1 Misamu 22:9 - La Sainte Bible en Langue Yipunu

⁹ Gubura muana dibaala na jandi oba na duvotsu, diwendi rie: nyumuvega duvotsu na bavinitsi bandi bayiari na yiari bagomupupisa; diina diandi diuba Salomon, divindugulu rie: duvotsu; nyuvega duvotsu tindi duvotsu ombu baIsrael yitsingu yiandi yiotsu.

1 Misamu 22:9 Iomraidhean Croise

1 Bakaga 1:13

Wenda ombu kaga David, gukamuwivula rie: Aa kaga, gusamandevila pesi rie: Muana agu Salomon oruma va yivinga yiami notsana va yitsiga yiami yibufumu?

1 Bakaga 2:15

Amamutsingula rie: Guijabi yiri bufumu mbe bumaba buami na baIsrael botsu bamakengila yisuisu upaga kaga. Tumba bufumu bumavinsu, bumavegu ombu muana taji ami mu mbari Fumu amamuvega buonyi.

1 Bakaga 3:7

Fumu Nsambi ami amapinsa va yivinga yitaji ami David; menu nyivu yika mua mufudu agusakajaba usala yisalu yieyiyi.

1 Bakaga 4:20

BaJuda na baIsrael bamafuna tindi ufuna nderi yisieyi yimubu. Bamajanganga na bamanuanganga nolabanga ubueji.

1 Bakaga 4:24

Salomon amarumanga bulongu buotsu abuvu o disimu dina dimujamba Euphrate ubandila o Tifsa te no Gaza; amarumanga bakaga botsu badisimu dimosi dimujamba. Amaba na duvotsu o biari biotsu bimbanda tsi.

1 Bakaga 4:25

BaJuda na baIsrael ubandila o Dan te no Bercheba, bamatsananga na mirima misunda, mutu mutu o ndagu andi na mutu mutu na nungi andi va durumu duotsu duSalomon.

1 Bakaga 5:4

Fumu Nsambi ami amapega yivumu yiari na yiari; bavinitsi basatsi na maguga mamavioga!

1 Bakaga 8:56

Nyigugabusili diboti Fumu ndeʼ agumavega yivumu ombu batu bagu baIsrael nana gumavanginina na musalitsi agu Moise.

1 Misamu 17:11

Ava bilumbu biagu biudugulu na gutsigulu na bataji bagu, nyuvinsa muana agu va yitsiga yiagu na nyuwarisa durumu duandi.

1 Misamu 22:18

Fumu Nsambi enu agaa nenu? Asamaduvumisa o biari biotsu? Fumu amakwakisa bisi bulongu na bagaa o tsi durumu duFumu na batu bandi?

2 Misamu 6:15

Gumakelisa pangini aji gumavangana na musalitsi agu, taji ami David. Nyiina, adi gumavosa gumadidugusu namunyi.

Job 34:29

Pa jandi eveyi mutu yivumu, anyi obangisa kimbu? Pa esueyi yinsi yiandi anyi orungula umulaba? Dilongu? Mutu?

Nyimbu 72:1

Bisonu biSalomon. Aa Nsambi, vega kaga buketi utabula bunsonsi mu diina diagu, gukavega baana bandi bababaala diela didusungugu duagu.

Nyimbu 72:7

Va durumu duandi mutu usungama abi na digumba nesi duvotsu duneni te na tsungi jiutsiemuga.

Esaie 26:12

Fumu, ndeʼ guituveyi duvotsu, ndeʼ guitudugusulu motsu ama tuivayi.

Esaie 45:7

Nyivayi yijalala na nyisundi pisama, nyiveyi digumba nesi maguga. Menu Fumu nyivayi mambu meni motsu.

Esaie 57:19

Fumu amavosa rie: Duvotsu, duvotsu ombu jandi aguvu vala nesi ombu jandi aguvu bebeli, nyubabelusa na nyubarombisa usangila.

Esaie 66:12

Fumu evosi rie: Nyumulasa duvotsu adubagunu na mijamba na bundumba bumalongu bubagunu na yivela. Duba nderi muana aguinuisu mabenyi, dubegu mu mansima na dulelu va matulu.

Aggee 2:9

Bundumba buNdagu ajimubeji buba tindi buneni ne uviolila buNdagu jitega. Va mbura ejiji nyudulasa duvotsu duami. Menu Fumu Mabadi oyidivosi.

Bansonsi 6:24

Gedeon amarungila Fumu yinyensulu yipagu vana na amayiluga Fumu duvotsu; yikivu o Ofra dimbu diyifumba yiAbiezer.