Jeremie 3:9 - La Sainte Bible en Langue Yipunu

⁹ Israel amabivisa bulongu na buvuyisa nesi na bakosi bamamanyi na bamiri.

Jeremie 3:9 Iomraidhean Croise

Esaie 57:3

Ruganu jenu baana bababaala bamurumitsi umugetu, jenu bategula bayimbembu yimugetu!

Esaie 57:6

Dikabu diagu adi dumasola divu mamanyi amamaliomusu na bivela; guimavagulili pagu tsiunu na gumavagulili pagu tsitsangu! Fumu ewivuli rie: Vengu nyuwarila bingana bimunongu eni?

Jeremie 10:8

Botsu bavu biduka na biduka. Muyitsa ubakosi uilonsi mambu amagaa na divindugulu.

Jeremie 16:18

Nyubakilisa temu beji mu diambu dimabi mogu na dimasumu mogu mu mbari bamabivisa bulongu buami na bitsatsu bibakosi bogu na nsoruru tsibansambi bangana.

Jeremie 2:27

Duitsinguli kosi rie: Ndeʼ guvu taji etu! Duitsinguli yitumba rie: Ndeʼ gumatubura! Duindiyili nsima na dugekengili. Tumba va temu purulu duivosi rie: Ruga yituwaka kalala!

Jeremie 2:7

Nyimadubega o bulongu abuibagunu na nungi milunda yiri dujanganga milunda nesi biguji biboti; tumba dunokota muna dumabivisa bulongu buami na dumabukalusa nsoruru.

Jeremie 3:2

Buaga misu ugengila o julu tsimikongu! Gusamavaga kulini va mbura tsi eni tsiotsu? Gumaba nderi muArab o kumu oyivivi ukinda abevioyi. Ndeʼ wagu gumabivisa bulongu na bumbembu buagu nesi mbivulu tsiagu.

Ezekiel 16:17

Gumabonga kembu tsiagu tsilora na lora jivema atsi nyimaguvega na gumatsivaga bakosi bababaala aba gumakevuyisa.

Ezekiel 23:10

Bamalaba penyi andi bamamuboka na bamabonga baana bandi bababaala na babagetu. Mukilu andi umaba dilubu ombu bagetu nandi.

Ezekiel 23:21

Ndeʼ Oholiba gumarangimina mabi mabungebi buagu ava bisi Egypte bamayenagulenganga.

Ezekiel 23:3

Bamayevaga bumbembu o Egypte. Bamavaga bumbembu va bungebi buogu; avana bamabandila usanusu nesi ulensu.

Osee 2:2

BaJuda na baIsrael bogukama, bosola sefu ogu na bogusuga mu bulongu; mu mbari yilumbu yiJizreel yiubayineni.

Osee 4:12

Batu bami besambili bakosi bamuiri, dupangu duogu duibabiyili; nsala bumbembu jibapembusi nsila. Bevayingi bumbembu te na bamakakana na Nsambi ogu.

Joel 1:19

Aa Fumu, ndeʼ nyitatili! Muji umasielasana kumu tsiotsu, na milutsu mimanyensa miri miotsu.

Habacuc 2:19

Ka muna maguga ma jandi olaba, oyivosi na kosi rie: Retsama! Oyivosi na dimanyi rie: Rambuga! Diurungula ulonsu malongi? Labati dimanamugu lora na lora jivema tumba digaa na punga.

Matthieu 5:32

Tumba nyidutsinguli rie: Dibaala oyigusuli mugatsi andi ne pa mugetu agaa na diambu emurumi uba yivuyisa na jandi oyiweli mugetu eni evayi bumbembu.