1 Misamu 3:2 - La Sainte Bible en Langue Yipunu

² Absalom muana agumurieru, muana uMaaka agumaba muana mugetu uTalmai kaga jiGuechour; Adonia muana agumuina, muana uHaguie;

1 Misamu 3:2 Iomraidhean Croise

2 Samuel 13:1

Adina dinovioga, adimalabana adidi rie: Absalom muana dibaala uDavid amaba na yibusi ayimaba tindi muboti, diina diandi Tamar: Amnon muana dibaala ususu uDavid amamuronda.

2 Samuel 13:38

Absalom amatsana bilima birieru o Guechour agu amayetsanina anorina.

2 Samuel 14:23

Mbana Joab amarelama; amawenda o Guechour na amagabusa Absalom o Jerusalem.

2 Samuel 14:32

Absalom amawaka Joab rie: Nyimagunengila rie: Ruga gunu, mbana nyugusindiga ombu kaga yiri guyemuwivula rie: Dibandu yi nyimaruyila O Guechour? Uviolila ubueji yiri mbe nyimasiala guna. Nyina nsala ulabana na kaga; pa nyina mbela amboki!

2 Samuel 15:8

Nyimavangana pangini ava nyimatsanina o Guechour o Syrie; nyimavosa rie: Pa Fumu okabusa o Jerusalem, nyusalilanga Fumu.

2 Samuel 18:14

Joab amagamuga rie: Jusuga, ngerondi ugulu kulini tsiagu! Mbana amabonga mabaga marieru; amarasuna Absalom aki monyu o terabeta na amamunonga mabaga va dubansi.

2 Samuel 18:18

Ava Absalom mbe akivu monyu amakerungila yirangumunu o yibususu yikaga; mu mbari amavosanga rie: Ngaa na baana bababaala aborungula uba yirangumunu yiami. Amaluga yirangumunu yieni tindi diina diandi, te na namunyi yinengulungu rie: Yirangumunu yiAbsalom.

2 Samuel 18:33

Mbana kaga David amagaangu na yinoru; amamata o yibuku yindagu yijulu va nsungisini na munu ndagu na amalila. Amagamuga ava amawendila rie: Muana ami Absalom! Muana ami, muana ami Absalom! Mbe nyimafu va yivinga yiagu! Absalom! Muana ami! Muana ami!

2 Samuel 3:3

agumabeji Kilab agu Abigail muisi Karmel agumaleba mugatsi Nabal amamuburila; agumurieru Absalom muana dibaala uMaaka muana mugetu uTalmai kaga jiGuechour;

2 Samuel 3:4

agumuina Adonia muana dibaala uHaguie; agumaranu Chefatia muana dibaala uAbital;

1 Bakaga 1:5

Va temu eni Adonia muana dibaala agu Haguie amaburila David amakematisa na dunangu te na amavosa rie: Menu nyuba kaga! Na amakerombila dikalu na babeyitsi badikalu na magumaranu mababaala abamarelanga va gusu andi.

1 Bakaga 1:6

Mu nsanunu andi jiotsu taji andi asamamusiembanga rie: Dibandu yi guivayili nana? Va julu vana Adonia amaba tindi muboti, amaba yiduki yiAbsalom.

1 Bakaga 2:22

Kaga Salomon amawivula nguji andi rie: Diambu yi? Dibandu yi guivondili Abichag muisi Chounem uba mugatsi uAdonia? Muvondili bufumu, jandi avu yivunda yiami! Abiatar muvagulitsi upagu na Joab muana dibaala uTseruja bagaa nandi wandi?

1 Misamu 2:23

Tumba kaga jiGuechour na jiAram bamamupatula misiengi miYair va mosi na Quenat na misiengi amimarumu na uonyi, diwendi rie: magumasiamunu mamisiengi. Botsu abamatsananga mu misiengi mieni bamaba baana baMakir taji Galaad.

1 Misamu 3:1

Amama la miina mabaana bababaala baDavid abamaburulu o Hebron: Ammon tsomi andi, muana uAhinoam muisi Jizreel; Daniel muana agumubeji, muana uAbigail muisi Karmel;

1 Misamu 3:3

Chefatia muana agumuranu, muana uAbital; Itream agumusiamunu, muana uEgla agumaba muana ukaga wandi.

Josue 13:13

Tumba baIsrael basamabinga baGuechourie na baMaaka la dibandu betsaningi va gari baIsrael te na namunyi.