Jeremie 5:4 - La Sainte Bible en Langue Yipunu

⁴ Nyimavosa rie: Jogu bavu bangebi; bevayi mambu mabuduka mu mbari bagejabi duganu duFumu, nesi migaga miNsambi ogu.

Jeremie 5:4 Iomraidhean Croise

Esaie 27:11

Pa bitayi bimagumuga bibonduyi; bagetu beruyi uyibinyensa. Batu beni bagejabi diambu. La dibandu agumabavaga agebalasi yingeba, agumabasunda agebavayili maboti.

Esaie 29:12

Vo nderi dibuku adi bewakisi ombu mutu agugejabi uranga na bemurumi rie: Ranga mambu memama! Jandi ewaki rie: Ngejabi uranga.

Jeremie 10:8

Botsu bavu biduka na biduka. Muyitsa ubakosi uilonsi mambu amagaa na divindugulu.

Jeremie 4:22

Dingensa batu bami bavu biduka, na bagenjabi. Bavu baana abagaa na diela nesi dujabu; bamaguku uyenavaganga mabi tumba bagejabi uvaganga maboti.

Jeremie 7:8

Tumba labatianu nana duivayili posulu tsindunsulu yitu yikulini.

Jeremie 8:7

Nesi dilembi ejabi temu andi; na dikunda na ndelenga na yirueru bekipi temu atsi belabini; tumba batu bami bagejabi migaga miFumu.

Jeremie 9:3

Mutu mutu akebini na mbatsi andi na ayavayila muana nguji andi yitu; muana nguji uotsu erombi udionga muana nguji andi na mbatsi jiotsu enyavisi mfuengululu.

Osee 4:6

Batu bami bamabungu mu mbari bagenjabi. Ndeʼ gumabusa unjaba kabogu nyugubusa na gupatulu buvagulitsi bupagu. Ndeʼ gumalibana migaga miNsambi agu, meʼ wami nyulibana baana bagu.

Matthieu 11:5

bidunga bikalaba, bitsondu bigemuetsonduga, bibedu binyambi bikabelusu, madiba makagulu, bamfumbi bakarambuga na Musamu Uboti ukasamunu ombu bijaga.