Jeremie 2:7 - La Sainte Bible en Langue Yipunu

⁷ Nyimadubega o bulongu abuibagunu na nungi milunda yiri dujanganga milunda nesi biguji biboti; tumba dunokota muna dumabivisa bulongu buami na dumabukalusa nsoruru.

Jeremie 2:7 Iomraidhean Croise

Nehemie 9:25

Bamapatula misiengi mikandu; butamba abumaba na digumba; bamabialila mandagu amamabasa busina na biduna bimamba na manungi mamirayisan na mioliva na miri amiburi milunda mipuela mipuela. Na maboti magu bamajanganga na bamagukurungu na bamatsananga na nsangu.

Nehemie 9:26

Tumba bamaba biduka na bamakaluga mimbini bamaliyila migaga miagu nsima na bamaboka babiyitsi bagu abamabalubusa ugabuga ombu gagu na bamagulensa tindi ugulensa.

Esaie 19:25

Fumu Mabadi obagabila miula ava ovosila rie: Miula ombu bisi Egypte abavu batu bami nombu bisi Assyrie abavu yisalu yimakaka mami nombu bisi Israel abavu disiala diami.

Jeremie 16:18

Nyubakilisa temu beji mu diambu dimabi mogu na dimasumu mogu mu mbari bamabivisa bulongu buami na bitsatsu bibakosi bogu na nsoruru tsibansambi bangana.

Jeremie 3:1

Fumu amawivula rie: Ava dibaala obokila diwela na mugatsi andi, uba mugatsi udibaala disusu dibaala ditega omuegabuga ombu gandi? Nesi! Adina diubivisa dilongu. Ndeʼ Israel gumakebivisa na maronda mapuela. Fumu ewivuli rie: Ne nana gumuegabuga ombu gami?

Jeremie 3:2

Buaga misu ugengila o julu tsimikongu! Gusamavaga kulini va mbura tsi eni tsiotsu? Gumaba nderi muArab o kumu oyivivi ukinda abevioyi. Ndeʼ wagu gumabivisa bulongu na bumbembu buagu nesi mbivulu tsiagu.

Jeremie 3:9

Israel amabivisa bulongu na buvuyisa nesi na bakosi bamamanyi na bamiri.

Jeremie 32:23

Jogu bamakota na bamatsana muna. Tumba basamadedila diufi diagu na basamakelisa migaga miagu na basamavaga motsu ama gumabaruma uvaga. La dibandu namunyi guibalasili purulu tsietsitsi.

Jeremie 32:30

Fumu amavosa rie: BaIsrael na baJuda bamavaganga yika mabi va misu mami ubanda vana bungebi buogu. Nyiina, baIsrael basamaba na disusu yika unyoyisanga nesi na bisalu biogu.

Ezekiel 20:24

mu mbari basamakelisa maruma mami na bamabusa migaga miami nesi usumuna yilumbu yiami yiuvuma na bamayitsa bakosi babataji bogu.

Ezekiel 20:28

Nyimabawendisa o bulongu abu nyimavangana ubavega na bamaromba mikongu misakama nesi miri amivu na mafunda; amuna bamavagulila pagu tsiogu nesi ukwakisa miensili miogu amimanyoyisa; bamanyensa bima biogu bimbunga jiboti na bamapuga pagu tsiogu tsiunu.

Ezekiel 20:6

Muna yilumbu yieni nyimavangana nogu ubagusula o bulongu buEgypte ubabega o bulongu abu nyimabarombila, bulongu abuvu na digumba adiviolili dimalongu motsu.

Ezekiel 23:35

La dibandu nyivosili rie: Mu mbari gumandibana na gumandiyila nsima kabogu gunangula mbela jibuvuyisa buagu na jibumbembu buagu.

Ezekiel 36:17

Gulu Ezekiel, ava baIsrael bamatsaninanga o bulongu buogu bamabubivisa na bifu biogu nesi bisalu biogu; nyimabalaba nderi belabi mugetu aguvu na tsungi andi.

Osee 9:3

Efraim agomuetsananga mu bulongu buFumu; ogabuga o Egypte nesi o Assyrie uyenajanganga biguji bimuinsi o Assyrie.

Michee 2:10

Retsamanu, wendanu! Mbura jiuvuma tsiri vava! Mu diambu dinsoruru Nsambi odubunga tindi ubunga.

Dutalu 13:27

Ami bamatsingula Moise amimi rie: Jetu tumatola o bulongu abu gumatusindiga. Dingensa bulongu bueni buvu na digumba dineni; laba nesi milunda ami tutsigubeyila.

Migaga Mimatubula 21:23

Mfumbi eni jiyasilama va muiri, dukatsiga mfumbi muna yilumbu yieni; mu mbari jionyi jiurombisa mulogu uNsambi. Kebananu yiri dugobivisa bulongu abu Fumu Nsambi enu oduvega disiala.

Migaga Mimatubula 32:9

Dikabu dibaIsrael divu batu bandi, Bategula baJacob bavu bisolu biandi.

Migaga Mimatubula 6:18

Guvaganga amavu masungama na amavu maboti va gusu Fumu. Mbana gulabanga ubueji na gudila bulongu buboti abu Fumu Nsambi amavangana uvega bataji bagu,