Jeremie 4:10 - La Sainte Bible en Langue Yipunu

¹⁰ Bovosa rie: Fumu ndeʼ aguvu Fumu kabogu gumadunsa batu bebaba nesi bisi Jerusalem. Gumavosa rie: Dubanganga na duvotsu! Labati uboku tuiboku, dibaga divu va kingu!

Jeremie 4:10 Iomraidhean Croise

Ukumuga 5:22

Moise amagabuga ombu Fumu, amamuwivula rie: Fumu, dibandu yi gumavayila batu bebaba dibi? Dibandu yi gumansindiyila gunu?

Ukumuga 9:14

Mu mbari temu ejiji nyulasa bivunga biami biotsu ombu gagu nʼombu basalitsi bagu nʼombu batu bagu, mbana gujaba yiri vagaa mutu ne umosi aguvu dedi nami mu bulongu buotsu.

Esaie 30:10

Na betsinguli abejabi amavu o gusu rie: Duyatubula biriariamu! Nesi ombu babiyitsi rie: Duyatubula mangensa! Tutsingulianu mambu mabatu nesi mamandosi!

Esaie 37:35

Menu Nsambi nyivu, nyugaga Jerusalem yiri ugobungu mu diambu dimeʼ beni na dimusalitsi ami David.

Esaie 63:17

Aa Fumu, dibandu yi gumatukakasana vala na mansila magu? Dibandu yi gumagalisila mirima mietu yiri tuisaa na goma agu? Mu diambu didurondu duagu gabuga ombu getu, jetu basalitsi bagu abavu abagu!

Jeremie 1:6

Nyimawagula rie: Aa Fumu! Labati nyisakajaba uvosa, nyikivu ngebi.

Jeremie 23:17

Betsinguli abendensi rie: Fumu jandi rie: Dudila duvotsu. Betsinguli abewarisi matasa majoʼ beni rie: Tugolaba ne dibi dimosi.

Jeremie 32:17

Aa Fumu Nsambi ndeʼ aguvu Fumu, labati ndeʼ gumavaga julu na butamba na mangolu magu motsu. Vagaa diambu adi ndeʼ gugonmgula uvaga.

Jeremie 4:18

Aa Jerusalem, bifu biagu bimagurombisa motsu mana; ayina la yisaku yimbivulu tsiagu. Nyiina, purulu tsiugunyongisa tindi ugunyongisa.

Jeremie 5:12

BaJuda bamagala Fumu, bevosi rie: Agaa Fumu! Purulu tsigoturasuna, tugolaba divita nesi dungosu dunsala.

Jeremie 6:14

Begengili mapura mabatu bami nderi migaruga, mbana bevosi rie: Duvotsu! Duvotsu! Tumba duvotsu dugatsi.

Jeremie 8:11

Begengili mapura mabatu bami nderi migaruga, mbana bevosi rie: Duvotsu! Duvotsu! Tumba duvotsu dugatsi.

Mitatu 2:21

Baana na binunu bamasilama mu tsi muna nsila. Batsiemi bami na bafudu bami bamaboku na dijenga. Gumababoka yilumbu ayi gumanyoyila kabu, gusamabalasa yingeba.

Ezekiel 11:13

Ava nyimabiyilanga, Palatia muana dibaala uBenaya amafu. Nyimagudama va tsi na nyimagamuga na diufi o julu rie: Aa Fumu Nsambi, gubunga bansialutsu botsu baIsrael?

Romains 1:24

Mu diambu dibuduka buogu Nsambi amabaliyila nsima na beduki matasa mogu makulini na bevayi tindi muinsi.

Romains 1:26

Mu diambu dinsala tsiogu Nsambi amaliyila batu nsima. Bagetu bogu bebusi adi-vu diwelimina na bevayingi kulini jogu beni na jogu beni.

Romains 1:28

Mu diambu dikanda tsiogu Nsambi amabadunda yiri badukingi diela diogu nova-ga nana berondih.