Jeremie 1:16 - La Sainte Bible en Langue Yipunu

¹⁶ Nyubatabulila bunsonsi buami mu diambu dimbivulu tsiogu mu mbari bamambusa na bamavagulila bansambi banganga bima bimbunga jiboti na bamagudimina bansambi aba jogu beni bamasala uyitsa!

Jeremie 1:16 Iomraidhean Croise

2 Bakaga 22:17

Bisi Jerusalem bamambusa na bamavagulila bansambi bangana bima bimbunga jiboti, bamanyoyisa na bisalu biogu biotsu, nyimanyoyila bisi mbura eni tindi kabu, jionyi jigosaguga.

2 Misamu 15:2

agumarasuna Asa nomutsingula rie: Kululuanu Asa na baJuda na baBenjamin! Fumu avu nenu pa jenu duvu nandi; pa duimugengili olabana nenu; tumba pa duimubusi jaʼ wandi odubusa.

2 Misamu 28:2

Amaduka bifu bibakaga baIsrael; amavaga nesi bitumba bimuyitsa uBaal.

2 Misamu 34:25

Bisi Jerusalem bamambusa na bamavagulila bansambi bangana bima bimbunga jiboti, bamanyoyisa na bisalu biogu biotsu na nyimanyoyila bisi mbura eni tindi kabu, jionyi jigosaguga.

2 Misamu 7:19

Tumba pa duindiyili nsima jenu na baana bagu nobusa migaga miami na maruma mami abi nyimaduruma, pa dusalila bansambi bangana nobakutimina,

Esaie 2:8

Bulongu bumabasa na bakosi; begudimi va gusu bisalu bijogu beni, abi bamasala na makaka mogu.

Esaie 37:19

Bamanyensa bansambi bogu abasamaba tindi bansambi, bavu bima abi batu bamavaga na miri na mamanyi kabogu abina jogu bamabunga.

Esaie 44:15

Mbana mutu ususu osalisa yibuku yimuiri eni ubangisa muji agu egori nesi ulambila biguji; na yibuku yisusu ovaga nsambi aji esambili na egudimi va gusu jionyi.

Esaie 65:3

Bavu batu abenyoyisingi ava bevaguli pagu tsiogu o manungi na benyensi bima bimbunga jiboti mu julu tsibirika;

Jeremie 10:15

Bagaa na tsongu, yisalu yindunsulu. Botsu bana botsiemuga ava Fumu oruyila.

Jeremie 10:3

Muyitsa ubatu bamosi ugaa na divindugulu. Bewangi muiri o musiru; keti eguvali kosi.

Jeremie 11:12

Kabogu bisi misiengi miJuda na bisi Jerusalem boyesambila bansambi aba bamavagulila bima bimbunga jiboti tumba bagobawaka kalala va temu jimaguga mogu.

Jeremie 11:17

Menu Fumu Mabadi nyimavara muoliva aguvu baJuda na baIsrael tumba namunyi nyibalubusi yiri voba dubungu adu bamakerombila; bamavaga dibi ava bamavagulila Baal bima bimbunga jiboti unyoyisa.

Jeremie 15:6

Fumu amavosa rie: Gumambusa na gumandiyila nsima. Nyusamba dikaka ugubunga, nyimatopulu ugabusa murima nsima.

Jeremie 16:11

Gukabawagula rie: Fumu jandi rie: Bataji benu bamambusa na bamawenda ombu bansambi bangana, bamabasalila na bamagudama va gusu ogu; jogu bamambusa na basamakelisanga migaga miami.

Jeremie 17:13

Aa Fumu, ndeʼ guvu ditasa dibaIsrael! Botsu abegubusi bolaba yisonyi! Abeguliyili nsima miina mogu mamasonugu va tsi. Begubusi Fumu, ndeʼ aguvu dibandu dimonyu.

Jeremie 18:15

Tumba batu bami bamandibana bevagulili bansambi bangana bima bimbunga jiboti; bebadukusu mabaku, bebapembusi mansila makala ubagonsa va mugula.

Jeremie 19:4

BaJuda bamambusa na bamabivisa mbura ejiji avana bamavagulila bansambi bangana bima bimbunga jiboti aba jogu na bataji bogu na bakaga baJuda bagejabi; bamabasa mbura ejiji na malungu mabatu abagaa na mbela.

Jeremie 2:13

Batu bami bamavaga mabi mabeji; bamambusa, menu aguvu yileka yimamba mamonyu, bamakevayila matanga nesi matanga amamatobiga, magemuesikiga mamba!

Jeremie 2:17

Je dionyi disamalabana ombu gagu Israel mu mbari gumabusa Fumu Nsambi agu? Fumu Mabadi amavosa rie: Gusamanduma.

