Jeremie 3:2 - La Sainte Bible en Langue Yipunu

² Buaga misu ugengila o julu tsimikongu! Gusamavaga kulini va mbura tsi eni tsiotsu? Gumaba nderi muArab o kumu oyivivi ukinda abevioyi. Ndeʼ wagu gumabivisa bulongu na bumbembu buagu nesi mbivulu tsiagu.

Jeremie 3:2 Iomraidhean Croise

Dibandu 38:14

Kabogu amavula biduaru biandi bibukuili na anjagumba tsanda na amatsana va dikotulu diEnaim va mugula nsila jiTimna; mu mbari amagulu yiri Chela aka dibaala na asamawakusu ombu gandi.

1 Bakaga 11:3

Amawela yisambuali yikama tsibaana bakaga babagetu na kama yirieru tsimaronda, bagatsi bandi bamamukalusa murima.

2 Bakaga 23:13

Kaga amabivisa mbura tsiduyitsu atsimaba va nsungisini na Jerusalem va mabaala mamukongu umiOlive agu kaga Salomon kaga jiIsrael amarungisila Astarte, nsoruru tsibisi Sidon na Kemoch, nsoruru tsibisi Moab na Milkom na nsoruru jibaAmmon.

Nyimbu 106:38

Bamawitila malungu ma-abagaa na mbela diwendi rie: mabaana bogu aba bamavagulila bakosi baCanaan, bulongu bumasabulu na bukongu.

Banongu 23:28

Erambi mirambu nderi yikongu avu na erombisi babaala bapuela utsimbu.

Banongu 7:11

Uvosa evosi nana erondili; avu nsunsaba o gari ndagu andi,

Jeremie 12:12

O biari biotsu bikumu babungitsi betolingi. Dijenga diFumu disielisini bulongu ubandila o yiari yimosi te no yiari yisusu; ne mutu mosi agaa na duvotsu.

Jeremie 2:20

Kala kala gumabongulu yilala yiagu na gumasurula mikudu miagu na gumavosa rie: Nyirondi ujegusu! Diwendi rie: va julu tsibikundubuga nesi o tsi miri gumakevega uvaganga bumbembu.

Jeremie 2:23

Tsie guvosila rie: Nyisakakebivisa, nyisakasalila baBaal? Gengila taka tsiagu o yibususu! Rangimina ama gumavaga. Guvu nderi yibusi yisamo ayivu diteʼ diteli.

Jeremie 2:7

Nyimadubega o bulongu abuibagunu na nungi milunda yiri dujanganga milunda nesi biguji biboti; tumba dunokota muna dumabivisa bulongu buami na dumabukalusa nsoruru.

Jeremie 3:1

Fumu amawivula rie: Ava dibaala obokila diwela na mugatsi andi, uba mugatsi udibaala disusu dibaala ditega omuegabuga ombu gandi? Nesi! Adina diubivisa dilongu. Ndeʼ Israel gumakebivisa na maronda mapuela. Fumu ewivuli rie: Ne nana gumuegabuga ombu gami?

Jeremie 3:13

Rangimina yika dibi diagu, rangimina yiri gumaba mumbini va gusu Fumu Nsambi agu. Gumayenalinganga yiari na yiari ombu bansambi bangana nesi o tsi miri na gusamagulu diufi diami.

Jeremie 3:21

Diufi dimagulunu o julu tsimikongu, dimaba milingi na ndembu tsibaIsrael; bamapembuga nsila, bamandibana menu Nsambi ogu.

Jeremie 3:9

Israel amabivisa bulongu na buvuyisa nesi na bakosi bamamanyi na bamiri.

Jeremie 7:29

Fumu amavosa rie: Jenu baJuda rebulilanu nanga tsienu; notsibuaga vala; duyenalilanga na manyonyi ojulu tsimikongu! Fumu amabusa tindi ubusa dukula duedudu adumamurombisa unyoga.

Ezekiel 16:16

Gumabonga biduaru biagu na gumakevayila mbura tsiduyitsu atsi gumavakiga matsanda mamunongu na munongu na gumakevuyisa muna — vasakalabana diambu dimunongu eni na digomuelabana via.

Ezekiel 20:28

Nyimabawendisa o bulongu abu nyimavangana ubavega na bamaromba mikongu misakama nesi miri amivu na mafunda; amuna bamavagulila pagu tsiogu nesi ukwakisa miensili miogu amimanyoyisa; bamanyensa bima biogu bimbunga jiboti na bamapuga pagu tsiogu tsiunu.

Osee 2:5

Patsirinana nyumuvula tsanda, nyumusila nana amabila va duburu duandi! Nyuvinsa bulongu buandi butamba budukanga nesi mbura ajigaa na mamba na nyumubokisa na puila mamba.

Luke 16:23

Yisina amalabanga maguga o mbura aji abafu bavu; anobuaga misu amalabilila Abraham o vala na Lazare va tulu andi.

Migaga Mimatubula 12:2

Dunobunga bisi malongu, dupansa mbura tsiotsu atsi beyitsili bansambi bogu; o julu tsimikongu na tsibikundubuga nesi mu tsi tsimiri.