1 Misamu 10:12 - La Sainte Bible en Langue Yipunu

¹² babaala botsu bamangolu bamaretsama; bamabonga bamfumbi baSaul na baana bandi bababaala na bamababega o Yabech. Bamatsiga bivisi biogu va tsi muiri o Yabech; bamabusa uji mu yisambuali yibilumbu.

1 Misamu 10:12 Iomraidhean Croise

Dibandu 12:6

Abram amayenalinganga te na amatola o mbura ajinengulungu Sichem, o yiari yimuiri uyingitsi uMore. Va temu eni bisi Canaan bamatsananga o bulongu bueni.

Dibandu 35:8

Debora agumaba ndetsi Rebecca amafu, amatsigu va banda Bethel va tsi muiri uneni agu bamaluga Muiri Umatsanga.

Dibandu 50:10

Ava bamatolila o yisagulu yiAtad ayivu o disimu dina diJourdain bamalila tindi ulila. Avana Joseph amalilila bukuili butaji andi yisambuali yibilumbu.

2 Samuel 3:35

Batu botsu bamatsotsa David uji mua biguji ava wisi mbe usakatsimina; tumba David amaleva rie: Nsambi andasi maguga pa nyusundila uji yima yiotsu ne wisi akatsima!

1 Misamu 10:11

Ava bisi Yabech o Galaad bamagululu nana baPhilistin bamavayila Saul,

Jean 11:19

baJuif bapuela bamawenda ombu Marthe na Marie uyelila muana nguji ogu.

1 Samuel 11:1

Nahach kaga jiAmmon amayekanda Yabech o Galaad. Bisi Yabech botsu bamalenda kaga rie: Vangana pangini netu na jetu tugusalilanga.

1 Samuel 11:9

Mbana amatsingula bilumbi abimaruga rie: Dukatsingula bisi Yabech o Galaad rie: Mugesa ava muangulu duwaku kalala. Bilumbi bamayetsingula mambu meni ombu bisi Yabech. Bamabasu na nsangu

1 Samuel 31:12

bango mangolu bamasogama, bamawenda mukolu uotsu, bamayegusula bamfumbi baSaul na baana bandi mu bibaga biBet-Chean mbana bamagabusila o Yabech agu bamayebanyensila;