Jeremie 26:6 - La Sainte Bible en Langue Yipunu

⁶ Pa dugegulu nyupansa Ndagu ejiji nana nyimapansila Ndagu jiSilo na nyurombisa diina diJerusalem usalusu uwarisa milogu.

Jeremie 26:6 Iomraidhean Croise

2 Bakaga 22:19

Gumagulu na buranga adi nyimavosa mu diambu diJerusalem na dibatu abetsani muna; mukilu ogu uba uneni te na diina diogu diusalusu uwarisa milogu. Gumakalula diela, gumasinga mbela agu te na gumapasa biduaru biagu na gumalila. Meʼ wami nyimagugulu, nyisingi amagu;

Esaie 43:28

La dibandu nyulasila bivunda biNdagu Nsambi yisonyi, nyuwakisa baJacob o dubungu na baIsrael bolensu.

Esaie 65:15

Basigama bami bosalisa diina dienu yika uduloga rie: Fumu aguvu Fumu odubokisa. Oluga basigama bandi diina disusu.

Jeremie 24:9

Mu mbura tsiotsu atsi nyubapansila, nyubavaga yisanunu na bango maguga ombu botsu; bolasungu yisonyi, bodesungu na bopejungu na bolabu balogu.

Jeremie 25:18

Nyimabandila o Jerusalem no misiengi miJuda nesi ombu bakaga na basalitsi bogu ubapansa nobabunga; dubungu adurombisa batu ugamuga nosimina rie: Ka muna nsoruru ji! Aduna borangimina ava boloyila.

Jeremie 29:18

Nyubaduka na divita nesi na dungosu dunsala nesi yivunga, nyubavaga yisanunu yibisi malongu motsu. Bolasungu yisonyi, bodesungu na bopejungu na miina mogu mosalusu uwarisa mulogu.

Jeremie 29:22

Bakoli botsu baJuda abavu o Babylone bosalisa miina mogu uwarisa mulogu, bovosanga rie: Fumu oguvayila dedi mosi na Sidequia nesi Ahab aba kaga jiBabylone amagoka mbisu!

Jeremie 42:18

Fumu Mabadi aguvu Nsambi Israel jandi rie: Nana kabu ami na fuiri ami bimanyavila ombu bisi Jerusalem anana fuiri ami jiunyavila ombu genu pa duwenda o Egypte. Bosalisa miina menu uwarisa mulogu na dulasu yisonyi na dugomuelaba mbura ejiji via!

Jeremie 44:22

Fumu asamarungula umueduwarila mu diambu dimbivulu tsienu na mu diambu dinsoruru atsi dumavaganga; na bulongu buenu bumakaluga diguki dibivongu na bivongu na bumalogu nana builabini namunyi.

Mitatu 2:15

Baviosi botsu bansila begusiyili masuku, begusimini na bemuangisi miuru ugudesa ndeʼ Jerusalem. Je agugu la musiengi aguvu na tindi kembu na nsangu bibutamba buotsu.

Mitatu 2:16

Botsu abeguvini begudesi. Besimini na befiotuli, ndeʼ Jerusalem. Bevosi rie: Tumamubetsa! Ayiyi yivu yilumbu ayi tumavivanga. Tumagudala na tuigulabi!

Daniel 9:11

BaIsrael botsu bamasumuna migaga na bamaguliyila nsima yiri bagogulu malongi magu. Mu diambu didilensa dietu milogu amimasonugu mu migaga miMoise, musalitsi uNsambi mimatudugunu.

Zacharie 5:3

Mbana yimansingula rie: Divu mulogu aguinyavi mu bulongu buotsu mu mbari dionyi divosi yiri mudayitsi uotsu obingu vava, nesi abelevi pesi tsimfurulu bobingu.

Josue 18:1

Yiotsu ayi bulongu buotsu bumaba o tsi durumu dubaIsrael dibuli diotsu dimabenguna o Silo na bamarangiga ndagu yibenguna guna.