Jeremie 22:3 - La Sainte Bible en Langue Yipunu

³ Fumu jandi rie: Tabulanu mambu menu nadusungugu, wamusanu abamakambusu na bakinditsi. Duyakuana muenyi nesi yisiana nesi mukuili; duyabalasa dikasi. Duyawitila malungu ma-abagaa na mbela va mbura ejiji.

Jeremie 22:3 Iomraidhean Croise

2 Samuel 23:3

Nsambi Israel amavosa, dimanyi diIsrael dimansingula rie: Jandi oyirumi batu na dusungugu la jandi oyirumi na goma Nsambi,

2 Bakaga 24:4

Diwendi rie: Manasse amavaga masumu mapuela mapuela, amabokisa batu bapuela abasamaba na mbela na malungu mogu mamabasa Jerusalem te na Fumu asamagaru utanda monyi.

Job 22:9

Gumagabusa bakuili miogu na miogu, gumakambisa bisiana.

Job 24:9

Bepatuli mukuili muana agukivu va tulu, bebongi biduaru bibijaga batuga.

Nyimbu 68:5

Wimbilanu Nsambi na yitsanu diina diandi, mukunsilianu nsila, jandi oyiruyi va dikalu diandi diina diandi divu Fumu. Sangilanu va misu mandi.

Nyimbu 82:4

wakanu abadeda kalala na bijaga wandi; bagobulianu ombu batu babi.

Nyimbu 94:21

Betumuni batu basungama va julu vana beveyi mbela ombu abagaa na diambu.

Nyimbu 94:6

Uboka beboki bakuili na benyi, uvuna bevuni bisiana.

Ukumuga 22:21

Guyalasa mukuili maguga, nesi yisiana.

Ukumuga 22:22

Pa guibalasi maguga, na pa bokamuyila nyubagulu,

Banongu 23:10

Guyakuekisa mandilu makala uyenapatula bisiana manungi.

Banongu 6:17

dunangu, mamfurulu, bukongu,

Esaie 1:23

Basefu bavu mimbini; besali va mosi na badayitsi, botsu berondi milendu na begalini udila miensili; bagewaki bisiana kalala na bagekipi mitatu mibakuili.

Esaie 58:6

Ubusa uji aguindasi ubueji agugu: Nyangula bapanga abamatungu matutunga, surula mikudu mibakoli, jeyisa abamakambulu, pansa bilala bimunongu na munongu.

Esaie 58:7

Jandi oyigulu nsala mugabili biguji, kotisa abagaa na mandagu o ndagu agu, pa guilabi dibaala adivu penyi mugumbi tsanda, guyawimina muana taji agu.

Jeremie 19:4

BaJuda bamambusa na bamabivisa mbura ejiji avana bamavagulila bansambi bangana bima bimbunga jiboti aba jogu na bataji bogu na bakaga baJuda bagejabi; bamabasa mbura ejiji na malungu mabatu abagaa na mbela.

Jeremie 21:12

Jenu bisi ndagu David, lasanu dusungugu kedi na kedi, wamusanu abamakambusu na bakuanitsi mu mbari kabu ami jikevendumuga nana muji agugotsimusu mu diambu dimbivulu tsienu.

Jeremie 22:17

Tumba ndeʼ, guirumi na ditasa uyenadionganga noyenawitilanga malungu ma-jogu abagaa na mbela va julu vana uyenakuananga nolasanga dikasi

Jeremie 26:16

Basefu na batu botsu bamatsingula bavagulitsi bapagu na babiyitsi rie: Dibaala diedidi agaa awelimina uboku; evosi netu mu diina diFumu Nsambi etu.

Jeremie 5:28

Bevongi na beputi tindi uputa, beviosulili uvaganga mabi. Bagewamusi batu, nesi bisiana. Bagekipi dusungugu dubijaga.

Jeremie 7:23

Tumba guluanu diruma adi nyimabavega rie: Guluanu diufi diami na nyuba Nsambi enu, jenu duba batu bami; vioyilanganu mu mansila ama nyimadulonsa mbana dulabanga nsangu.

