Jeremie 41:2 - La Sainte Bible en Langue Yipunu

² Mbana Ismael amaretsama na yigumi yibabaala abamaba nandi na bamadimba Guedalia na dijenga; anana bamabokila jandi agu kaga jiBabylone amavaga murumitsi ubulongu.

Jeremie 41:2 Iomraidhean Croise

2 Samuel 3:27

Abner anogabuga o Hebron Joab amamubega o dikotulu dimusiengi nderi amaronda uvosa fundu nandi, avana amamunongila mu moji na amamuboka; amagabusila pila jidufu dumuana taji andi Assael.

2 Bakaga 25:25

Tumba mu tsungi jimusambuali jiyilima yieni, Ismael muana dibaala uNetania na mutegula uElichama muisi ndagu kaga amawenda o Mispa na yigumi yibabaala na bamadimbisa Guedalia agudufu dedi mosi na baJuda na bisi Babylone abamaba nandi.

Nyimbu 109:5

Bekabusilingi dibi mu diboti, na bepiningi mu mbari nyibarondi.

Nyimbu 41:9

Bevosi rie: Ngeba jandi aji diera! Labatianu amasilama, agomuesimbuga via!

Jeremie 40:14

Bamamuwivula rie: Guijabi yiri Baalis kaga jibaAmmon amaruma Ismael muana dibaala uNetania uguboka? Tumba Guedalia asamadivayila yitu.

Jeremie 40:16

Guedalia amawaka Yohanan rie: Guyadivaga; gumatsimbu mu diambu diIsmael.

Jeremie 40:5

Jeremie anotsikadana uwagula amabuela rie: Gabuga ombu Guedalia muana dibaala uAhicam mutegula uChafan agu kaga jiBabylone amavaga murumitsi umisiengi miJuda, tsana nandi na batu beni vo wenda mbura yika la mbura aji gulaba jiwelimina uwenda. Yivunda yibakelisi bamakotulu amamuvega biguji nesi badoli na amamuganina.

Jeremie 40:7

Ava bivunda biotsu bibagora abimaba o kumu bamagululu yiri kaga jiBabylone amavaga Guedalia muana dibaala uAhicam murumitsi ubulongu na amamuwakisa babaala nesi bagetu na baana na bijaga abasamabegu bakoli o Babylone.

Jeremie 40:8

Bivunda bibagora beni bamarasuna Guedalia o Mispa, abamawenda ababa: Ismael muana dibaala uNetania na Yohanan na Yonatan baana bababaala baCarea na Seraya muana dibaala uTanehoumet na baana bababaala baEfai muisi Netofa na Yezania muana dibaala uMaaka.

Jeremie 41:3

Mbana Ismael amaboka baJuif botsu abamaba na Guedalia o Mispa na bagora baBabylone abamaba vana.

Jean 13:18

Adi nyivosi ngevosi ombu jenu botsu; nyijabi aba nyimasola. Tumba vengu Bisonu biudugusu rie: Jandi oyiji nami omfunda.