Jeremie 24:1 - La Sainte Bible en Langue Yipunu

¹ Fumu amandasa ponsi beji tsimifiga atsimasunsu va gusu Ndagu Nsambi ava Nabucodonosor kaga jiBabylone amagaangila bakoli baJerusalem ubabega o Babylone, abamabegu ababa: Yekonia muana dibaala uJoaquim kaga jiJuda na bivunda biJuda na basarpati na bavayitsi bamagongi; botsu bana abamatsana o Jerusalem.

Jeremie 24:1 Iomraidhean Croise

2 Bakaga 24:10

Vana temu eni bagora baNabucodonosor kaga jiBabylone bamayetoyisa bisi Jerusalem na bamakanda musiengi.

2 Misamu 36:10

Ava mutubu kaga Nabucodonosor amamubega o Babylone na bisalulu bidufunu duneni biNdagu Nsambi. Amasola Sedecias uba kaga o Juda no Jerusalem va yivinga yimuana taji andi Joakin.

Esaie 13:1

Mbigulu mu diambu diBabylone atsimalasu ombu Esaie muana dibaala uAmots.

Jeremie 13:19

Misiengi amivu o yiari yitandu mimadibugu; vagaa mutu umidibula; baJuda botsu bamabegu baviga, usamasiala ne umosi.

Jeremie 27:20

Nabucodonosor kaga jiBabylone asamabigusula ava amagaangila Yekonia muana uJoaquim kaga jiJuda na baneni botsu baJuda na bisi Jerusalem abamabegu bakoli o Babylone.

Jeremie 28:4

Fumu amavosa rie: Nyugabusa Yekonia muana dibaala uJoaquim kaga jiJuda na bakoli botsu baJuda abamabegu o Babylone va mbura ejiji. Nyiina, nyubogula yilala yikaga jiBabylone.

Jeremie 29:1

Guluanu mambu ama Jeremie mubiyitsi amasona ombu bansialutsu babivunda abamabegu bakoli nesi bavagulitsi bapagu nesi babiyitsi nesi ombu batu botsu aba Nabucodonosor amabega bakoli o Babylone.

Jeremie 29:2

Umasonu ava ababa bamagusuyila o Jerusalem: kaga Yekonia na kaga jimugetu na mivangu na bivunda biJuda na biJerusalem na basarpati na bavayitsi bamagongi.

Jeremie 37:1

Sedecias muana dibaala uJosias amaruma va yivinga yiKonia muana dibaala uJoaquim; Nabucodonosor kaga jiBabylone amamuvaga kaga o Juda.

Ezekiel 17:4

Mbana jimatsibega o bulongu bumuteti na jimatsisunsa o musiengi ubatiyitsi bamuteti.

Ezekiel 19:9

Bamayivakiga mulunga mu miunu mimbasu na bamayikotisa o ndagu yibulu na bamayibega ombu kaga jiBabylone. Mbana bamayikotisa o tsugu yiri bagomuegulu ugumba uyionyi o mikongu miIsrael.

Amos 3:7

Fumu aguvu Fumu elasi basalitsi bandi babiyitsi yisuegu yiandi.

Amos 7:1

Fumu Nsambi amatindila yiriariamu yieyiyi. Laba amagukiga makokoku ava biotsu bikaga bimatabulu na bivaru biotsu bimamuebanda ubendila.

Amos 7:4

Fumu Nsambi amatindila yiriariamu yieyiyi. Amatubula mikilu umuji; muji umasielasana mbengi ajineni nesi bulongu buIsrael.

Amos 7:7

Fumu amatindila yiriariamu yieyiyi. Fumu jaʼ beni amaba va julu yibaga na amaba na mukudu uwetsiyila va dikaka.

Zacharie 3:1

Amandasa Yechoua yivunda yibavagulitsi bapagu; amaba diteli va gusu yiansa yiFumu na Satan amaba diteli va mabaala maYechoua umufuengilila.