Jeremie 3:7 - La Sainte Bible en Langue Yipunu

⁷ Nyimavosa rie: Anomana uvaga mambu meni motsu ogabuga ombu gami. Ne nana asamamuegabuga; yibusi yiandi Juda aguvu musoyitsi diela amaba mbeji.

Jeremie 3:7 Iomraidhean Croise

2 Misamu 17:4

Amawamusu na Nsambi taji andi na amakipanga maruma mandi, asamagukulila baIsrael.

Jeremie 12:1

Aa Fumu, ndeʼ guvu tindi usungama, ngorungula utumuna paga nagu, tumba nyirondi uvosa nagu mu diambu dibunsonsi buagu: Dibandu yi batu babi belabingi ubueji? Dibandu yi basoyitsi badiela botsu bavu na duvotsu?

Jeremie 33:24

Gugegulu ama batu bebaba bevosi? Bevosi yiri nyimabusa baIsrael na baJuda; mikuta mibeji ami nyimasola. Anana belensili batu bami na bagekipi yiri bavu dilongu.

Jeremie 5:11

Fumu amavosa rie: Jenu baIsrael na baJuda dusamaba basigama bami.

Ezekiel 16:46

Yibusi yiagu yiyivunda ayitsani va magetu magu la Samarie na baana bandi babagetu; yibusi yiagu yingebi ayitsani va mabaala magu la Sodome na baana bandi babagetu.

Ezekiel 16:47

Gusamaduka yika bifu biogu nesi uvaga nsoruru atsi jogu bamavaga, adina dimaba mua diambu digeyi; ndeʼ gumabiva uviolila jogu.

Osee 11:7

Batu bami belabi ubueji ukakana nami; diuleba nyimabalembiyila ukengila tumba ne mutu mosi va gari ogu asamanangula misu.

Osee 14:1

Samarie ukilusu mu mbari umabusa Nsambi andi. Jogu boboku o divita; bategula bogesumunu na bopasa mioji mibagatsi bogu aboba na mimi.

Amos 4:8

Bisi misiengi mibeji nesi mirieru bamawenda o musiengi ususu uyenu mamba, tumba basamavotsa puila tsiogu ne nana dusamagabuga ombu gami. Fumu oyidivosi.

Malachie 2:11

BaJuda bamakelasa yiri basamaba basigama. Nsoruru tsimavagu o Israel no Jerusalem. BaJuda bamalensa amamawakusu ombu Fumu ama Fumu erondi na bamawelana na bagetu abeyitsi bansambi bangana.