu nesi va gusu bataji benu.

Ezekiel 23:18

Amavaga bumbembu buandi va yijalala, asamasueganga penyi andi; mbana nyimamutogulu dedi mosi na muana nguji andi.

Dibandu 19:34

Ava kedi yivunda amatsingula ngebi andi rie: Mukolu agutsivioga nsifubana yitsiga na taji ami. Tumuemulansa na mukolu egugu mbana ndeʼ wagu guyefubana yitsiga nandi na tudilila taji etu bategula.

Jeremie 14:15

La dibandu menu Fumu nyivosili rie: Mu diambu dibabiyitsi abebiyi mu diina diami, diuleba nyisamabasindiga, bevosi rie: Vagoba divita nesi dungosu dunsala mu bulongu buebubu. Babiyitsi beni boboku na divita na dungosu dunsala.

Jeremie 23:12

Fumu amavosa rie: La dibandunsila ogu jiuba na puelili na pisama, bosindulu na boberuga mu mbari nyubalasa maguga muna yilima ayi nyubakilisila.