Jeremie 7:2 - La Sainte Bible en Langue Yipunu

² Vioga va dikotulu diNdagu Nsambi, avana gutubulila bulumbi buebubu rie: Jenu baJuda botsu abetsani va dikotulu diNdagu ejiji, gudamanu va gusu Fumu!

Jeremie 7:2 Iomraidhean Croise

1 Bakaga 22:19

Michee amavosa rie: Kabogu legulu mbembu Fumu! Nyimalaba Fumu atsana va yitsiga yiandi yibufumu na bisi julu botsu bamaba diteli bebeli nandi va mabaala na va magetu mandi.

Nyimbu 122:2

Aa Jerusalem, tuisikimi va makotulu magu!

Esaie 1:10

Aa Jerusalem, Barumitsi bagu nesi batu bagu bavu dedi na bisi Sodome nesi bisi Gomorrhe. Gulu adi Fumu egutsinguli, liga matuji ugulu malongi maNsambi etu!

Jeremie 10:1

Jenu baIsrael guluanu bulumbi abu Fumu edutsinguli!

Jeremie 11:6

Fumu amatuma rie: Samuna mambu meni motsu o misiengi miJuda, nesi o mansila maJerusalem rie: Dedilanu mambu mapangini ejiji nomakipanga!

Jeremie 19:14

Ava Jeremie amaruyila o Tofet agu Fumu amamusindiga uyebiga amaretsama va piasu jiNdagu Nsambi na amatsingula batu botsu rie:

Jeremie 2:2

Wenda yegamuyila Jerusalem rie: Fumu jandi rie: Nyirangimini durondu duagu ava gumabila numba, nesi durondu duagu duneni ava gumakumunu. Gumanduka o kumu o mbura atsigaa na manungi.

Jeremie 2:4

Jenu bisi ndagu Jacob jenu bisi yifumba yiIsrael guluanu diambu diFumu.

Jeremie 26:2

Menu Fumu nyigurumi diruma diedidi rie: Retsama va piasu jiNdagu Nsambi notsingula bisi misiengi miJuda baruyi uyiyitsa Fumu o Ndagu andi; gukabatsingula mambu motsu ama nyimaguruma ubatsingula; guyagusula ne dimosi.

Jeremie 28:5

Jeremie mubiyitsi amawaka Hanania mubiyitsi va gusu bavagulitsi bapagu na batu botsu abamaba o Ndagu Nsambi rie:

Jeremie 34:4

Mbe ka ndeʼ Sedecias kaga jiJuda pa gudedila adi nyivosi gugoboku na dijenga. Menu Fumu oyiditubuli.

Jeremie 36:10

Baruch amarangila batu botsu muganda umambu maJeremie o Ndagu Nsambi. Amaba o yibuku yindagu yiGuemaria muana dibaala uChafan agumaba musonitsi. Yibuku yieni yimaba o dulombili aduneni va dikotulu digona diNdagu Nsambi.

Jeremie 36:6

Gukawenda ndeʼ na mambu maFumu ama nyimagulonsa usona, gukamarangila batu o Ndagu Nsambi yilumbu ayi bebusili uji; gukamarangila baJuda wandi ava boruyila o misiengi miogu.

Jeremie 44:24

Jeremie amamuetsingula batu botsu nesi babaala nesi bagetu rie: Jenu baJuda botsu aduvu o bulongu buEgypte guluanu mambu maFumu!

Jeremie 7:1

Fumu amaruma Jeremie rie:

Ezekiel 37:1

Mangolu maFumu mamakaanga na Yinyunyi yiandi amambega; amayensunsa o yibususu ayimabasa na bivisi.

Osee 5:1

Bavagulitsi bapagu guluanu diambu diedidi; Jenu barumitsi baIsrael banu limba! Jenu bisi ndagu kaga liganu matuji! Bunsonsi utabulu buidutabululu. Dumaba nderi murambu o Mispa nesi mbusa ajimabuagu o Tabor,

Amos 7:16

Tsie gulu mambu maFumu ndeʼ Amassia aguivosi rie: Guyabiyila baIsrael nesi bategula balsaac.

Michee 1:2

Jenu batu botsu, guluanu! Butamba ba limba na biotsu abivu muna! Fumu aguvu Fumu Nsambi ana kueru nenu, Fumu aguvu o mbura andi jiyingitsi

Michee 3:1

Nyivosi na jenu milonsi mibategula baJacob na jenu bansonsi baIsrael rie: Tsiri diambu dienu ujaba dusungugu?

Michee 3:9

Nyivosi nenu na jenu milonsi mibategula baJacob na jenu bansonsi jenu adumalaba dusungugu nsoniru, adumavinsa kingu jimotsu amavu masungama.

Matthieu 13:9

Mbana Jesus amabuesa rie: Jenu adugaa madiba guluanu.

Jean 18:20

Jesus amamugabusila rie: Temu na temu nsilonsanga o Mandagu maYibenguna nesi o Ndagu Nsambi aji baJuif botsu bebenguniningi na ngaasueganga diambu.

Bisalu 5:20

Wendanu o Ndagu Nsambi na lonsanu batu mambu maduburu dugona.

Bisalu 5:42

Yilumbu na yilumbu bamakotanga o Ndagu Nsambi no mandagu masusu uyenasamunanga Musamu Uboti uJesus Christ.

Dulasu 2:11

Jandi oyigulu alubuyi! Agulu ama Yinyunyi yiNsambi evosi ombu bisi mabundu rie: Botsu abolunga bagolaba dufu dumubeji.

Dulasu 2:17

Jandi oyigulu alubuyi! Agulu ama Yinyunyi yiNsambi evosi ombu bisi mabundu rie: Botsu abamalunga nyubavega manna amamasuegu. Nyuvega mutu mutu dimanyi divema adimasonu diina digona, adigojabunu na bususu; yika jandi oyidilugu.

Dulasu 2:29

Jandi oyigulu alubuyi! Agulu ama Yinyunyi yiNsambi evosi ombu bisi mabundu.

Dulasu 2:7

Jandi oyigulu alubuyi! Aguhi ama Yinyunyi yiNsambi evosi ombu bisi mabundu rie: Ombu botsu abamalunga nyubavega musuga uji milunda mimuiri umonyu aguvu o nungi jiNsambi.

Dulasu 3:13

Jandi oyigulu alubuyi! Agulu ama Yinyunyi yiNsambi evosi ombu bisi mabundu.

Dulasu 3:22

Jandi oyigulu alubuyi! Agulu ama Yinyunyi yiNsambi evosi ombu bisi mabundu.

Dulasu 3:6

Jandi oyigulu alubuyi! Agulu ama Yinyunyi yiNsambi evosi ombu bisi mabundu.