Jeremie 24:2 - La Sainte Bible en Langue Yipunu

² Ponsi mosi jimaba na mifiga miboti nderi migumuga. Ponsi jisusu jimaba na mifiga mibi amisamarungula uligu; mimabola.

Jeremie 24:2 Iomraidhean Croise

Esaie 5:4

Yisalu yisusu yi ayi nyisakasala mu nungi ami? Dibandu yi nyimaviva udila digumba dimirayisan tumba nyimadila yika amigaa miboti?

Esaie 5:7

Nungi jimfuga jirayisan jiFumu Mabadi jivu dilongu diIsrael nungi ajivu nsangu andi jivu bisi Juda. Amaronda amavu masungama; amalaba yika malungu mamawitulu! Amaronda amavu masungama; amagulu yika migamu mimunyongu!

Jeremie 29:17

Fumu Mabadi amavosa rie: Guluanu nyubatindila divita nesi dungosu dunsala nesi yivunga. Nyubavaga nderi mifiga amimabiva amigomueligu.

Osee 9:10

Fumu evosi rie: Nyimaleranguna baIsrael o kumu nderi mirayisan. Nyimalaba bataji benu nderi mifiga mitega tumba yika betoli o Bet-Peor bamakevega ombu Baal na bamakaluga nsoruru ne uviolila kosi aji bamasambilanga.

Michee 7:1

Ka muna maguga ma nyilabi! Nyivu nderi mutu va temu dutsonsugu dumilunda nesi va temu beboli abimasialulu: vagaa ne bisaga uji vagaa ne mifiga ami nyirondi.

Nahoum 3:12

Bivaga biagu biotsu bivu nderi mifiga yika bemikuki mibonduyi o munu ujandi oyirondi umiji.

Dutalu 18:13

Biotsu biumanga abi bodila mu manungi mogu abi bobega ombu Fumu biuba biagu. Mutu uotsu aguba ulioma o ndagu agu orungula ubiji.

Matthieu 5:13

Jenu duji nderi musayi ombu bisi bulongu. Tumba pa musayi umasambuga, mutu orungula ugugabusa dueyi? Uisaa na yisalu yisusu yika ubuaga.