Techaronichȩche Ma̧ȩ 5:16 - Biblia Pume

¹⁶ Ado danȩrȩ, ji̧dë ma ma̧ chiadëri̧ cjiachji̧vä.

Techaronichȩche Ma̧ȩ 5:16 Iomraidhean Croise

Mateo 5:12

Ado danȩrȩ, judiro̧ pio dibëiäpȩmo̧ ja̧di dari̧ japea̧ oaiä, jabechji̧ ma̧ chiadëri̧ cjiatäreji̧ri̧nȩrȩ. Jabechji̧ pio dibë ja̧di dari̧ conȩda̧ oaiä, ba chia tjamo̧ra̧ pio ju̧ri̧ra̧ ba ano̧a̧ oa cjiapanȩrȩ a̧dëräpȩ ju̧ri̧. Pio ju̧i̧iä dëdë, ma̧ chiadëri̧ cjia tjamo̧täreji̧ri̧nȩrȩ. Ado danȩrȩ, peaja̧di dari̧ conȩda̧ oa cjiarëreji̧ri̧dirȩ Ütërë ea jana̧ chjadüa̧ oa ni̧bäji̧ri̧ judiro̧ dibëa̧ yabo. Pio ju̧i̧ a̧dë jo̧rȩtadëtäreji̧ri̧nȩrȩ ⁠—⁠yo̧mȩrȩ yo̧rëremȩdejȩrȩ Jechu judi pumȩ pio ji̧ri̧iäpȩmo̧ ya̧mi̧ uëräpȩ ju̧ri̧.

Lucas 10:20

Jabo danȩrȩ ca̧ pumȩ, yaröca judiro̧ pio dibë ta̧rëdiäa̧ pio ju̧i̧iä ma̧ chiadëri̧ cjiari̧ jo̧rȩtarea̧ daräbo, jabechji̧ ji̧dë u̧i̧ ma̧ chiadëri̧ cjiari̧ jo̧rȩtatäreji̧ri̧nȩrȩ dibëa̧ quȩ üdë a̧dëräpȩ ju̧ri̧ go̧ȩpea̧ oa cjia tara —yo̧mȩrȩ ni̧bä chjaorëremȩdejȩrȩ.

Juan 6:34

Ado ju̧i̧ ta̧rëa̧ oaiä, yo̧a̧diro̧jo̧ȩ: —Danȩ, pio jiro chja̧pe oa ji̧dë ma yürüibe.

Domano Ma̧ȩ 12:12

Ado danȩrȩ, a̧ro̧rȩ jidatarea̧ chia tara, jabechji̧ ma̧ chiadëri cjiaji̧ri̧rȩ cjo̧ro̧chji̧vä. Ado a̧ro̧rȩ chjai̧dëri̧ chjätäräbo, jabechji̧ ma̧ chjua cjo̧ro̧chji̧vä. Ado ji̧dë ma ni̧bächji̧jo̧ȩ ibëa̧ Amai̧ ju̧i̧.

Cori̧tio Ma̧ȩ 2 6:10

Jabo danȩrȩ ca̧ oti̧, a̧ro̧rȩ Ütë tjamo̧ ja̧ oa ja̧bepea̧ oaiä, dëdë, gito ana̧ri̧ jo̧rȩtapai̧ darea̧rȩ. Jabo gitori̧ jo̧rȩtaräbo, ma̧ chiadëri̧ cjiari̧ jo̧rȩtaji̧ri̧rȩ cjo̧ro̧rea̧rȩ pumȩ no̧i̧dërë quëna̧ji̧ri̧pea̧ tara, a̧ro̧rȩ a̧ra̧ano̧a̧ pio ju̧i̧ ta̧rëa̧ oaiä quëna̧ji̧ri̧pea̧ tara. Jabechji̧ a̧ro̧rȩ mö̧na̧ maearë cjo̧ro̧ji̧ri̧borë a̧dë chjäte ba chiati̧ oa goaji̧ri̧mi̧ dari̧ cjo̧ro̧rea̧rȩ, pumȩ ja̧ tjo pio ju̧i̧ a̧dorea̧ ba chia oa goaji̧ri̧rȩ. Tjamo̧ davä. Jabechji̧ dami̧ti̧ ba chia oa goaji̧ri̧mi̧ dari̧ cjo̧ro̧rea̧rȩ. Ado pio ju̧i̧iä na̧e chia tjamo̧täreji̧ri̧nȩrȩ ca̧ oti̧ pio coa chjiari. ‘Aja̧, Jechurë chjadüa̧ oa cjia tjamo̧dida’ quëna̧ jo̧rȩtatäreji̧ri̧nȩrȩ. Jabechji̧ Jechu pio judi coa tjamo̧ri̧ chjadüa̧ tara, ‘jabechji̧ Pablo judi ibë a̧ra̧ano̧a̧ üdë coëma cjia maeadida, oëra̧ baädë madida’ quëna̧ jo̧rȩta matäreji̧ri̧nȩrȩ pio coa chjiari.

Pjiripo Ma̧ȩ 4:4

Ado danȩrȩ, mȩnȩro̧ Ano̧mȩ pio judiri ja̧ji̧ri̧pea̧ tara, jabechji̧ ji̧dë ma ma̧ chiadëri̧ cjiaji̧ri̧rȩ cjo̧ro̧chji̧vä. Ado yo̧requededibe ca̧ oti̧, ma̧ chiadëri̧ cjiaji̧ri̧rȩ cjo̧ro̧chji̧vä.