1 Samuel 4:3 - La Sainte Bible en Langue Yipunu

³ BaIsrael banogabuga o milaku bivunda bamawivula rie: Dibandu yi Fumu atsisingisa namunyi yiri tubetsu na baPhilistin? Tʼwendianu o Silo uyebonga yigara yipangini jiFumu, yiruyi ombu getu utuwaka kalala ombu bavinitsi betu.

1 Samuel 4:3 Iomraidhean Croise

2 Samuel 15:25

Kaga amaruma Sadoc rie: Gabusa yigara yipangini o musiengi. Pa divu diwelinuna ombu Fumu, jandi omuekabusa nomuendasa yigara yipangini na Mbura andi.

1 Misamu 17:1

David amatsana o ndagu andi. Yilumbu yimosi amatsingula Natan mubiyitsi rie: Labati, nyitsani o ndagu ajimarungu na tsimbi tsisedera na yigara yipangini yiNsambi yivu o ndagu tsanda. Yi guitasi?

Nyimbu 74:1

Duimbu duAssaf. Aa Nsambi, dibandu yi gumatuliyila nsima mutubu? Dibandu yi gunyoyila batu bagu mutubu, mugambu agu guibungulingi?

Nyimbu 74:11

Dibandu yi gutsibusila utuwamusa? Kokolu tsiagu, bunga muvinitsi!

Esaie 50:1

Fumu eduwivuli rie: Je dumalaba muganda uguboka diwela agu nyimagusulila nguji enu? Je nyimadusumbisa ombu basombisitsi bami? Dumasumbusu mu diambu dimabi menu. Mu diambu dimasumu menu nguji enu jimagusululu.

Esaie 58:3

Bamakwivula rie: Dibandu yi tuibusili uji pa gugetulabi? Dibandu yi tuikesunsila pa gugekipi? Kabogu nyimawagula rie: Yilumbu ayi duibusili uji duikipi yika mambu menu; duikambisi basalitsi benu botsu na bisalu biranga.

Esaie 59:1

Je dikaka diFumu divu difurama yiri digodugobula? Je avu madiba yiri agedugulu?

Esaie 59:2

Tumba mabi menu medukakisini na Nsambi enu; mu diambu dimasumu menu edusuemi na memugubitsi udugulu.

Jeremie 3:16

Fumu amabuesa rie: Dufunanga na duburasananga. Muna yilumbu yieni batu bagomuevosa diambu diyigara yipangini yiFumu. Yigomuerangumunu, bagomueyitasila na bagomuelaba yiri yimatsiemuga na bagomuevaga yisusu.

Jeremie 7:4

Duyavayila posulu tsindunsulu yitu nesi jogu abevosi rie: Ndagu Nsambi ajiji aji Fumu etsanini, Ndagu Nsambi nyiina, Ndagu Nsambi!

Dutalu 10:33

BaIsrael bamarambuyila o mukongu uFumu na bamayenawendanga te na bilumbu birieru; yigara yipangini yiFumu yimawendanga va gusu ogu uyenabarombilanga mbura jiutsanina.

Dutalu 10:35

Ava yigara yimasoyiminanga, Moise amasambililanga rie: Kokolu Fumu, relama! Pansa bavinitsi bagu! Rinisa jogu abeguvini!

Dutalu 31:6

Moise amabasindiga o utoga va mosi na Pinhas muana dibaala uElazar, muvagulitsi upagu agumayenabeganga bisalulu biyingitsi na agumasiganga mimbanda na nsiyitsi-jiulubusa.

Migaga Mimatubula 29:24

Mbana bowaka rie: Mu mbari batu bebaba bamabunsa pangini aji Fumu jibataji bogu amavangana nogu ava amabapalisila o bulongu buEgypte.

Migaga Mimatubula 31:26

Bonganu dibuku diedidi dimigaga miNsambi nodisunsa va mugula uyigara yipangini yiFumu Nsambi enu, dionyi diuba vana nderi mbeji enu.

2 Timothee 3:5

Bolasa nderi baji abebagunu na Nsambi tumba bobusa mangolu mandi. Kakana na batu beni.

Hebreux 9:4

Muna mumaba yinyensulu yipagu na yigara yipangini ayimaba yika lora na lora. Mu yigara yipangini mumaba yipela yilora ayimabasa na manna na nguangu jiAaron ajimabenda na mamanyi ama Moise amasona migaga.

Josue 4:7

Dukawagula rie: Mamba maJourdain mamakamuga va gusu yigara yipangini yiFumu ava yimasabuyila Jourdain, avana mamba maJourdain mamakamuyila, mamanyi memama mavu yirangumunu yiyimaga ombu baIsrael te na mutubu.

Josue 6:6

Josue muana dibaala uNoun, amanengila bavagulitsi bapagu na amabaruma rie: Nangulanu yigara yipangini; yisambuali yibavagulitsi bapagu babongi yisambuali yimimbanda amivu na mufi maneni amiusigu va gusu yigara yipangini yiFumu.

Josue 7:7

Josue amawivula rie: Aa Fumu Nsambi, dibandu yi gumasabusila batu bebaba Jourdain? Yika uyituwakisa ombu baAmor noyitubokisa? Aa! Mbe tumajaba mbe tumasiala o disimu dina diJourdain!

Josue 7:8

Aa Fumu, baIsrael bamarina bavinitsi bogu, yi nyuvosa?

1 Pierre 3:21

Mamba meni mamaba yibagunu yibatema. Batema ajigobuli tsiri mu mbari jisusi nyuru tumba mu mbari jisusi mirima va gusu Nsambi. Batema eni jiurungula udugobula mu mbari Jesus Christ amarambuga o dufu.

Jude 1:5

Duyalibana yiri Fumu amagobula batu baIsrael na amabapalisa o bulongu buEgypte tumba abamabusa umuvayila yitu bamabu-ngu.

1 Samuel 1:24

Anomubusisa mabenyi, bamamubega nogu va mosi na mulumi ngombi agukavu bilima birieru na saku jimosi jifufu na tsuva mosi jimalamu. Amamubega o Ndagu Fumu o Silo: ava muana mbe akivu ditambara.

1 Samuel 14:18

Mbana Saul amaruma muvagulitsi upagu Ahia rie: Bega yigara yipangini yiNsambi. (Yimaba o milaku mibaIsrael.)

1 Samuel 4:2

BaPhilistin bamakunsama utoyisa baIsrael mbana bamatoga. BaIsrael bamabetsu na baPhilistin abamaboka bebeli na tosini jina tsibagora.