Jeremie 2:19

Fumu Mabadi evosi rie! Dibi diagu digukilisi; penda agu jiuguvega mbela! Mbana gunyonga na gujaba dibi gutsi vaga umbusa, menu Fumu Nsambi agu nesi ulibana musuga ami.

Jeremie 2:28

Tumba nyuduwaka rie: Bansambi benu aba dumakevayila baka? Baruyi pa borungula uduwaka kalala vatemu purulu! Aa jenu baJuda dutalu dubansambi benu duvu dedi na dutalu dumisiengi mienu.

Jeremie 4:12

Uvu mungudi uneni aguiruyili guna na musuga ami. Utabula nyitabulili batu bami bunsonsi.

Jeremie 4:28

La dibandu bulongu buvu mu yifuila, na julu jimapindusu; nyimadivosa na nyimaditabula ngovinsa kingu nogabuga mansinsima, via!

Jeremie 44:17

Tumba tuvaga nana tumavanginina: uvagulila Astarte bima bimbunga jiboti nesi pagu tsiunu nana tumavayilanga; jetu na bataji betu na bakaga betu na basalitsi bakaga o misiengi miJuda nesi o mansila maJerusalem. Va temu eni tumabanganga na mapa mawelimina ugukuru na tumalabanga nsangu na tusamalabanga maguga.

Jeremie 5:29

Fumu amawivula rie: Ngokilisa batu mu mambu mamunogu eni? Ngogabusila bisi dilongu dieni pila?

Jeremie 5:9

Fumu amawivula rie: Ngokilisa batu mu mambu mamunongu eni? Ngogabusila bisi dilongu dieni pila?

Jeremie 51:17

Dujabu duandi duikalusi batu botsu biduka Ketijiotsu jilora elabi yisonyi na kosi andi; mu mbari bakosi bandi belabini yika ulabana bagaa na muvumu.

Jeremie 7:17

Ndeʼ gugelabi adi bevayi o misiengi miJuda nesi mu mansila maJerusalem?

Jeremie 7:18

Baana beriabi mikansu, bataji bebangisi miuji na bagetu bevayi mapa uvagulila kaga jimugetu jijulu. Bevagulili bansambi bangana pagu tsiunu atsinyoyisi.

Jeremie 7:9

Je dudaga noboka novaga bumbembu noleva pesi jikulini novagulila Baal bima bimbunga jiboti noduka bansambi bangana aba dusamalejaba?

Ezekiel 16:18

Gumabonga biduaru biagu bimaruku gumabikubiga na gumavagulila bakosi beni matsi mami na bima biami bimbunga jiboti.

Ezekiel 24:14

Menu aguvu Fumu nyivosi rie: Adi nyimavosa diulabana na nyudidugusu; ngogabuga mansinsima; ngolasa yingebana ngovinsa kingu. Bogutabulila bunsonsi buwelimina na bifu biagu nesi na bisalu biagu. Menu Fumu Nsambi nyidivosi.

Osee 11:2

Tumba nyinomunengilanga amakakananga nami; amavagulilanga Baal pagu na amavagulila bakosi bima bimbunga jiboti.

Osee 8:6

Muana ngombi enu ulora uvu yisalu yibaIsrael Musalitsi amagusala, ugaa yisalu yiNsambi. La dibandu muana ngombi ulora uSamarie ubululu.

Joel 2:11

Fumu amagulusu diufi diandi va gusu dibadi diandi; mulaku andi uvu tindi uneni; adidugusu mambu mandi divu na tindi mangolu. Yilumbu yiFumu yivu yineni na yivu yiranga. Anyi orongula uyiwarila?

Bisalu 7:41

Ava Moise amabila o julu mukongu jogu bamavaga kosi na bamalaba ubueji na jionyi.

Migaga Mimatubula 28:20

Fumu odusingisa milogu na maguga na kindu na bisalu biotsu abi dusalanga te na dubungu nesi te na dugotamba nofu mu diambu dimbivulu tsienu atsimadurombisa ubusa Fumu.

Migaga Mimatubula 31:16

Fumu amatsingula Moise rie: Gulu namapapa gufu. Batu bebaba bokebivisa nokota o muyitsa ubansambi bangana babulongu abu bewendi. Bondiyila nsima na bokubula pangini ami aji nyimavangana nogu.

Josue 24:20

Ava duliyila Fumu nsima noyitsa bansambi bangana, jaʼ wandi oduliyila nsima oduvayila dibi, diuleba amaleduvayila maboti; va julu vana odusielasana.

Dulasu 9:20

Botsu basusu abasamaboku na bidungu basamakalula diela. Basamadunda uyitsa bayisi nesi bakosi bamunongu na munongu, diwendi rie: bakosi balora na balora jivema na bangunga na bamiri abasamarungula ulaba vo ugulu vo uwenda.