Jeremie 5:1 - La Sainte Bible en Langue Yipunu

¹ Vioganu mu mansila maJerusalem; gengilanu na wivulanu, rombanu mu milebi labanu pa vavu mutu, pa vavu umosi aguiduki dusungugu oyirombi uba musinganyi. Pa gulaba ne umosi muna, nyutanda Jerusalem masumu mogu.

Jeremie 5:1 Iomraidhean Croise

1 Bakaga 19:10

Amawagula rie: Nyimabanganga na yiusila yineni ugusalila Fumu Nsambi Mabadi mu mbari baIsrael bamakubula pangini agu na bamapansa binyensulu biagu bipagu na bamaboka babiyitsi bagu; nyimasiala pinsa na berondi umboka.

2 Misamu 16:9

Dingensa Fumu egengili biari biotsu uwarisa jogu abamakevega ombu gandi. Buduka gumavaga, ubanda namunyi gutoganga mavita.

Nyimbu 12:1

Duimbu duyivunda yibawimbitsi na duDavid adumawimbulu na sambi ajivu na yinana yimikudu.

Nyimbu 14:2

Fumu avu ojulu egengili batu ulaba yeri vavu mutu aguvu na diela aguimurombi.

Nyimbu 14:3

Botsu bamaketsiemusa, botsu bamabiva; vagaa ne umosi aguivayi maboti, ne umosi.

Nyimbu 94:16

Anyi okwamusa na batu babi? Anyi okwaka kalala na bavayitsi bamabi?

Banongu 20:6

Batu bapuela belasi yisagumunu yiogu tumba divu diranga ulaba mutu usigama.

Banongu 23:23

Manina mangolu motsu udila ngensa na guyajitsiemusa, manina mangolu magu motsu udila diela nesi dilongi nesi malubu.

Banongu 8:3

Va migula mimiunu mimandagu nesi va makotulu mamisiengi; migamu midionyi migulunu rie:

Duimbu Adutviolili Nyimbu 3:2

Nyuretsama; nyutsiengila musiengi, nesi mu mansila nesi o makasa; nyurombanga agu nyirondi na murima ami uotsu. Nyimamuromba, nyisamamulaba.

Esaie 59:4

Ne mutu mosi va gari enu agaa na dusungugu ava efundili mutu ne mutu mosi va gari enu agetabuli bunsonsi buwelimina; duikipi mambu makulini na duifuringi; duifunisingi mabi duidunsingi batu na bifu bienu.

Jeremie 2:29

Fumu ewivuli rie: Dibandu yi duitumunini paga nami? Dibandu yi duvu mimbini?

Jeremie 44:15

Mbana babaala botsu abamajaba yiri bagatsi bogu bamavagulila bansambi bangana bima bimbunga jiboti va mosi na bagetu bapuela abamaba vana na batu botsu abamatsananga o yiari yiPatros o bulongu buEgypte bamawaka Jeremie rie:

Jeremie 8:6

Nyivu limba; ugulu nyigulu ama bevosi. Bagevosi adivu diwelimina. Ne mutu mosi agekaluli diela na mbivulu tsiandi na agekewivula rie: Yi nyimavaga? Mutu mutu eduki amandi dedi mosi nana kabala edukili nduku jidivita.

Jeremie 9:2

Fumu amavosa rie: Jogu benatuli ndimi tsiogu nderi bapita na benyavisi mfurulu; mamfurulu mogu mebasi bulongu, tsiri ngensa. Befunisi yika mbivulu nambivulu na bagenjabi.

Jeremie 9:7

Ndimi tsiogu tsivu nderi mbansa atsiboki, bevosingi yika mamfurulu; na miunu bevosingi duvotsu na batu nogu tumba o gari tsimirima berambi mirambu.

Ezekiel 22:30

Nyimaromba dibaala va gari ogu umuerunga yivaga noretsama va gusu ami udibiyila bisi dilongi diviogulu yiri ngobabunga; tumba nyisamalaba mutu.

Ezekiel 9:9

Amakwaka rie: Mabi mabaIsrael na mabaJuda mamaviolila ufuna; bulongu buotsu bumabasa na bukongu; musiengi umabasa na mambu amagaa mawelimina. Bevosi rie: Fumu amabusa dilongu diedidi, Fumu agetulabi.

Daniel 12:4

Ndeʼ Daniel, suega mambu memama nomanamiga yilimba te na temu jiusita mbana bapuela bomaranga na dujabu duogu dufunanga.

Joel 2:9

Dibasi musiengi, diwendi mambangu o julu tsi bivaga nesi umata o julu tsimandagu nesi ukota mu bafenetera nderi badayitsi.

Amos 8:12

Batu boba bilayilayi ubandila o mubu umosi te no ususu; ubandila o banda te no yiari ayi wisi epalili; boyenawendanga yiari na yiari uyenarombanga mambu maFumu; ne nana bagomadila.

Zacharie 2:4

Nyimawivula rie: Yisalu yi besali? Amansingula rie: Bakuba beni bamaruga ulasa malongu mamangolu goma, amamaretsama utoga na Juda; bamapansa tindi upansa bisi malongu meni.

Luke 14:21

Musalitsi anogabuga amatolisa misamu miotsu ombu fumu andi. Mbana fumu ndagu amanyoga na amaruma musalitsi rie: Lensa noyenanengila ne bijaga ne bibomfi ne bidunga ne bitsondu, diwendi rie: botsu abavu o dulombili.

2 Thessaloniciens 2:10

na ndunsulu tsimasumu ombu jogu abebungini. Jogu bobungana mu mbari bamabusa durondu na ngensa yiri bogobulu.