Jeremie 26:10 - La Sainte Bible en Langue Yipunu

¹⁰ Ava basefu baJuda bamagululu mambu meni bamarambuyila o ndagu kaga uwenda o Ndagu Nsambi, bamatsana va gusu dikotulu diGona diNdagu Nsambi.

Jeremie 26:10 Iomraidhean Croise

2 Bakaga 15:35

Dimosi buandi mbura tsiduyitsu tsisamatsiemuga, batu bamamuevagulilanga pagu na bima bimbunga jiboti va mbura tsiduyitsu. Yotam amarungulila dikotulu dineni diNdagu Nsambi.

2 Misamu 27:3

Yotam amarungisa dikotulu dineni diNdagu Nsambi na amamuerungisa yivaga yiOfel.

Jeremie 20:2

Pachehour amadimba Jeremie agumaba mubiyitsi na amamukotisa o tsugu ajimaba bebeli na dikotulu dineni diBenjamin o Ndagu Nsambi.

Jeremie 26:21

Kaga Joaquim na babaala bandi botsu bamangolu na basefu bandi botsu bamagulu mambu mandi diwendi rie: kaga amaronda umubokisa. Ouria anolubusu amalaba goma, amarina na amayenawenda o Egypte.

Jeremie 26:24

Tumba Ahicam muana dibaala uChafan amawamusa Jeremie, amagubitsa batu yiri agoboku.

Jeremie 34:10

Barumitsi botsu na batu botsu bamavangana pangini; mutu mutu amavangana ujeyisa muviga andi udibaala nesi umugetu yiri bagomuebakelisa o buviga; bamajidedila, kabogu bamabajeyisa.

Jeremie 34:19

nesi barumitsi baJuda nesi bivunda biJerusalem nesi mivangu; nesi bavagulitsi bapagu nesi bisi bulongu; botsu abamavioga va gari bibuku bimuana ngombi;

Jeremie 36:10

Baruch amarangila batu botsu muganda umambu maJeremie o Ndagu Nsambi. Amaba o yibuku yindagu yiGuemaria muana dibaala uChafan agumaba musonitsi. Yibuku yieni yimaba o dulombili aduneni va dikotulu digona diNdagu Nsambi.

Jeremie 36:25

Elnatan na Delaya na Guemaria bamalembiyila kaga yiri ayanyensa muganda; ne nana asamabakipa.

Ezekiel 22:27

Basefu bavu nderi baminsi abevopuli abi boji; bewitili malungu na beboki batu udila biogu.

Ezekiel 22:6

Barumitsi botsu baIsrael abetsani nagu beviosulili musuga ogu noyenawitilanga malungu.