Jeremie 4:5 - La Sainte Bible en Langue Yipunu

⁵ Gamuganu o Juda notsingula o Jerusalem rie: Siyisanu mumbanda! Gamuganu na diufi o julu rie: Gukamanu na tʼwendianu o misiengi mikandu!

Jeremie 4:5 Iomraidhean Croise

Esaie 28:19

Ava yiuvioyila temu na temu yiudugaanganga mu mbari yiuvioganga kadi kedi na nyangu na mukolu. Oyitsiyisi diambu diedidi obasu na goma.

Jeremie 11:2

Dedilanu pangini ejiji. Amabuela rie: Adidi gutsingula baJuda na bisi Jerusalem.

Jeremie 35:11

Ava Nabucodonosor amawendila uyetoga na bisi bulongu bueni jetu tumavosa rie: Tʼ wendianu tuyetsananu o Jerusalem vala na dibadi dibisi Babylone na bisi Syrie. La dibandu tuitsanini o Jerusalem.

Jeremie 5:20

Basamuni bulumbu buebubu ombu bategula baJacob, babunyavisi ombu baJuda na vosanu rie:

Jeremie 6:1

BaBenjamin rinanu, rinanu Jerusalem. Siganu mumbanda o Tecoa, religanu yilimbu o Bet-Kerem! Diguga diruyili o banda nesi dubungu duneni!

Jeremie 8:14

Dibandu yi tutsana? Gukamanu, tʼwendianu o misiengi mikandu, uyefuila guna! Fumu Nsambi etu amatusolila dufu, etunuisi mamba amamalombu mu mbari tumavaga masumu va gusu andi.

Jeremie 9:12

Fumu amabuesa rie: Motsu mana mavu mu mbari bamabusa migaga miami ami nyimabavega na basamagulu diufi diami na basamadikipa.

Ezekiel 7:14

Mumbanda umasigu; motsu mamakunsama tumba ne mutu mosi agewendi utoga divita mu mbari kabu ami jimawitulu yinombu yiotsu.

Osee 8:1

Siga mumbanda! Balubusi: purulu uruga jiniyi nderi mbira ajrugaanga bulongu buFumu. Fumu evosi rie: BaIsrael bamabunsa pangini ami na bamasumuna migaga miami.

Joel 2:1

Siganu mimbanda o Sion! Misiyilianu o mukongu uNsambi! Bisi bulongu botsu bareyimi! Yilumbu yikabu jiFumu uruga yiruyi, yika bebeli.

Amos 3:6

Besiyi mumbanda masisiga o musiengi tsiri ulasa batu goma? Maguga mesundili ulabana o musiengi pa Fumu agemasingisi?

Amos 3:8

Pa yimbungu egumbi, anyi agelabi goma? Fumu aguvu Nsambi evosi, anyi obusa ubiga?

Dutalu 10:2

Vaga mimbanda mibeji milora jivema; gumivaga na lora jivema ajimabaku; mionyi miugusalilanga unengila dibuli vo ulonsa diweru diusogama nowenda o milaku misusu.

Dutalu 10:3

Ava miotsu mibeji miusigulu dibuli diotsu diugukama ombu gagu va dikotulu diNdagu Yibenguna.

Josue 10:20

Josue na baIsrael banobagudisa tindi ugudisa na banobelisa botsu, jogu abamadila nsila urina bamayesuemina o misiengi amivu tindi mikandu.