Dulasu 10:3 - La Sainte Bible en Langue Yipunu

³ Diufi diandi dimaba nderi yimbungu ava egumbili. Yinogamuga, yisambuali yibidumi bimayiwaka.

Dulasu 10:3 Iomraidhean Croise

Nyimbu 29:3

Nsambi aguvu na bundumba eveyi bidumi, diufi diandi digulunu mu mijamba, ne o mubu, diufi diandi digulunu.

Banongu 19:12

Kabu kaga jivu nderi ugumba uyimbungu na maboti mandi mavu nderi disala aditsatsi bivaru.

Esaie 31:4

Fumu amansingula rie: Nana yimbungu na baana bandi begumbili ayi boji, diuleba babungulitsi botsu babindombu bamagukama ubisiamina, bigedumi mufi mogu nesi dutalu duogu, dedi mosi Fumu Mabadi osunduga va julu mukongu usakama uSion nesi va julu bikundubuga uyetoga.

Esaie 42:13

Fumu olabana nana ngogaga owenda o gusu nana mutoyitsi umavita; omatisa diufi na ogamuga olasa mangolu mandi ombu bavinitsi bandi.

Esaie 5:29

Nduku ogu jivu nderi jiyibusi yiyimbungu; nderi baana babimbungu begumbi ava bejangili ayi beleyi, beyibeyi na mutu ageyipatuli.

Jeremie 25:30

Fumu amamuetuma rie: Gukababiyila mambu meni motsu; gukabatsingula rie: Fumu ogumba o julu; diufi diandi diunsiegarana o mbura andi jiNsambi; ogumbila batu bandi ogamuga migamu nderi jogu abavu va yigamunu oba na kueru na bisi butamba botsu.

Ezekiel 10:5

Nduku jimapapi mabibagunu bibiansa jimagulunu te no dulombili dukana. Jimaba nderi diufi diNsambi Aguvu Uneni.

Osee 11:10

Bakoli bodukanga Fumu agugumbanga nderi yimbungu, ogumbilanga baana bandi babaala aboruyila noregama o yiari ayi wisi ewendisini.

Amos 1:2

Amos amavosa rie: Fumu ugumba egumbi nderi yimbungu ubandila o mukongu uSion na diufi diandi diyidumi digulunu ubandila o Jerusalem. Mbura tsibabungulitsi babindombu tsigemuebendisa bisinga nesi o julu mukongu uCarmel bimagumuga.

Amos 3:8

Pa yimbungu egumbi, anyi agelabi goma? Fumu aguvu Nsambi evosi, anyi obusa ubiga?

Dulasu 14:2

Diufi adimagulunu dimaruyila o julu na dimaba nderi nduku jibivelanesi jibidumi. Ne nana dimaba nderi kingu aji basiyitsi babasambi besiyingi.

Dulasu 15:1

Mbana yilimba yisusu yimalabana o julu na nyimakambulu na yionyi: yisambuali yibiansa bimaba na yisambuali yibidungu. Bidungu biebibi bivu biusita, mbana kabu jiNsambi jiusuka.

Dulasu 15:7

Yimosi va gari bibulu bina yimavega yisambuali yibiansa kopa kopa jilora. Kopa tsieni tsimabasa de na kabu jiNsambi aguvu monyu umutubu.

Dulasu 4:5

Tsiemu na mufi na bidumi bimapalila o yitsiga yibufumu. Vamaba yisambuali yibalambi abamalulanga va gusu yitsiga yibufumu; balambi beni la yisambuali yibinyunyi biNsambi.

Dulasu 8:5

Mbana yiansa yimabonga yinyensulu ayimabasa na muji uyinyensulu yipagu na yimayibuaga va tsi. Barnaba mufi na bidumi na tsiemu na butamba bumasisana.