1 Misamu 18:2 - La Sainte Bible en Langue Yipunu

² Amabelisa bisi Moab; kabogu bisi Moab bamaba o tsi durumu duDavid na bamamufutila lepu.

1 Misamu 18:2 Iomraidhean Croise

2 Samuel 8:2

Amabelisa bisi Moab; amabasiliga mulonga mu tsi mbana amabagaba makabu marieru, amabokisa makabu mabeji na dikabu dimosi dimadila monyu. Kabogu bisi Moab bamaba o tsi durumu duDavid na bamamufutila lepu.

1 Bakaga 10:2

Amatola o Jerusalem na yinombu yineni yibasalitsi na basamo abamabeganga bima bimbunga jiboti na lora tsipuela tsipuela na mamamanyi madufunu duneni. Amawenda ombu Salomon na amamuwivula bivu abimaba nandi.

1 Bakaga 10:25

Yilima na yilima batu bamamubeyilanga milendu amimaba bima bilora jivema nesi bilora na biduaru na bitogulu na bima bimbunga jiboti na bakabala na babuni.

1 Misamu 18:1

Adina dinovioga David amabelisa baPhilistin na amabalasa yisonyi na amabapatula Gat na misiengi amimabambana.

1 Misamu 18:3

David amabelisa Hadadezer agumaba kaga jiSoba o yiari yiHamat ava amayewarisila durumu duandi te no mujamba Euphrate.

Nyimbu 60:8

Nsambi amavosa o Mbura andi jiNsambi rie: Nyulunga, nyugaba musiengi uSichem

Esaie 11:14

Bofubana uyetoga va mosi na baPhilistin o yiari ayi wisi epalili na va mosi bokinda bisi yiari ayi wisi ewendisini; bogaanga bisi Edom na bisi Moab; baAmmon boba o tsi durumu duogu.

Esaie 16:1

Tindanu muana yindombu ayiurambuyila o Sela okumu ombu yivunda yibulongu o yitsani o mukongu uSion!

Dutalu 24:17

Nyimulabingi tumba tsiri diweru diedidi, nyimulabilili. Mbuelili jipalili ombu Jacob, Nguangu jiIsrael jimaviunsu. Jiubunga Moab tindi ubunga, jiubunga baana baSeth botsu.

1 Samuel 10:27

Vamabanga batu babi abamavosanga rie: Ayina yi? Jandi guna otuwaka kalala? Bamamulensanga na basamamuvega ne yima yimosi. Tumba Saul asamabakipa.