Jeremie 15:2 - La Sainte Bible en Langue Yipunu

² Pa boguwivula rie: Agu tuwenda? Gukabawagula rie: Fumu jandi rie: Mutu mutu na dufu duandi; bamosi na yivunga, basusu na divita, basusu na dungosu dunsala, basusu na buviga!

Jeremie 15:2 Iomraidhean Croise

Jeremie 43:11

Ava oruyila odimbisa bisi Egypte. Bamosi bofu, basusu bobegu bakoli na basusu bobokusu!

Zacharie 11:9

Mbana nyimavosa nogu rie: Ngomuedubungulanga! Ayiwendi o ufu, yifuangingi; ayiwendi o ubungana, yibunginingi; abesiali, bijangisiningi!

Dulasu 13:10

Oyikotisi basusu o tsugu okotusu o tsugu wandi. Oyiboki batu na dijenga jandi wandi oboku na dijenga. La dibandu batu baNsambi vengu boba na pugu na yitu.

Ezekiel 5:2

Gukanyensa dikabu dimosi o musiengi ava bilumbu biukandu biusukila. Gukabonga dikabu adimubeji, gukadipansa na dijenga o musiengi uotsu. Gukakuka dikabu adimurieru; punga jiutsivembula, nyudiduka na dijenga.

Ezekiel 5:12

Dikabu dimosi mu marieru dibatu benu boboku na yivunga na bogudusu na dungosu dunsala; dikabu adimubeji diuboku na dijenga na nyupansa dikabu adimurieru o biari biotsu na nyubaboka na dijenga.

Jeremie 14:12

Ne pa bobusa uji; ngogulu ndembu tsiogu; pa bovagula pagu tsiunyensa na miensili ngobisinga; nyirondi ubabunga na divita nesi dungosu dunsala nesi yivunga.

Esaie 24:18

Jandi oyirini migamu migoma ebonduyi o yiduna; jandi oyipali o yiduna ewakululu mu murambu; mu mbari julu jimadibuga na mabandu mabutamba mamakungusu.

Amos 5:19

Ayi dibaala adirini yimbungu obenguna na ursa; ayi okota o ndagu andi nosakiga dikaka diandi va julu yivaga na nyoga jiusundila umugaka.

Daniel 9:12

Tumadugusu mambu ama gumatuvosila, jetu na basefu betu abamaturumanga, gumatulasa maguga maneni, vasakalabana maguga mamunongu eni amamalabana o Jerusalem va butamba buotsu.

Ezekiel 14:21

Nyiina, Fumu Nsambi amavosa rie: Nyimatinda mikilu miami mina mineni o Jerusalem: divita na dungosu dunsala na bibulu bibukanyi na yivunga uyenabokisanga batu na bibulu.

Jeremie 14:16

Mbe ka batu aba bobiyila, bamfumbi bogu boba layini mu diambu didungosu dunsala na didivita; vagoba mutu ubatsiga nesi jogu beni nesi bagatsi bogu nesi baana bogu bababaala nesi babagetu; nyubagabusila mbivulu tsiogu.

Jeremie 16:4

Bofuanganga na maali; bagolilu na bagotsigu; bamfumbi bogu boba layini te na butamba buba nderi budibumbu; boboku na divita na dungosu dunsala; bamfumbi bogu bododungu na batsoli na makoju mobajanganga.

Jeremie 19:7

Va mbura ejiji nyubungila kanu tsibaJuda na tsibisi Jerusalem. Nyubarombisa uboku na bavinitsi bogu abagaa na yingeba. Nyusingisa yiri bamfumbi bogu bododungu na batsoli na makoju bobajanganga.

Ezekiel 12:11

Gukabatsingula yiri gumavaga nana ubalasa adi bolaba: bobegu bakoli nesi baviga.

Ezekiel 33:27

Bansingulili mambu memama: Menu aguvu Fumu Nsambi nyidulubusi rie: Jogu abavu va gari mandagu amamapansu boboku; jogu abavu o musiru bovopulu na bibulu; jogu abesuemi nesi abavu o malima boboku na yivunga.

Esaie 10:4

Jenu bamosi dubandama va gari bakoli jenu basusu duberuga va mosi na bamfumbi. Ne nana kabu Fumu jigosaguga, via, nguagu jikivu va dikaka diandi.