Jeremie 4:4 - La Sainte Bible en Langue Yipunu

⁴ Keliomisanu ukitsa rebulilanu mirima mienu, jenu babaala baJuda na bisi Jerusalem. Pa tsiri nana mbivulu tsienu tsiurombisa kabu ami usunda ubanga nderi muji agu mutu agorungula utsimisa.

Jeremie 4:4 Iomraidhean Croise

2 Misamu 34:25

Bisi Jerusalem bamambusa na bamavagulila bansambi bangana bima bimbunga jiboti, bamanyoyisa na bisalu biogu biotsu na nyimanyoyila bisi mbura eni tindi kabu, jionyi jigosaguga.

Esaie 10:17

Fumu aguvu Yijalala yiIsrael yiukaluga muji agusielasana kengitsi nesi matsiendi; odivaga yilumbu yimosi;

Esaie 30:33

Kala kala yiduna yimikansu yimatimu, yimatimunu kaga kala, yivu yidonga, yivu vumbila na yivu na muji na mikansu mipuela; punga jiFumu jimapalanga nderi mujamba umuji na fula.

Esaie 51:17

Rambuga, rambuga! Jerusalem retsama. Gumanu dimoyi adivu va dikaka diFumu diwendi rie: kabu andi. Gumanu te na gumamanisila dibondi adimagutsiengisa misu.

Jeremie 15:14

Nyuduvaga baviga babavinitsi benu o bulongu abu dugejabi. Muji ukabu ami umabangusu, usielasana uidusielisini.

Jeremie 21:12

Jenu bisi ndagu David, lasanu dusungugu kedi na kedi, wamusanu abamakambusu na bakuanitsi mu mbari kabu ami jikevendumuga nana muji agugotsimusu mu diambu dimbivulu tsienu.

Jeremie 21:5

Mbana meʼ beni nyutoga nenu na tindi mangolu mami na nyudunyoyila tindi kabu jineni.

Jeremie 23:19

Labanu mungudi uFumu, fuiri andi jimaranga, yimbongila utsiengila yitsiengili, yivu va julu muru ubatu babi.

Jeremie 36:7

Tanguji Fumu ogulu ndembu tsiogu na tanguji mutu mutu okalula diela na bifu biandi mu mbari Fumu ana kabu jineni na fuiri na batu bebaba.

Jeremie 44:22

Fumu asamarungula umueduwarila mu diambu dimbivulu tsienu na mu diambu dinsoruru atsi dumavaganga; na bulongu buenu bumakaluga diguki dibivongu na bivongu na bumalogu nana builabini namunyi.

Jeremie 9:25

abetsani o Egypte no Juda no Edom na baAmmon na abetsani o Moab na botsu abefuyi biedu nesi abetsani o kumu. Bisi malongu meni motsu basarebu, na baIsrael botsu bana mirima amisakarebululu mu diambu diFumu.

Mitatu 4:11

Fumu amadugusu fuiri andi, amawitila kabu andi jineni. Amabangisa muji o Sion agumasielasana bibuga bi andi.

Ezekiel 16:38

Nyugukilisa nana bekilis ili bimbembu bibagetu nesi abewitili malungu. Nyugugabusila pila na nyugulasa kabu ami.

Ezekiel 18:31

Busanu tindi ubusa mabi motsu amamadurombisa uvaga masumu; banu na minima ugona nesi ditasa digona. Jenu baIsrael dibandu yi dufuila?

Ezekiel 20:33

Menu Fumu Nsambi nyimagana rie: Nyuduruma na mangolu mami motsu na nyuduwitilila kabu.

Ezekiel 21:17

Ezekiel, gamuga! Dijenga diedidi diugaanga batu bami, diugaanga basefu baIsrael aboboku va mosi nandi.

Ezekiel 24:13

Jerusalem gumakebivisa na buvuyisa buagu. Nyimaronda uguliomisa tumba gusamagaru kabogu muinsi agu ugomueliomusu te na kabu ami jiusaguga.

Ezekiel 24:8

Nyusila malungu va julu dimanyi magodibugu, via udugusu kabu ami nesi pila ami.

Ezekiel 44:7

Dumakotisa benyi o Mbura ami jiNsambi, jogu abasarebu, anana dumalensila Ndagu ami. Ne pa duipagulili biguji ria matsi na malungu, nsoruru tsienu tsimadurombisa ubunsa pangini ami.

Ezekiel 6:12

Jandi aguvu vala oboku na yivunga; jandi aguvu bebeli oboku na divita; bansialutsu boboku na dungosu dunsala. Anana nyubadugusulu fuiri ami.

Ezekiel 8:18

Me wami nyubalasa fuiri; ngomuebalasa yingeba; ngomuebawamusa, via. Ne pa bokamuyila migamu mineni ngobagulu.

Bisalu Bilevi 26:28

na kabu meʼ wami nyugagana nenu na nyumuebuesa udukilisa yisambuali yikumbu mu diambu dimasumu menu.

Bisalu Bilevi 26:41

ava bamagayinina nami kabogu meʼ wami nyimagagana nogu na nyimababega o bulongu bubatu abebavini; mbana bokesunsa na bosinga ukilusu mu diambu dimabi mogu.

Amos 5:6

Muerombanu Fumu mbana dudila monyu! Mbe osundila ubangisa muji usielasana bategula baJoseph; ne mutu mosi o Bethel agorungula ugutsimisa.

Sophonie 2:2

mbe dusakavembulu nderi mikondu amivembulu na punga nesi kabu jiFumu jikadusundila, nesi yilumbu ayi jiusundila ulabana.

Romains 2:25

Pa guikipi migaga, durebu duagu duvu duboti tumba pa guisumuni migaga durebu duagu duvu nderi gusarebu.

Migaga Mimatubula 10:16

Kabogu kesunsanu va gusu Fumu duyamueba mimbini.

Migaga Mimatubula 30:6

Fumu Nsambi enu oliomisa mirima mienu na mibategula benu mbana durondanga Fumu Nsambi enu na mirima mienu miotsu na matasa menu motsu yiri dugofu.

Migaga Mimatubula 32:22

Nyiina, nyunyoga tindi munyongu ukambusa butamba na biandi biotsu umanyensa nesi mabandu mamikongu.

Colossiens 2:11

Dunofubana mirima na Christ dumarebu wandi, tsiri durebu dubatu tumba durebu duChrist. Diwendi rie: dumajegusu mu masumu motsu amamaduruma.