Jeremie 7:9 - La Sainte Bible en Langue Yipunu

⁹ Je dudaga noboka novaga bumbembu noleva pesi jikulini novagulila Baal bima bimbunga jiboti noduka bansambi bangana aba dusamalejaba?

Jeremie 7:9 Iomraidhean Croise

1 Bakaga 18:21

Mbana Elie amarelama va gusu batu botsu na amawivula rie: Te na temu yi dubanganga na mirima mibeji? Pa Fumu avu Nsambi mudukianu! Pa Baal mudukianu! Batu basamamuwaka diambu.

Ukumuga 20:3

Guyayitsanga bansambi basusu, yika menu.

Esaie 1:13

Dundanu umbeyila miensili amigaa na divindugulu; nyilabi bima bimbunga jiboti bienu nsorum. Ngorungula utsimisa misu mu bibenguna bienu: bibisusungi nesi bibatsona nesi bibilumbu biyingitsi. Ngomuegaru muyitsa agu duisobini na mabi.

Esaie 58:2

Betombingi bilumbu biotsu berondi ujaba nana nyitasili; nderi bavu batu abedukingi dusungugu abasamabusa migaga miNsambi ogu. Bekwivuli ubatabulila bunsonsi buwelimina; berondi ubambana nami.

Jeremie 1:16

Nyubatabulila bunsonsi buami mu diambu dimbivulu tsiogu mu mbari bamambusa na bamavagulila bansambi banganga bima bimbunga jiboti na bamagudimina bansambi aba jogu beni bamasala uyitsa!

Jeremie 11:13

Aa Juda, dutalu dubansambi bagu duvu dedi na dutalu dumisiengi miagu! Dutalu dubinyensulu bipagu bibakosi duvu dedi na dutalu dumansila maJerusalem, binyensulu bipagu biuvagulila Baal bima bimbunga jiboti.

Jeremie 11:17

Menu Fumu Mabadi nyimavara muoliva aguvu baJuda na baIsrael tumba namunyi nyibalubusi yiri voba dubungu adu bamakerombila; bamavaga dibi ava bamavagulila Baal bima bimbunga jiboti unyoyisa.

Jeremie 13:10

Bavu batu babi abebusi ugulu mambu mami, abewarisi kanda tsiogu na bedukingi bansambi bangana nobasalila nesi ugudama va gusu ogu. Bakaluyi nderi beleeti ejiji ajigomueba na yisalu!

Jeremie 18:15

Tumba batu bami bamandibana bevagulili bansambi bangana bima bimbunga jiboti; bebadukusu mabaku, bebapembusi mansila makala ubagonsa va mugula.

Jeremie 19:4

BaJuda bamambusa na bamabivisa mbura ejiji avana bamavagulila bansambi bangana bima bimbunga jiboti aba jogu na bataji bogu na bakaga baJuda bagejabi; bamabasa mbura ejiji na malungu mabatu abagaa na mbela.

Jeremie 32:29

Bisi Babylone abetumuni musiengi egugu bokota, bogutsabiga muji na bogunyensa va mosi na mandagu ama bamavagulila Baal bima bimbunga jiboti va julu tsimiansa nesi ama bamavagulila pagu tsiunu ombu bansambi bangana yiri bonyoyisa.

Jeremie 44:3

Dimalabana mu diambu dimbivulu tsiogu ava bamanyoyisila uvagula bima bimbunga jiboti nosalila bansambi bangana. Diuleba basamajaba bansambi beni ne jenu ne bataji benu.

Jeremie 44:8

Dibandu yi duinyoyisi na bisalu bienu ava duivagulili bima bimbunga jiboti ombu bansambi bangana babulongu buEgypte abu dumayisuemina. Je duirondi ubokusu nolasu mulogu nesi ulasu yisonyi va gari bisi malongu motsu?

Jeremie 44:9

Dumalibana mabi mabataji benu nesi mabi mabakaga baJuda nesi mabi mabataji bogu nesi mabi menu nesi mabi mabagatsi benu ama bamavaga o bulongu buJuda nesi mu mansila maJerusalem?

