Jeremie 32:2 - La Sainte Bible en Langue Yipunu

² Dibadi diBabylone dimakanda Jerusalem va temu eni. Mbe ka Jeremie mubiyitsi amabindugu o tsugu ajimaba va dulombili dundagu kaga jiJuda.

Jeremie 32:2 Iomraidhean Croise

Jeremie 37:21

Kaga Sedecias amaruma batu ukelisa Jeremie va dulombili dutsugu na amaruma umuveganga dipa dimosi yilumbu na yilumbu te na mapa motsu mamasuka o musiengi. Anana Jeremie amatsaninanga va dulombili dutsugu.

Nehemie 3:25

Palal muana dibaala uOuzai amasalanga va nsungisini na diroku te no ndagu jisakama jikaga ajimaba o yiari yibagora. Mbana Pedaya muana dibaala uParoch amasalanga va mugula andi,

Jeremie 38:6

Mbana bamabonga Jeremie na bamamubuaga o yiduna yimamba yiyivunda yibagora Malkia ayimaba o dulombili dutsugu. Bamasundusa Jeremie na mikudu; yiduna yieni yisamaba na mamba tumba yimaba na diobu; kabogu Jeremie amagakama mu diobu.

Jeremie 33:1

Jeremie mbe akivu abindugu o dulombili dutsugu ava Fumu amamuemutindila bulumbi,

Jeremie 32:8

Hanameel muana dibaala ukatsi ami amatasuna o dulombili dutsugu na amansingula rie: Sumba nungi ami ajivu o Anatot o bulongu buBenjamin mu mbari ndeʼ guna musuga uotsu ujibialila, jisumbi! Mbana nyimajaba yiri mavu mambu ma Fumu.

Matthieu 5:12

Labanu ubueji na nsangu mu mbari yisaku yienu yimadusuegulu o julu. Basamalasanga babiyitsi abamadurela maguga munongu mosi?

Jeremie 36:5

Mbana Jeremie amavosa na Baruch rie: Nyimasikugu, ngorungula uwenda o Ndagu Nsambi.

Jeremie 32:3

Sedecias amaruma mutu umubindiga na amamuwivula rie: Dibandu yi guimbiyifi? Dibandu yi guivosili rie: Fumu jandi rie: Guluanu nyiwakisi musiengi egugu ombu kaga jiBabylone; jandi ogubonga.

Nyimbu 88:8

Kabu agu jimapiolila, nyivu nderi mutu agumakambusu na mbiji. Letasatianu.

Jeremie 34:1

Nabucodonosor kaga jiBabylone na dibadi diandi diotsu na bufumu buotsu abumaba o tsi durumu duandi bamatoga divita na Jerusalem na misiengi miJuda. Va temu eni bulumbi buFumu bumatsingulu Jeremie rie:

Jeremie 37:4

Kabogu Jeremie amalebanga va gari ogu mbe basakamukotisa o tsugu.

Jeremie 38:13

Mbana bamaduta Jeremie mu mikudu na bamamupalisa o yiduna yimamba. Jeremie anopala amatsana va dulombili dutsugu.

2 Bakaga 25:1

Yilima yimufu yidurumu duSedecias mu yilumbu yimugumi yitsungi jimugumi Nabucodonosor kaga jiBabylone amawenda na bagora bandi botsu o Jerusalem; bamatsana bebeli na uonyi na bamaramba murambu yiari na yiari.

Jeremie 37:15

bamanyoyila Jeremie na bamamudimba; bamamukotisa o tsugu o ndagu Yonatan agumaba musonitsi; kabogu ndagu andi jimaba tsugu.