Jeremie 2:11 - La Sainte Bible en Langue Yipunu

¹¹ Je va dilongu adivinsi bansambi bandi diuleba bagaa bansambi? Batu bami bamansopana na bansambi abagorungula ubawaka kalala.

Jeremie 2:11 Iomraidhean Croise

1 Bakaga 11:33

Nyidivayi mu mbari baIsrael bamandiyila nsima na bamagudama va gusu Astarte, nsambi jibaSidon na va gusu Kemoch, nsambi jibaMoab na va gusu Milkom, nsambi jibaAmmon na va julu vana basamadugusu kanu tsiami uvaganga amasungama va gusu ami nokelisanga migaga miami na maruma mami nana David taji Salomon amavayilanga.

2 Bakaga 1:3

Tumba yiansa yiFumu amaruma Elie muisi Tichebe rie: Relama yebengusana bilumbi bikaga jiSamarie na bawivuli rie: Je vagaa Nsambi o Israel? Dibandu yi duyewivula Baal Zeboub nsambi Ecron?

2 Misamu 13:9

Jenu dumabusa tindi bavagulitsi bapagu baFumu abamaba bategula baAaron na bisi Levi, dumakesolila bavagulitsi bapagu nana bisi malongu masusu bamavayilanga: mutu uotsu agumaruganga na muana ngombi na yisambuali yibalumi babindombu amabiatsu muvagulitsi upagu ubansambi bangana.

Nyimbu 106:20

Bamavinsa bundumba buNsambi na yibagunu yingombi ajijangingi biriri.

Nyimbu 115:4

Bakosi bogu bavu lora jivema na lora, bavu yika yisalu ayimasalu na batu.

Nyimbu 3:3

Batu kweʼ bevosi mu diambu diami rie: Agowaku kalala na Nsambi andi. Letasatianu

Esaie 37:19

Bamanyensa bansambi bogu abasamaba tindi bansambi, bavu bima abi batu bamavaga na miri na mamanyi kabogu abina jogu bamabunga.

Jeremie 16:20

Mutu orungula ukevayila bansambi abagaa bansambi?

Jeremie 18:13

La dibandu Fumu evosili rie: Wivulanu bisi malongu! Anyi amagulu diambu diedidi na kala? Adi baIsrael bamavaga adivu nsoruru.

Jeremie 2:5

Fumu ewivuli rie: Dibi yi bataji benu bamalaba nami? Dibandu yi bamakakana nami? Bamadukanga mambu amagaa na tsongu na bamatsiemuga.

Jeremie 2:8

Bavagulitsi bapagu basamawivula rie: Fumu aka? Milonsi mimigaga basamanjaba, barumitsi basamakipa mambu mami, babiyitsi bamabiyila mbigulu tsiBaal na bamakevegaombu bansambi abagorungula ubawaka kalala.

Jeremie 5:7

Fumu amavosa rie: Jerusalem, dibandu yi nyugutandila? Baana bagu bababaala bamambusa na belevi mapesi na miina mabansambi bamfurulu. Nyimabadugusu maboti ne nana bevayingi bumbembu; bewendi yinombu o mandagu makulini.

Ezekiel 14:5

Kabusulu ami jiupa-nsa baIsrael botsu abamakakana nami mu dia mbu didurondu duogu dubakosi.

Ezekiel 5:7

La dibandu menu aguvu Fumu Nsambi nyivosili rie: Jenu dumaba mimbini uviolila bisi malongu amedutsiengili yiari na yiari mu mbari dusamakipa mamma mami na dusamadedila migaga miami na dumakipa migaga mimalongu amedutsiengili yiari na yiari;

Michee 4:5

Batu basusu bamaduka bansambi bogu tumba jetu tuiduki Fumu Nsambi etu.

Romains 1:23

bebusi Nsambi agugefu na besingi bakosi mu bibagunu bibatsoli na bi-bulu na bilandila.

1 Corinthiens 8:4

Kabogu mu diambu diuji nyama atsimavagulu ombu bakosi tuijabi yiri bakosi bagaa na tsongu, yika Nsambi mosi buandi avu.

Galates 4:8

Va kala mbe dusakajaba Nsambi, dumaba baviga babinyunyi abisamaba biNsambi.

Migaga Mimatubula 32:16

Jenu baIsrael dumarangisa diwavi diandi na bansambi bangana dumamunyoyisa na nsoruru tsienu.

Migaga Mimatubula 32:21

Bamarangisa diwavi diami na bansambi bangana abagaa tindi Nsambi: bamanyoyisa na bakosi bogu bakulini. Meʼ wami nyubawavisa na batu abagaa tindi batu, nyubanyoyisa na dilongu adivu yika biduka na biduka.

Migaga Mimatubula 33:29

Ka muna ubueji gu uvu na baIsrael! Banyi bavu nana jenu? Batu abamagobulu na Fumu! Avu ngubu ajidugayingi na dijenga dingungulu enu! Bavinitsi benu bokevongula va gusu enu; dutsiarila mbura tsiogu tsiduyitsu!

1 Pierre 1:18

Ka muna dufunu du dumafutu udugobula, diwendi rie: udujeyisa mu nsanunu tsienu tsikulini atsi bivunda bienu bimadulonsa. Jabanu yiri dusamagobululu nabima abibungini nana mbongu vo lora.

1 Samuel 4:21

Amaluga muana, Ikabod, amavosa rie: Bundumba buIsrael bumagusulu! Amadivosila mu diambu diyigara yipangini yiNsambi ayimabapatulu na didufu duboji buandi na dumulumi andi.