Jeremie 48:35

Fumu amavosa rie: Nyubunga bisi Moab abewendi o mbura tsiduyitsu noyevagula bima bimbunga jiboti ombu bansambi bangana.

Jeremie 5:2

Ne pa belevi pesi rie: Fumuejabi! kulini belevi pesi.

Jeremie 5:7

Fumu amavosa rie: Jerusalem, dibandu yi nyugutandila? Baana bagu bababaala bamambusa na belevi mapesi na miina mabansambi bamfurulu. Nyimabadugusu maboti ne nana bevayingi bumbembu; bewendi yinombu o mandagu makulini.

Jeremie 7:6

pa dugekambisi muenyi na yisiana na mukuili pa dugewitili malungu ma-agugaa na mbela va mbura ejiji na pa dugeduki bansambi bangana abodubunga,

Ezekiel 18:18

Taji andi agumaba mukuanitsi, agumadayila basusu, agumavaga amagaa maboti va gari batu bandi, jandi aguna afu mu diambu dimabi mandi.

Ezekiel 20:30

La dibandu wivula baIsrael rie: Menu Fumu Nsambi nyiwivuli rie: Dugekebivisa dedi mosi nana bataji benu bamakebivisila na dugevayi bumbembu na nsoruru tsiogu?

Ezekiel 23:39

Muna yilumbu yieni bamavagulila bakosi bogu baana bogu mbana bamawenda o Mbura ami uyejilensa. Motsu mana bamavaga o Ndagu ami.

Ezekiel 5:11

Menu aguvu Fumu Nsambi nyimaleva rie: Nyijabi! Mu mbari dumabivisa Mbura ami jiNsambi na bakosi benu botsu na nsomm tsienu tsiotsu, me wami nyukegusula na ngomuedulasa yingeba; ngomueduwamusa, via.

Osee 2:13

Nyutsiemusa nsangu andi jiotsu nesi bafeta bandi: bisusungi na bilumbu biandi biuvuma.

Osee 6:9

Bavagulitsi bapagu bevuningi batu mu nsila jiSichem nderi jogu abeleyi uyenavaganga bukongu. Bevayingi yika mabi na mabi.

Amos 4:5

Vagulanu pagu tsienu tsikabusulu tsimaboti atsivu na dufunu duneni! Wansanu muansu na tubulanu pagu tsienu, pagu tsiotsulsitondini! Fumu oyidivosi

Sophonie 1:5

Nyubunga jogu abegudimi va julu tsimiansa uyitsa bambuelili na tsungi na wisi nesi jogu abegudimi noleva pesi na diina diMilkom nsambi ogu.

Malachie 3:5

Fumu Mabadi evosi rie: Nyulensa udutabulila bunsonsi: mu diambu dibavanditsi na bimbembu na jogu abelevi mapesi maleleva na jogu abegaangi futa tsibasalitsi na jogu abelasi bakuili na bisiana maguga na jogu abevayi benyi mabi na bagendumi.

Romains 2:2

Tumba tuijabi yiri Nsambi ana ndunga ava eveyili batu bamuno-ngu eni mbela.

Migaga Mimatubula 32:17

Jenu baIsrael dumavagulila bakosi abagaa Nsambi pagu, ombu bansambi aba dusamalejabanga, ababanoruga yika namapapa aba bataji benu basamadumanga.

Dulasu 21:8

Tumba batsoritsi na abagaa na yitu na babi na bikongu na bivuyisa na bavanditsi na basambilitsi babakosi na bafuritsi botsu bana mbura o dianga dineni dimuji na fula adivu dufu dumubeji.

Dulasu 22:15

Bango dijamba na bavanditsi na bivuyisa na bikongu na basambilitsi babakosi na bafuritsi bosiala va gusu kana!

Bansonsi 5:8

Bamasola bansambi bangana: adina dimarombisa mavita. Dimaba divura ulaba nesi ngubu nesi dikongu ombu magumana matosini tsibaIsrael.