Jeremie 9:24

Fumu amavosa rie: Bilumbu biuruga abi nyukilisila botsu abamarebu abavu na mirima amisakarebululu,

Mitatu 3:36

nesi ava betabulili mutu bunsonsi bubi; je Fumu agelabi motsu mana?

Ezekiel 18:12

pa okambisa agumakambulu nesi yijaga, pa odaga na pa agegabusi tuga na pa oyitsa bakosi novaganga nsoruru,

Ezekiel 18:7

Agekambisi mutu; egabusi tuga ombu musombitsi; agedayi na egabi biguji biandi na jandi aguvu na nsala na eduisi jandi aguvu na penyi.

Ezekiel 22:7

Belensi nesi bataji na banguji bogu na belasi benyi maguga na bekambisi bisiana na bakuili.

Ezekiel 45:9

Fumu aguvu Fumu Nsambi evosi rie: Baana bakaga baIsrael vana dedi! Dundanu dikasi na makuana; kipanu dusungugu duotsu na duyamuepatula batu bami mbura tsiogu. Menu aguvu Fumu Nsambi oyidirumi.

Bisalu Bilevi 19:15

Guyavaga dibi ava guitabulili bunsonsi: guyagengila bufufu vo buneni bumutu tumba tabulila mutu nagu bunsonsi na busungama.

Amos 5:15

Vinanu mabi na rondanu maboti dusungugu dubangingi o ndagu tsienu. Tanguji Fumu Nsambi Mabadi olasa bategula baJoseph yingeba.

Amos 5:24

Tumba nyirondi dusungugu adubanganga nderi mamba mamuwigu nesi nyidu ajigediami.

Michee 3:11

Bansonsi betabuli bunsonsi udila milendu; bavagulitsi bapagu belonsi yiri bofutu; babiyitsi bebiyi udila lora jivema. Mbana bana bukidi unengila Fumu na bewivuli rie: Fumu agaa netu? Dibi digotudala?

Michee 6:8

Bamadujabisa adivu diwelimina nesi adi Fumu eduwivuli. Kipanganu dusungugu, banganganu bango yingeba, kesunsanu va gusu Nsambi enu.

Malachie 3:5

Fumu Mabadi evosi rie: Nyulensa udutabulila bunsonsi: mu diambu dibavanditsi na bimbembu na jogu abelevi mapesi maleleva na jogu abegaangi futa tsibasalitsi na jogu abelasi bakuili na bisiana maguga na jogu abevayi benyi mabi na bagendumi.

Matthieu 23:23

Ka muna maguga ma jenu milonsi mimigaga na jenu baPharisie dulaba! Jenu bijaku duvu! Duiveyi yimosi mu digumi mu miguba na milingidi, amana mavu mawelimina tumba duibusi udedila Mambu mangensa mamigaga, diwendi rie: dusungugu, yingeba na businginyi.

Migaga Mimatubula 10:18

Ewamusi bisiana na bakuili, erondi benyi na ebaveyi biguji na biduaru.

Migaga Mimatubula 24:17

Duyalasa benyi na bisiana maguga na duyabonga biduaru bibakuili tuga,

Migaga Mimatubula 24:7

Pa borasuna muisi Israel agumadaga mutu nandi na amamuvaga muviga andi vo amamusumbisa, mudayitsi eni aboku. Adina diutsiemusa dibi va gari enu.

Migaga Mimatubula 25:1

Diurungula uba baIsrael babeji bowenda ombu nsonsi uyetabululu bunsonsi: nsonsi owarisa ndunga jimungo ndunga, aguvu na diambu omuvega mbela.

Migaga Mimatubula 27:19

Ka muna mulogu gu uvu na jandi oyikambisi muenyi, nesi yisiana nesi mukuili! Batu botsu bowaka rie: Anana!

Jacques 1:27

Pa mutu erondi muyitsa ungensa agu Tata Nsambi esingi alingulingi bisiana na bakuili ava bavu mu maguga na akekelisa yiri agofuama nsoruru tsibulongu.