Jeremie 4:16 - La Sainte Bible en Langue Yipunu

¹⁶ Lubusanu batu botsu, tsingulanu bisi Jerusalem rie: Bavinitsi uruga beruyi, beruyili o malongu mavala; ugamuga begamuyi migamu midivita utumuna misiengi miJuda.

Jeremie 4:16 Iomraidhean Croise

Esaie 34:1

Bisi malongu bambananu uyigulu! Batu liganu matuji! Butamba na botsu ababasa muna guluanu nesi bulongu buotsu na abopalila muna!

Esaie 39:3

Esaie mubiyitsi amamuewenda ombu kaga Ezekias uyemuwivula rie: Diambu yi batu bebaba batsigutsingula na agunyi batsirugasana? Ezekias amawaka rie: Bamarambuyila vala o Babylone uyindaba.

Jeremie 1:15

Nyunengila batu botsu babufumu buyiari yibanda. Boruga uyesunsa bitsiga bibufumu va miunu mindagu miJerusalem uyetsiengila bivaga botumuna misiengi miotsu miJuda.

Jeremie 16:6

Bisina na bijaga bofu mu bulongu buebubu, bagobatsiga na bagobalila vo ukefuga divenda mu diambu diogu.

Jeremie 2:15

Baana babimbungu bemugumbili na begamuyi migamu miogu mbana bebivisi bulongu buandi; misiengi miandi mimanyensu, mimasiala mududu.

Jeremie 31:10

Jenu bisi malongu guluanu mambu maFumu na matubulianu o nyingi atsivu tindi vala! Vosanu rie: Fumu agumapansa baIsrael omuebagukiga na obakelisanga dedi mosi nana mubungulitsi ubindombu ekelisili mugamba andi.

Jeremie 39:1

Mu yilima yimufu bidurumu duSedecias kaga jiJuda mu tsungi jimugumi, Nabucodonosor kaga jiBabylone amaruga na dibadi diandi diotsu ukanda Jerusalem.

Jeremie 4:17

Utsiengila betsiengili Jerusalem nderi jogu abekelisi nungi. Fumu evosi rie: Motsu mana mavu mu mbari bamambusa.

Jeremie 5:15

Fumu amavosa rie: Mbe ka jenu baIsrael, nyuruma dilongu adiurambuyila vala uyitoga nenu, dilongu dieni diuba na mangolu na mbembu ajigojabunu; dugogulu mambu mogu.

Jeremie 5:6

La dibandu yimbungu eruyili o musiru uyibaboka na minsi eruyili o kumu uyibabunga, magena ulega ebaleyi va gusu misiengi miogu; botsu abopala bovopulu; mu mbari bumbini buogu buvu buneni na mabi mogu mamafuna.

Jeremie 50:2

Samunanu musamu egugu o malongu, utubulianu, matisanu bilimbu! Utubulianu, duyasuega ne dimosi! Dukavosa rie: Babylone umabongu! Bakosi bandi bavu tsokudu, dubungu dubansambi bamfurulu. Nyiina, Bel jivu tsokudu; Mardouk jimabulu!

Jeremie 6:18

Jenu bisi malongu, guluanu! Jenu bisi dibundu, jabanu adi bolaba!

Jeremie 6:19

Jenu bisi bulongu buotsu, guluanu! Nyulasa batu bebaba purulu atsiuba yisaku yimatasa mogu mabi; mu mbari basamaba limba ugulu mambu mami na bamalensa migaga miami.

Jeremie 6:22

Fumu evosi rie: Labatianu batu beruyili o bulongu bubanda dilongu dineni dimarambuyila o masuka mabutamba.

Jeremie 6:23

Bagora bandi bavu na bapita na majenga; bana dikasi na bagaa na yingeba; mufi mogu mavu nderi diufi dimubu; beruyi mu julu tsibakabala na bavu bakunsama utoga nagu ndeʼ muana mugetu uSion!

Jeremie 8:19

Guluanu migamu mibatu bami, migulunu o vala rie: Fumu esaa o Sion? Kaga andi agemuetsanina muna? Dibandu yi bamanyoyila na bakosi bogu nesi bansambi bangana?

Ezekiel 21:22

Menu aguvu Fumu, Nyivosi rie: Mbe ka menu, nyusiga masuku na nyunyoga tindi kabu.