Jeremie 4:1 - La Sainte Bible en Langue Yipunu

¹ Fumu amavosa rie: Israel pa gugabuga pa gugabuga ombu gami pa gugusula nsoruru tsibakosi bagu va gusu ami gugomueba yilayilayi.

Jeremie 4:1 Iomraidhean Croise

Dibandu 35:2

Jacob amatsingula bisi ndagu andi na botsu abamaba nandi rie: Gusulanu bansambi bangana abavu nenu, keliomisanu na duaranu biduaru bisusu.

2 Bakaga 23:13

Kaga amabivisa mbura tsiduyitsu atsimaba va nsungisini na Jerusalem va mabaala mamukongu umiOlive agu kaga Salomon kaga jiIsrael amarungisila Astarte, nsoruru tsibisi Sidon na Kemoch, nsoruru tsibisi Moab na Milkom na nsoruru jibaAmmon.

2 Bakaga 23:24

Va julu vana Josias amabokisa jogu abamanengilanga binyunyi bibi na jogu abamaresanga na bakosi bamunongu na munongu na amatsiemusa nsoruru tsiotsu atsimalabanga o bulongu buJuda na Jerusalem yiri batu bodukanga mambu mamigaga amamasonugu mu dibuku adi Hilquia yivunda yibavagulitsi bapagu amarasuna o NdaguNsambi.

2 Misamu 15:8

Asa anogulu mbigulu tsimubiyitsi Oded amawarusu na amatsiemusa nsoruru tsibulongu buotsu buJuda na buBenjamin no misiengi ami amapatula o mukongu uEfraim. Amarungulila yinyensulu yipagu yiFumu ayimaba va gusu Ndagu Nsambi.

2 Misamu 33:8

Pa baIsrael bekelisi marama ama nyimabaruma na migaga ami musalitsi ami Moise amabaruma ukelisa, ngomuebasingisa ulinga yiari na yiari bibulongu abu nyimavega bataji bogu.

2 Misamu 34:33

Josias amatsiemusa nsoruru tsiotsu tsimalongu motsu mabaIsrael na amatsotsa botsu abamatsananga o Israel uyitsa Fumu Nsambi ogu. Yitsingu yiandi yiotsu basamaliyila Fumu Nsambi bataji bogu nsima.

Esaie 31:6

BaIsrael gabuganu ombu jandi agu dumaliyila nsima.

Jeremie 15:19

Guluanu kabusulu tsiFumu: Pa gumuegabuga ombu gami nyugugabusa o yisalu yiami. Pa gukakasana amavu maboti na amavu nsoruru ndeʼ guba yikambi yiami. BaJuda bogabuga ombu gami, tsiri ndeʼ agugabuga ombu gogu.

Jeremie 15:4

Nyubavaga yisanunu yibisi malongu motsu mu diambu didibi adi Manasse muana dibaala uEzekias agumaba kaga jiJuda amavaga oJerusalem.

Jeremie 18:11

Tsingula baJuda na bisi Jerusalem rie: Fumu jandi rie: Guluanu nyudulasa maguga na ukunsa nyikunsi dubungu duenu. Mutu mutu adundi bifu biandi bibi nosungiga nsanunu tsiandi nesi bisalu biandi.

Jeremie 24:9

Mu mbura tsiotsu atsi nyubapansila, nyubavaga yisanunu na bango maguga ombu botsu; bolasungu yisonyi, bodesungu na bopejungu na bolabu balogu.

Jeremie 25:5

Amavosa rie: Dundanu bifu bienu bibi nesi mbivulu tsienu mbana dutsananga mutubu o bulongu abu nyimaduvega, jenu na bataji benu.

Jeremie 3:1

Fumu amawivula rie: Ava dibaala obokila diwela na mugatsi andi, uba mugatsi udibaala disusu dibaala ditega omuegabuga ombu gandi? Nesi! Adina diubivisa dilongu. Ndeʼ Israel gumakebivisa na maronda mapuela. Fumu ewivuli rie: Ne nana gumuegabuga ombu gami?

Jeremie 3:12

Wenda yesamuna mambu memama o yiari yibanda. Fumu evosi rie: Mumbini Israel, gabuga! Ngogugengila na kabu! Fumu amabuesa rie: Menu nyivu mungo yingeba, ngekelisi kabu ami mutubu.

Jeremie 3:14

Fumu amavosa rie: Baana abavu mimbini ruganu; menu nyivu Fumu enu. Nyudubonga umosi o musiengi umosi nesi babeji mu mukuta umosi na nyudubega jenu botsu o Sion.

