1 Misamu 22:10 - La Sainte Bible en Langue Yipunu

¹⁰ Jandi agutungila Ndagu. Oba muana ami udibaala, nyuba taji andi na nyuwarisanga yitsiga yibufumu buandi o Israel te na mutubu.

1 Misamu 22:10 Iomraidhean Croise

1 Bakaga 2:15

Amamutsingula rie: Guijabi yiri bufumu mbe bumaba buami na baIsrael botsu bamakengila yisuisu upaga kaga. Tumba bufumu bumavinsu, bumavegu ombu muana taji ami mu mbari Fumu amamuvega buonyi.

1 Bakaga 2:24

Fumu ejabi, jandi agumakwarisa na amansanisa va yitsiga yibufumu yitaji ami David, jetu na bategula bami, Adonia afu namunyi.

1 Bakaga 5:5

Guluati nyina ditasa urungila Fumu Nsambi ami Ndagu nana Fumu amatsingulila taji ami David ava amavosila rie: Muana agu, agu nyuvinsa va yivinga yiagu va yitsiga yibufumu buagu la jandi agutungila Ndagu aji boyekitsilanga.

1 Bakaga 8:15

Mbana amavosa rie: Diboti ombu Fumu Nsambi Israel agumavosa jaʼ beni na taji ami David na mangolu mandi edugusu ama amatabula rie:

1 Bakaga 9:5

jaba yiri nyuwarisa yitsiga yibufumu buagu o Israel te na mutubu nana nyimatsingulila taji agu David rie: Gugogambu na yivinga va yitsiga yibufumu buIsrael.

1 Misamu 28:5

Fumu amapega baana bapuela bababaala, va gari ogu amasola muana ami Salomon utsananga va yitsiga yibufumu buFumu o Israel.

2 Misamu 6:15

Gumakelisa pangini aji gumavangana na musalitsi agu, taji ami David. Nyiina, adi gumavosa gumadidugusu namunyi.

Nyimbu 89:26

Nyunyavisa mangolu mandi ubandila o mubu te no mijamba mineni.

Esaie 9:7

Fumu amatinda dilubu ombu bategula baJacob: dimagaaga bufumu buIsrael.

Hebreux 1:5

Ombu yiansa nyi Nsambi amavosa rie: Ndeju guji Muana ami namunyi nyimagubura. Vo rie: Nyuba Taji andi na jandi oba Muana ami.