Jeremie 16:4 - La Sainte Bible en Langue Yipunu

⁴ Bofuanganga na maali; bagolilu na bagotsigu; bamfumbi bogu boba layini te na butamba buba nderi budibumbu; boboku na divita na dungosu dunsala; bamfumbi bogu bododungu na batsoli na makoju mobajanganga.

Jeremie 16:4 Iomraidhean Croise

Jeremie 25:33

Jogu aba Fumu oboka muna yilumbu yieni boba layini ubandila o kodu mosi jibutamba te no kodu susu; bagolilu nesi ubolu nesi utsigu; butamba buba nderi budibumbu.

Nyimbu 83:10

Aa Nsambi bavayili dedi mosi na Sisera na Yabin o mujamba uQuichon; nesi nana baMadian

Jeremie 9:22

Fumu evosi rie: Mungo diela ayakedodisa na diela diandi, mungo mangolu ayakedodisa na mangolu mandi, yisina ayakedodisa na busina buandi.

Sophonie 1:17

Fumu amavosa rie: Nyulasa babaala maguga na bowendanga nderi bidunga mu mbari bamavaga masumu va gusu ami. Malungu mogu mowitulu yiari na yiari nderi difufundu na bamfumbi bogu bagotsigu.

Jeremie 34:20

nyubawakisa ombu bavinitsi bogu nesi ombu jogu aberondi ubaboka na mfumbi tsiogu tsiudodungu na batsoli na makoju motsijanganga.

Jeremie 7:33

Bamfumbi bogu bododungu na batsoli na bibulu bimusiru biubajanganga; vagoba mutu ubabinga.

Esaie 18:6

Botsu boligulu nsima, batsoli bamikongu na bibulu bimusiru biubajanganga; batsoli bobadoda va mangala na bibulu biubaji va mfula.

Ezekiel 5:12

Dikabu dimosi mu marieru dibatu benu boboku na yivunga na bogudusu na dungosu dunsala; dikabu adimubeji diuboku na dijenga na nyupansa dikabu adimurieru o biari biotsu na nyubaboka na dijenga.

Jeremie 44:27

Guluanu nyubagengila yisuisu ubavaga dibi tsiri diboti na baJuda botsu abavu o bulongu buEgypte bosielusunu na divita nesi dungosu dunsala.

Jeremie 36:30

La dibandu Fumu evosili mu diambu diJoaquim kaga jiJuda rie: Ne mutu andi umosi agotsana va yitsiga yibufumu yiDavid na mfumbi andi jiuwanyugu va nyangu jineni na jigogusulu va yiotsi yimukolu.

Jeremie 34:17

La dibandu Fumu amavosila rie: Dusamandedila uyenatubulila dujegusu dumutu mutu nesi muana taji andi nesi mutu nandi. Fumu amavosa rie: Nyutubula dujegusu dumunongu ususu: nyudurombisa divita na yivunga na dungosu dunsala na nyuduvaga yisanunu yibisi butamba buotsu.

Esaie 5:25

La dibandu Fumu amanyoyila batu bandi tindi kabu, ebagaangi na ebadimbi. Mikongu mimasisana; bamfumbi bavu bayinyi mu mansila nderi dibumbu. Ne nana kabu jiFumu jisakasaguga, nguangu jikivu va dikaka diaiidi.

Nyimbu 78:64

Bavagulitsi bandi bapagu bamaboku na majenga, bakuili bogu basamamuelila.

2 Bakaga 9:10

Mbe ka Jezabel agotsigu, bamondi bomuji o nungi jiJizreel. Mubiyitsi anovosa anana amadibula diguyi na amarina.

Jeremie 44:12

Nyubonga bansialutsu baJuda abamageluga uwenda o bulongu buEgypte uyesuema; jogu botsu bosiegalana. Avana bofuila; bamosi boboku na divita na basusu na dungosu dunsala ubanda na tindi ngebi te na tindi yivunda; nyiina, anana bobokusulu; na miina mogu mosalusu uwarisa mulogu nesi ubalasa yisonyi.

Migaga Mimatubula 28:26

Mfumbi tsienu tsiuligu na batsoli na bibulu; vagoba mutu ubabinga.

Jeremie 19:7

Va mbura ejiji nyubungila kanu tsibaJuda na tsibisi Jerusalem. Nyubarombisa uboku na bavinitsi bogu abagaa na yingeba. Nyusingisa yiri bamfumbi bogu bododungu na batsoli na makoju bobajanganga.

Mitatu 4:9

Jogu abeboku na dijenga belabi ubueji uviolila ogu abefu na dungosu dunsala mu mbari befu vagegeyi; biguji bigaa biwelimina o manungi.

Ezekiel 24:21

Tsingula baIsrael rie: Menu aguvu Fumu Nsambi nyivosi rie: Nyusingisa Mbura ami ulensu, Mbura ajimadurombisa ukematisa, aji dumaronda tindi uronda. Baana benu baba-baala na babagetu aba dumasila o Jerusalem boboku na dijenga.

Migaga Mimatubula 28:22

Fumu odunamusu mivita na mabagu na masieyi na mbabisila na dungosu dunsala na yikuna na unengana na bivunga bieni biotsu biudunama te na dutsiemuga.

Jeremie 21:6

Nyudimba bisi musiengi egugu nesi babaala nesi bibulu; jogu boboku na yivunga yineni.