Jeremie 3:22

Baana abavu mimbini gabuganu ombu gami! Nyudutanda mabi menu. Jetutuʼ jogu baʼ, ombu gagu tuigabuyi, ndeʼ Fumu Nsambi etu.

Jeremie 35:15

Nyimadutindila basalitsi bami botsu abavu babiyitsi, nyimabasindiga udutsingula rie: Kalulanu diela, sungiganu bifu bienu, duyaduka bansambi bangana na duyabasalila. Mbana dutsananga mu bulongu abu nyimaduvega, jenu na bataji benu. Tumba dusamaliga matuji na dusamakululu.

Jeremie 36:3

Ava baJuda bogululu mabi motsu ama nyitasi ubavaga tanguji bokalula diela mu diambu dibifu biogu bibi; mbana nyubatandila mabi mogu nesi masumu mogu.

Jeremie 4:4

Keliomisanu ukitsa rebulilanu mirima mienu, jenu babaala baJuda na bisi Jerusalem. Pa tsiri nana mbivulu tsienu tsiurombisa kabu ami usunda ubanga nderi muji agu mutu agorungula utsimisa.

Jeremie 7:3

Fumu Mabadi aguvu Nsambi Israel evosi rie: Sungiganu mansila menu nesi bifu bienu mbana nyudusingisa utsananga va mbura ejiji.

Jeremie 7:5

Pa duisungiyi mansila menu nesi bifu bienu, pa duilasi dusungugu ombu bamosi nombu basusu,

Jeremie 7:7

mbana nyudusingisa utsana va mbura ejiji mu bulongu abu nyimavega ombu bataji benu te na mutubu.

Ezekiel 11:18

Ava dutolila guna dugusula bakosi botsu na nsoruru tsiotsu.

Ezekiel 18:13

pa osombisa na ditasa udila mbika, muana eguna odila monyu? Tsatsabi, agodila monyu! Amavaga nsoruru tsieni tsiotsu; afuangingi! Dufu duandi dubi va julu mum andi.

Ezekiel 43:9

Bokakasana nsoruru tsiogu nami na bamfumbi babakaga bogu mbana nyutsananga nogu mutubu.

Osee 14:1

Samarie ukilusu mu mbari umabusa Nsambi andi. Jogu boboku o divita; bategula bogesumunu na bopasa mioji mibagatsi bogu aboba na mimi.

Osee 2:2

BaJuda na baIsrael bogukama, bosola sefu ogu na bogusuga mu bulongu; mu mbari yilumbu yiJizreel yiubayineni.

Osee 7:16

Agegabuyi ombu Nsambi Aguvu Uneni; avu nderi pita ajigaana munengi. Basefu bandi boboku o divita mu diambu didikasi diogu. Adina diumurombisa uba kwaku o bulongu buEgypte.

Joel 2:12

Mbana Fumu amamuevosa rie: Gabuganu ombu garni na mirima mienu miotsu: busanu uji, lilanganu na ndembilinganu.

Zacharie 1:4

Duyaba nana bataji benu. Babiyitsi batega bamandembiyilila ubusa bisalu biogu bibi nesi bifu biogu bibi! Basamaronda ukulu na basamandedila.

Migaga Mimatubula 27:15

Ka muna mulogu gu uvu na jandi oyivali bakosi vo oyivayi bakosi babudilu uyitsa o musuega; bisalu bieni bivu nsoruru ombu Fumu! Batu botsu bowaka rie: Anana!

Migaga Mimatubula 4:30

Ava dulabila maguga mamunongu na munongu avana dugabuyila ombu Fumu Nsambi enu na dugulungu diufi diandi

Josue 24:14

Tsie dumianu Fumu na musalilianu na usunda na usigama. Tsiemusanu bansambi aba bataji benu bamayitsanga o disimu dina dimujamba no Egypte, salilanu Fumu.

Bansonsi 10:16

Mbana bamagusula bansambi bangana abamaba nogu na bamamuesalila Fumu agumalaba maguga mogu.

1 Samuel 7:3

Samuel amatsingula baIsrael botsu rie: Pa duigabuyi na mirima mienu miotsu ombu Fumu, gusulanu bansambi bangana na kosi jiAstarte, keveganu na murima umosi ombu Fumu nosalila yika jandi. Mbana jandi oduwaka kalala ombu baPhilistin.