Luke 5:5 - Punu NT

⁵ Simu akemuwake rye: «Fumu, tutsiwélighe wuwabe mukolu wotsu, tughadile nesi yughoke. Tumbe ave wumanzingule nane, yike masinge ngabwaghe mu mambe.»

La Sainte Bible en Langue Yipunu

⁵ Simon amamugabusila rie: Mulonsi, tutsivuba mukolu uotsu na tugaadila banyama tumba mu diambu diagu nyuleweliga.

Luke 5:5 Iomraidhean Croise

Luke 17:13

Na bibedu byeni bikeghamughe rye: «Djesu, Fumu, tulabi wandi yingebe!»

Luke 8:24

Dinobe nane, badukitsi bakebambene va mughule Djesu, bakemusimbule noghamughe rye: «Fumu, Fumu, yike ufu, tukefu!» Djesu anosimbughe, akenyangile mupunge na mibidji, bikesigheme. Na musighe wuneni wukabe «swii».

Luke 8:45

Djesu akewivule rye: «Anyi atsimbembe?» Botsu bakeghale. Pyere akemuwake rye: «Fumu, yinombu yiwutsyenge, na yiwubandesene yari na yari.»

Luke 9:33

Yike babaale beni banobe beli nowende, Pyere amavose na Djesu rye: «Fumu, dibwedji yiri tubyanu vave. Turungyanu mirumbe miryeru: wumosi awaghu, wususu wu Moyise, awune wu Eli. Payi Pyere avose nane, mumbari asamadjabaange adi amavosaange.»

Luke 9:49

San akevose rye: «Fumu, tutsilabe mutu atsisanzaange binyuni bibi na mangolu ma dine dyaghu. Tutsimughandise mumbari agha netu mukonge.»