Biblia Todo Logo
Bìoball air-loidhne

- Sanasan -




2 Misamu 7:3 - La Sainte Bible en Langue Yipunu

3 BaIsrael botsu bamalaba disundugulu dimuji na bundumba buFumu o Ndagu; bamasundila ugudama va tsi va dulombili uyenayitsa Fumu mu diambu dimaboti mandi na durondu duandi.

Faic an caibideil Dèan lethbhreac




2 Misamu 7:3
26 Iomraidhean Croise  

Ava batu botsu bamalabila dionyi, bamagudama va tsi na bamagamuga rie: Fumu avu Nsambi! Fumu avu Nsambi!


Yitsanu Fumu, avu muboti, durondu duandi duitsingingi te na mutubu!


Heman na Yedoutoun bamasala nogu va mosi na basusu abamasolu uyitsanga Fumu mu mbari durondu duandi duitsingingi mutubu!


David amaruma batu botsu rie: Gabusilanu Fumu Nsambi enu diboti! Batu botsu bamagabusila Fumu Nsambi bataji bogu diboti. Bamagudama va gusu Fumu na va gusu kaga.


Josaphat amagudama va tsi va gusu Fumu. BaJuda botsu na bisi Jerusalem bamagudama va gusu Fumu umuyitsanga wandi.


Mbana anomoga na batu amasola bawimbitsi abamaduara biduaru biyingitsi na bamawendanga va gusu bagora noyitsa Fumu rie: Yitsanu Fumu mu mbari aji muboti, durondu duandi duitsingingi te na mutubu.


Dibuli diotsu bamagudama na bawimbitsi bamawimbila duimbu na bamasiga mimbanda te na pagu tsiunyensa tsimasiegalana.


Banomana uvagula pagu tsiunyensa kaga na botsu abamaba nandi bamakutama va gusu Fumu.


Mbana kaga Ezekias na basefu bamaruma bisi Levi ukakisa Fumu na nyimbu tsiDavid na tsimubiyitsi Assaf. Kabogu bisi Levi bamawimbila na nsangu mbana bamagudama va tsi umuyitsa.


Abamasiganga mimbanda na abamawimbilanga bamagukama va mosi uyitsanga nododisanga Fumu, bamasiyilanga mimbanda na mambumbu na bisigu bisusu, bamayitsa Fumu na mambu memama rie: Yitsanu Fumu mu mbari aji muboti, durondu duandi duitsingingi te na mutubu! Vana temu eni dimungi dimabasa Ndagu Nsambi.


Bamagobisanga noyitsanga Fumu na duimbu duedudu: Yitsanu Fumu, avu muboti na durondu duandi duitsingingi te na mutubu! Batu botsu bamagamuganga na nsangu ugobisanga Fumu mu mbari urunga berungi bibuga biNdagu Nsambi.


Fumu avu muboti; durondu duandi duitsingingi mutubu, usigama uandi uitsingi ta na kula tsiotsu.


Durondu duFumu duitsingi mutubu ombu basigama bandi, na maboti mandi metsingi nesi te na bategula bandi,


Yitsanu Fumu! Yitsanu Fumu mu mbari avu muboti, durondu duandi duitsingingi mutubu!


Diboti ombu Fumu mu mbari avu muboti Durondu duandi duitsingi mutubu!


Yitsanu Fumu, avu muboti, durondu duandi duitsingingi te na mutubu!


Tʼwendianu, tumuyitsianu nogudama, tukutama va gusu Fumu aguvu Musunditsi etu!


Batu bamabavayila yitu. Bamagudama va tsi uyitsa Fumu mu mbari amalingula baIsrael na amalaba maguga mogu.


Nyunyavisa maboti maFumu nesi duyitsu duFumu mu diambu dimotsu ama Fumu amatuvayila; nyuvosa maboti mandi maneni ama amavayila bisi ndagu Israel, ama amabavayila na yingeba na durondu duandi duneni.


bomuegulu migamu minsangu nobueji na nyimbu tsimulumi na tsimugatsi na mufi majogu abevosi rie: Yitsanu Fumu Mabadi, Fumu avu muboti; Yingeba yiandi yiubanganga mutubu! Mufi majogu abevaguli pagu tsiunyensa na tsikabusulu tsimaboti mogulunu o Ndagu Nsambi. Nyugabusa bakoli na bomuetsananga nana na kala.


Muji umapalila va gusu Fumu na umasielasana pagu jiunyensa na matsi abimaba va yinyensulu yipagu. Batu botsu bamagulaba na bamagamuga na nsangu na bamagudama va tsi.


Moise na Aaron bamakebuaga va gusu dibuli diotsu dibaIsrael abamaba bagukama.


Moise na Aaron bamagudama va tsi na bamavosa rie: Aa, Nsambi! Aa Nsambi jibatu botsu! Mutu mosi buandi amavaga masumu, mu dionyi dunyoyila batu botsu?


Elasi yingeba ombu botsu abemudumi.


Lean sinn:

Sanasan


Sanasan