Jeremie 23:3 - La Sainte Bible en Langue Yipunu

³ Nyumuegukisa bansialutsu babindombu biami o malongu motsu ama nyimabipansa na nyubigabusa o mbura tsiogu; biuburanga na biufunanga.

Jeremie 23:3 Iomraidhean Croise

Nyimbu 106:47

Nsambi Mugobutsi etu, tugobuli, tuwaki kalala va gari malongu, tugukiyi kabogu tuguyitsanga, tuyitsanga diina diagu diyingitsi, tulasanga bundumba buagu uguyitsa.

Jeremie 16:15

Tumba bovosanga rie: Fumu ejabi jandi agumapalisa baIsrael o bulongu bubanda nesi o malongu motsu ama bamabingusulu! Nyubagabusa o bulongu buogu abu nyimavega ombu bataji bogu.

Jeremie 29:14

Fumu amavosa rie: Menu Fumu nyivosi rie: Nyudusingisa utasuna, nyudujeyisa o bukoli; nomuedugukiga va mbura mosi jenu adumatsananga yiari na yiari va mbura atsi nyimadupansa. Fumu amamuevosa rie: Nyudugabusa va mbura aji nyimadusingisa ubegu bakoli.

Jeremie 30:10

Fumu amavosa rie: Ndeʼ musalitsi ami Israel guyalaba keri ndeʼ Jacob guyalaba goma mu mbari ndeʼ aguvu vala nyuguwaka kalala na bategula bagu abavu bakoli nyubawaka kalala; Israel, ndeʼ gugabuga na guba sui novumanga, vagomueba mutu ugupupisa.

Jeremie 30:3

Fuiriu amavosa rie: Bilumbu biuruga abi nyugabusa batu bami baIsrael na baJuda abavu bakoli. Amabuela rie: Nyubagabusa o bulongu abu nyimavega ombu bataji bogu na jogu bobudila.

Jeremie 31:7

Fumu jandi rie: Gamuyilanu Israel migamu minsangu, wimbililanu bisi malongu nobueji! Nangulanu mufi na wimbilanu duyitsu na vosanu rie: Fumu waka batu bagu na bansialutsu babaIsrael kalala!

Jeremie 31:8

Nyibagabusi o yiari yibanda nesi o masuka mabulongu; va gari ogu vavu bidunga na bitsondu nesi bagetu abavu na mimi nesi abamagaangu na misongu; bavu bapuela bapuela abegabuyi gunu.

Jeremie 32:37

Guluanu nyumuegukiga batu bami o malongu motsu ama nyimababinga na kabu ami na fuiri ami na yifutsu yiami; nyubagabusa va mbura ejiji, nyubatsanisanga vana sui.

Jeremie 46:27

Ndeʼ Israel musalitsi ami guyalaba keri; Ndeʼ Jacob guyaregama! Mu mbari nyuguwaka kalala o bulongu buvala, nyuwaka bategula bagu kalala o bulongu abu bavu bakoli; Israel gugabuga, guba sui novumanga na vagoba mutu ugupupisa.

Jeremie 50:19

Nyugabusa Israel o mbura andi oyenalinganga o Carmel nesi Bacban; ogukuru o mukongu uEfraim nesi o Galaad.

Jeremie 8:3

Fumu Mabadi amavosa rie: Dufu duiviolili monyu ombu bansialutsu tsibifumba bibi mu mbura tsiotsu atsi nyubabinga.

Ezekiel 11:17

La dibandu guvosila rie: Fumu Nsambi jandi rie: Nyumuedugukiga va gari batu; nyumuedugunga o malongu ama dumapansiga; nyudugabusa o bulongu buIsrael.

Ezekiel 36:11

Nyudufunisila babaala na bibulu; nyudufunisa tindi ufunisa te na duba na bategula. Nyirondi yiri dumuetsanunungu nana va kala na nyuduvayila maboti uviolila va kala; mbana dujaba yiri menu nyivu Fumu.

Ezekiel 36:24

Nyudugusula va gari batu na nyudugukiga o malongu motsu mbana nyudugabusa o bulongu buenu.

Ezekiel 36:37

Menu aguvu Fumu Nsambi nyivosi rie: Nyumuegabusa murima nsima mu diambu dibaIsrael; adinyubavayilaadidi: Nyufunisa babaala nderi mugamba.

Bisalu Bilevi 26:9

Ngomueduliyila nsima, nyudurombisa uburanga nofunanga; nyuwarisa pangini ami nenu.

Michee 2:12

Nyudugukiga, jenu botsu bategula baJacob nyugukiga bansialutsu baIsrael. Nyudugukiga nderi bindombu o yivanga yiogu nderi mugamba va mbura ajivu bisinga binyelili.

Michee 7:12

Muna yilumbu yieni batu boruyila ombu gagu aborambuyila o Assyrie nesi o Egypte ubandila va disimu diNil na diEuphrate nesi o mubu umosi te no ususu nesi o mukongu umosi te no ususu.