Ado yo̧a̧dejȩ: —Danȩ, o judiro̧ airi̧ cjia airi̧ cjia a̧doparä, jabechji̧ bino goae tjamo̧ oa yabochja ëba jaradiro̧jȩrȩ pumȩ ji̧ri̧. Ado ja̧dëa ji̧ japamitë chjätä ëte pumȩ judiro̧ ji̧ra̧ri̧ jara̧rä, jabechji̧ bino goae tjamo̧dë oa ano̧ mire ëba jaradiro̧jȩrȩ. Jabo ja̧di dari̧ japadëa̧renȩ. Jabechji̧ pearä yürüa̧ bino pio judi goarijäa̧rä, pio yoa ano̧ mire yürüa̧renȩibe ji̧dë u̧i̧ goae oa —yo̧a̧dejȩ.
Techaronichȩche Ma̧ȩ 5:7 - Biblia Pume7 Jabechji̧ gȩnȩrä mo̧a̧dirȩ pumȩ judiro̧. Ado mo̧a̧ji̧ri̧ pio judiro̧, jabechji̧ na̧e chiadë madirȩ. Ado ërü oaiä yu̧i̧pe jäji̧ri̧ pio judiro̧ peaja̧di gȩnȩrä japadirȩ, na̧e chiadëji̧ri̧rȩ. Faic an caibideil |
Techaronichȩche Ma̧ȩ 5:7
14 Iomraidhean Croise
Tjamo̧ davä, coëma cjiari̧ cjo̧ro̧ matäreji̧ri̧rea̧rȩ tatarä cjo̧ro̧mi̧ dari̧. Doro tai̧ji̧ri̧mi̧ da maearë cjo̧ro̧täreji̧ri̧rea̧rȩ chjadëri̧ japaji̧ri̧rȩ. Jabechji̧ yu̧i̧pe bagapea̧ oa, chjai̧dëri̧ japapea̧ oa airi̧ cjia airi̧ cjia a̧dopadë matäreji̧ri̧rea̧rȩ. Aja̧, chji̧ cotomi̧ dape bagami̧ dari̧ jaradëtäreji̧ri̧rea̧rȩ ërü oa. Ado ibëa̧dë pio ji̧, china̧chja pio ji̧ baë ëba mo̧a̧dë matäreji̧ri̧rea̧rȩ. Ado idi̧ da oa peaja̧di japadëtäreji̧ri̧rea̧rȩ. Ado ibëa̧dë oa, ado cja̧rȩmo̧ ja̧ oa, jabechji̧ dae ja̧bo dae ja̧bo dadë matäreji̧ri̧rea̧rȩ. Ado peaja̧di goëdëri̧ cjiari̧ dëbëpe chjaodëtäreji̧ri̧rea̧rȩ. Jabechji̧ goadi ërecjiape bagari̧ quëbaji̧ri̧rȩ jo̧rȩtadëtäreji̧ri̧rea̧rȩ.
Ado pio ju̧i̧iä yo̧requededibe ca̧ oti̧. Poë cürë jo̧rȩtachji̧vä bëdü järi̧ jo̧rȩtarea̧mi̧ dari̧. Jabechji̧ chjai̧dë pio ju̧i̧ japë ano̧chji̧vä. Chia chia, pio mȩnȩro̧ orë Ütë tjamo̧ pio ju̧i̧ ji̧dë u̧i̧ dabatärea̧ ji̧, cjäri̧ marenȩro̧jo̧ȩ, jabë tjamo̧ri̧ dabadërenȩro̧jo̧ȩ. Ado pio ju̧i̧iä idëri̧ cjia tjamo̧täreji̧ri̧nȩrȩ.
Irä chi̧dëea̧ oaiä, da mirerea̧mi̧ darä cjiade. Ado pio ju̧i̧iä quëna̧dëji̧ri̧ pio ji̧ri̧ ja̧ oa go̧ȩpea̧ oa cjiade pio yoa ma̧ȩ üdë. Ta̧rëchji̧vä: "Mo̧a̧ oa cjiami̧ dari̧ cjiaji̧ri̧ judiro̧ cjitëchji̧vä. Ja̧boa̧ oa cjiami̧ dari̧ cjiaji̧ri̧ judiro̧ bëdüchji̧vä. Ado Quiricho pio judi bëdü tänȩa̧ oaiä, tatarämi̧ dari̧ cjiapade dibëa̧ tjo üdë." Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë.
Pio jiro oëra̧ a̧ra̧ano̧ji̧ri̧ judiro̧ chjai̧dëri̧ japea̧ ba oa bape chjaoa̧ oa cjiapadirȩ. Jabechji̧ jibëa̧ icjararä chjai̧dë üdë yo̧a̧ chja̧oerä ji̧dë ma cjo̧ro̧a̧ oaiä, jabechji̧ dorobo idi̧ dari̧ jape chjaodirȩ chjadë maearä, goadidëji̧ri̧rȩ. Ado pumȩ judiro̧ daea̧ oaiä idëri̧ cjiape bagatärea̧ ji̧, judiro̧ chjadë maearä idi̧ dari̧ japea̧ oaiä idëri̧ cjiatärea̧ ji̧, cjäri̧ madirȩ, idëri̧ cjiarea̧ taradë madirȩ jabo a̧dë chjäte oëadëri̧ cjia tjamo̧dirȩ. Jabechji̧ idi̧ da tjamo̧dirȩ. Ado danȩrȩ ca̧ oti̧, judiro̧ dibëa̧ chjarerä ji̧dë ma chjai̧dëri̧ jape cjia̧ oaiä, jabechji̧ yu̧i̧a̧ oa cjiami̧ dari̧ cjianȩrȩ pio ji̧ri̧ ja̧ chjai̧dëra̧ pio ju̧ri̧ra̧. Tjamo̧ davä. Pio ji̧ri̧ nö̧ta ëba a̧dope chjaoa oaiä, dibëa̧ chjibo chjacjiamȩ tjamo̧mi̧ da üdë yu̧i̧a̧ oa cjiami̧ dari̧ cjiade bureburea mape bagami̧ dari̧. Jabechji̧ mȩnȩro̧ jurapea̧ oa ori̧ bagari̧ ëba cjiapea̧ oa a̧doparä, cjäri̧ madiro̧dibe, pio jiro pumȩ pio judiro̧borë a̧dope cjiadirȩ pio dibë nö̧ta ëba jura chapea̧ oa. Jabo pio dibë ba chia datärea̧ ji̧, jabechji̧ pio dibë u̧i̧parea̧ pio ju̧i̧mo̧i̧ jo̧rȩtaji̧ri̧rȩ jura chadirȩ, a̧dë chjäte mairi̧ juraji̧ri̧rȩ, idi̧ dari̧ japaji̧ri̧rȩ. ‘Aja̧, chjaodëri̧ u̧i̧parea̧mi̧ dadiro̧da’ quëna̧ jo̧rȩtaji̧ri̧rȩ jura chadirȩ, pio dibë eacji̧ quëna̧ japaji̧ri̧rȩ. Jabechji̧ pio dibëiäpȩmo̧ goae tarari̧ u̧i̧papea̧ üdë goae tjamo̧de pio ji̧ri̧iä.
Sanasan