Jeremie 47:3 - La Sainte Bible en Langue Yipunu

³ Mikindu mibirodi bibakabala bandi mimagulunu nesi nduku jimakalu mandi na makulu mamonyi. Bataji ulibana belibini baana bogu, ukambulu bekambulu.

Jeremie 47:3 Iomraidhean Croise

Esaie 5:28

Mbansa tsiogu tsivu tsivalu; pita tsiogu tsimakunsama; birodi bibakabala bogu bivu nderi mamanyi, makulu mamakalu mogu mavu nderi yimbongila.

Jeremie 46:9

Bakabala, matanu! Makalu, lensanu! Bangogaga lensanu, bisi Kouch na bisi Pout, duaranu bangubu! Bisi Loud, salisanu bapita!

Jeremie 50:42

Bagora beruyi na bapita na majenga; bavu na dikasi na bagaa na yingeba. Mufi mogu megumbi nderi nduku jimubti. Bamanangama bakabala, bavu bakunsama utoga nagu, Babylone!

Jeremie 8:16

Nduku jibakabala babavinitsi jigulunu o yiari yiDan butamba buotsu bumasisana na nduku tsibonyi. Beruyi, bemanisili bulongu na biotsu abivu muna nesi musiengi na bisi musiengi botsu.

Ezekiel 23:24

Boruyila o banda ugulasa maguga na bitogulu na makalu mamadilu madugongula na batu bapuela bapuela; jogu boba na ngubu tsineni nesi tsigeyi na bisiemba, jogu ukueka bekueki o biari biotsu ugutoyisa. Nyuwakisa diambu diagu ombu gogu na bo-gutabulila bunsonsi nana divu diwelimina na migaga miogu.

Nahoum 2:4

Ngubu tsibangogaga bandi tsivu tsibenga, batoyitsi badivita bamaduara yinyuru ayivu va gari ubenga na dumbulu. Muna yilumbu ayi bamasola utoga makalu mogu malabini vedi vedi, makongu uviunsu meviunsu.

Nahoum 2:8

Yitumba yinsambi jimugetu yimagaangu. Basalitsi bandi babagetu ubima bebimi nderi mabembi na uduma bedumi tulu tsiogu.

Dulasu 9:9

Tulu tsiogu tsimadibugu na yima ayimabagunu na bikutu bimadilu na nduku tsimapapi mogu tsimaba nderi nduku tsimakalu amewendusu na bakabala bapuela o divita.

Bansonsi 5:22

Mbana nduku jibirodi bibakabala jimagulunu, ava bamarinina bisi mavita.