1 Misamu 19:7 - La Sainte Bible en Langue Yipunu

⁷ Bamadila magumarieru na tosini beji tsimakalu madivita na kaga jiMaaka na bagora bandi. Botsu bamavaga milaku o yiari yiMedeba na baAmmon bamapalila misiengi miogu ufubana nogu uyetoga.

1 Misamu 19:7 Iomraidhean Croise

2 Samuel 10:6

BaAmmon bamajaba yiri bamakevaga nsoruru ombu David; bamafuta magumabeji matosim tsibagora baSyrie: baBet-Rehob na baSoba na tosini tsibagora bakaga jiMaaka na yigumi na tosini beji tsibagora baTob ubatoyila.

1 Misamu 18:4

David amamupatula tosini jimakalu na yisambuali yitosini tsibabeyitsi babakabala na magumabeji matosini tsibagora; amatabula miansi mimakulu mabakabala abamadutanga makalu, amakelisa kama mosi buandi.

1 Misamu 19:8

David anodigulu amatinda Joab na dibadi diotsu uyetoga nogu.

2 Misamu 14:9

BaAsa bamayemubengusana na bamaba bakunsama utoga o yibususu yiSefata bebeli na Marecha.

Ukumuga 14:9

Bisi Egypte bamabaduka; bakabala botsu na makalu maPharaon na babeyitsi bamakalu meni na dibadi diandi, bamabarasuna va milaku miogu va mugula mubu o yiari yiPi-Hahirot, va nsungisini na Baal-Sefon.

Esaie 15:2

Bisi Dibon uwenda bewendi o mbura tsiduyitsu uyelila; bisi Moab ulila belili o Nebo nesi o Medeba. Botsu bamafuga maviolu nesi biedu bimatabulu.

Dutalu 21:30

Tumabatindila mbansa tsietu: ubandila o Hechebon te no Dibon biotsu bimabunga; Tumabunga biotsu te no Nofa na muji umanyensa te no Medeba.

Josue 13:16

Bulongu abu bamadila bumabandila o Aroer va mugula umujamba uAmon na musiengi aguvu o yiari yiyibususu na kumu jiotsu ajivu bebeli na Medeba

Josue 13:9

ubandila o Aroer mu migula mimujamba uAmon na ubandila o musiengi aguvu o yibususu na kumu jiotsu jiMedeba te no Dibon;

Bansonsi 4:3

BaIsrael bamatatila Fumu mu mbari Yabin amaba na yifu yikama tsimakalu mamadilu na amatoyisanga tindi utoyisa baIsrael magumabeji mabilima.

1 Samuel 13:5

BaPhilistin bamagukama utumuna baIsrael. Bamaba na magumarieru matosini tsimakalu na tosini yisiamunu tsibabeyitsi babakabala na bagora abamaba bapuela nderi yisieyi yimubu. Bamayevaga milaku o Mikmas, o yiari ayi wisi epalili yiBet-Aven.