Luke 22:4 - Punu NT

⁴ Sudase amawende mu uyéwulusunu na bivunde bi bavaghulitsi ba paghu na bivunde bi baghore abamakelisaange ndaghu Nzambi mu udjabe nane ovayile mu usumbise Djesu.

La Sainte Bible en Langue Yipunu

⁴ Judas amawenda uyekunsa kwakusulu Jesus na bivunda bibavagulitsi bapagu na bibagora.

Luke 22:4 Iomraidhean Croise

Luke 22:5

Bivunde bakebase na nzangu, bakewulusunu mu umuveghe mbongu.

Luke 22:52

Mbana Djesu aketsingule bivunde bi bavaghulitsi ba paghu na bivunde bi baghore na bivunde bi baSwife abamarughe owuyimughaange rye: «Dumarughe na madjenge na mangwangu nane bwena yikongu dwiyighaange.

Bisalu 4:1

Bavaghulitsi ba paghu na yivunde yi baghore abamakelisaange ndaghu Nzambi, na bise dibuli di baSadisi bamaruyile ave Pyere djone San bamavosilaange mughungi.

Bisalu 5:24

Banodighulu, yivunde yi baghore ba ndaghu Nzambi na yivunde yi bavaghulitsi ba paghu bakekambulu nokewivule adimavyoghe.

Bisalu 5:26

Vane-vane yivunde yi baghore ba ndaghu Nzambi akewende na batu bandi muyéghange bilumbi. Tumbe basamavaghe buvape, mumba bamadumange yi mughungi wukébatinde mamani.