Jeremie 2:5 - La Sainte Bible en Langue Yipunu

⁵ Fumu ewivuli rie: Dibi yi bataji benu bamalaba nami? Dibandu yi bamakakana nami? Bamadukanga mambu amagaa na tsongu na bamatsiemuga.

Jeremie 2:5 Iomraidhean Croise

2 Bakaga 17:15

Bamabusa migaga miNsambi na bamabunsa pangini ajimavangunu na bataji bogu na bamabusa malubu ama amabalubusa. Jogu bamaduka mambu amagaa na tsongu na bamakevega uvaga kulini; bamagukuyila bisi malongu abamaba yiari na yiari ama Fumu amabagandisa.

Nyimbu 115:8

Jogu abebavali bebagunu na bonyi.

Esaie 29:13

Fumu amavosa rie: Ava batu bebaba bebambinini nami muyitsa ogu uvu yika migaga mibutamba.

Esaie 44:9

Jogu abevayi bakosi bavu kulini, yisalu yiogu yiboti yigaa na tsongu; bonyi bavu bambeji bogu; bagelabi na bagejabi diambu, bebarombisi yika yisonyi nayisonyi.

Esaie 46:12

Jenu aduvu na mirima migala, kululuanu; jenu aduvu vala na dusungugu.

Jeremie 10:8

Botsu bavu biduka na biduka. Muyitsa ubakosi uilonsi mambu amagaa na divindugulu.

Jeremie 12:2

Ndeʼ gumabavara na bamabendisa ngansi, beneyi na beburi milunda; diina diagu divosungu nogu tumba mirima miogu mivu vala nagu.

Jeremie 14:22

Va gari bansambi bangana babisi malongu vavu nsambi ajinoyisi mfula? Tsiri ndeʼ aguvu Fumu Nsambi etu? Ndeʼ tuivivi, ndeʼ aguivayi mambu meni motsu.

Jeremie 2:31

Jenu aduirangi, tsiyisanu diambu diFumu! Je nyimaba nderi kumu ombu jenu baIsrael? Je nyimaba yika pisama na pisama? Dibandu yi batu bami bevosili rie: Jetu tukeruma, tugemueronda ugabuga ombu gagu?

Jeremie 2:4

Jenu bisi ndagu Jacob jenu bisi yifumba yiIsrael guluanu diambu diFumu.

Jeremie 8:19

Guluanu migamu mibatu bami, migulunu o vala rie: Fumu esaa o Sion? Kaga andi agemuetsanina muna? Dibandu yi bamanyoyila na bakosi bogu nesi bansambi bangana?

Ezekiel 11:15

Ezekiel, abana bavu baIsrael abavu tindi baana bataji bagu, nesi bibum biagu aba bisi Jerusalem bevosili rie: Kakananu na Fumu; bulongu buma-tuvega.

Ezekiel 14:5

Kabusulu ami jiupa-nsa baIsrael botsu abamakakana nami mu dia mbu didurondu duogu dubakosi.

Jonas 2:8

Ava minima ami umabakimina, nyimagurangimina Fumu na dusambu duami dumatola te nombu gagu o Ndagu agu.

Matthieu 15:8

Nsambi amavosa rie: Batu bebaba bekitsi yika na miunu tumba mirima miogu mivu vala nami.

Bisalu 14:15

Aa jenu, dibandu yi duivayili nana? Jetu tuji batu munongu mosi nana jenu. Tuji vava udusamunina Musamu Uboti yiri dubusa bakosi abagaa na tsongu nogengila Nsambi aguvu monyu, agumavaga julu na butamba na mubu na biotsu abivu muna.

Romains 1:21

Kabogu bana mbela mu mbari banojaba Nsambi, ba-samamuyitsa na basamamugabusila diboti. Bamatsiemusa diela diotsu te na mirima mio-gu mimapinda.

Migaga Mimatubula 32:21

Bamarangisa diwavi diami na bansambi bangana abagaa tindi Nsambi: bamanyoyisa na bakosi bogu bakulini. Meʼ wami nyubawavisa na batu abagaa tindi batu, nyubanyoyisa na dilongu adivu yika biduka na biduka.

1 Samuel 12:21

Duyamuliyila nsima mbe dufubana na bakosi abagaa na tsongu abagejabi nesi uwamusa nesi uwaka mutu kalala mu mbari bakosi bavu.