Dibandu 1:2 - La Sainte Bible en Langue Yipunu

² tsi jimaba tindi vumbila; pisama jimagumba mubu agumabanganga yiari na yiari tumba Yinyunyi ayiruyili ombu Nsambi amafundulanga mamba.

Dibandu 1:2 Iomraidhean Croise

Job 26:14

Motsu mana mavu yika mua mangunguri mandi ama tuigulu. Anyi owarila diufi diandi dimangolu adivu nderi yidumi?

Job 26:7

Nsambi enatuli yiari yibanda yijulu ayimaba vumbila, oyileliyi butamba va yiliyili.

Job 38:9

Menu nyimaguduisa mamungi ma malenga, nyimagupieta va gari mamungi matsira.

Nyimbu 104:30

Guivotsi punga agu na bimasundu; biotsu bibutamba bimamuelabana

Nyimbu 104:6

Mubu umakubiga mbengi nderi yijungi, umadiamisa nesi mikongu.

Nyimbu 136:6

Amasunda butamba va julu mamba, durondu duandi duitsingingi te na mutubu!

Nyimbu 148:7

Bisundu bitsi, yitsanu Fumu, na mikuimbi na biotsu abitsani o ndongajimubu.

Nyimbu 33:6

Julu jimasundu na mbembu Fumu; nesi wisi na tsungi na bambuelili bimasundu na diufi diandi.

Banongu 8:24

Nyimaburu nesi miubu mbe misakaba nesi bileka bimamba mbe bisakaba;

Esaie 31:5

Nana batsoli besalisi mapapi ubandimina baana anana Fumu Mabadi obandimina Jerusalem. Osundila uguwaka kalala, nogurinisa dubungu.

Esaie 45:18

Fumu aguvu Musunditsi julu na Nsambi mosi buandi agumasunda butamba amabuwarisa. Asamabusunda yiri buba pavala, tumba amabusunda yiri butsanunungu. Evosi rie: Menu nyivu Fumu; vagaa Nsambi jisusu, via!

Jeremie 4:23

Nyimagengila butamba, bumaba vumbila na pavala; julu jimatsiemusa bijalala.

Nahoum 2:10

Kindanu lora jivema! Kindanu lora! Bilundulu bivu bipuela bipuela, bivu bibasa na bima bidufunu duneni.

2 Corinthiens 4:6

Nsambi amavosa rie: Yijalala yiubanga na pisama jimasumu jiutsiemuga! Jandi amadibula matuji metu yiri turungula ujaba Nsambi na bundumba buandi abumasiemisa yinsi yiChrist vedi vedi.

Migaga Mimatubula 32:11

Avu nderi mbira ajibandimini; jipurumuyi va julu baana bandi jisilisi mapapi mandi na jibabongi; jibalinsi va julu mapapi mandi.