Techaronichȩche Ma̧ȩ 5:11 - Biblia Pume

¹¹ Ja̧di tara ji̧dë ma a̧do chjaochji̧vä dibëa̧ dëbëti̧ra̧ chia mȩnȩro̧ a̧doa̧mi̧. Aja̧, odai̧ tarari̧ jo̧rȩtarea̧ decjiari̧ a̧do chjaochji̧vä mȩnȩro̧ ju chiape järea̧mi̧ dari̧.

Techaronichȩche Ma̧ȩ 5:11 Iomraidhean Croise

Domano Ma̧ȩ 14:19

Ado pio ju̧i̧iä ji̧dë ma järitäreji̧ri̧rea̧rȩ goaeri̧ jadü cjiarea̧ pio ju̧i̧. Ado peaja̧di ji̧dë ma järitäreji̧ri̧rea̧rȩ o ji̧ri̧iäpȩmo̧ ju chiaparȩmi̧ dari̧ japapea̧ oa. Tjamo̧ davä. Järitäreji̧ri̧rea̧rȩ ja̧di dari̧ cjo̧ro̧pea̧ ji̧, nȩmo̧diärea̧ decjiari̧.

Domano Ma̧ȩ 15:14

Ca̧ oti̧, tjamo̧ri̧ dabarequede pio dibë chjiari. 'Aja̧, chjadëri̧ jape chjaodiro̧da, Ütë tjamo̧ ja̧ ma̧ȩ oa chjadë tjamo̧ri̧ dabapea̧diro̧da, ado jibëa̧ dëbëti̧ra̧ chia chjadëri̧ a̧ra̧ano̧rea̧ chiadiro̧da' quëna̧ dabarequede pio dibë chjiari.

Domano Ma̧ȩ 15:2

Tjamo̧ davä, a̧ro̧rȩ japatämi̧ cjia̧ pio ju̧i̧mo̧i̧ jo̧rȩtadëtäreji̧ri̧rea̧rȩ, jabo ibëa̧ omȩ pio ju̧i̧ chjadëri̧ a̧dopea̧ oa järitäreji̧ri̧rea̧rȩ judiro̧ ju chiami̧ dari̧ quëna̧pe jäpea̧ oa.

Cori̧tio Ma̧ȩ 1 10:23

Danȩrȩ ca̧ oti̧, pio yabo go̧ȩparemȩrequededibe na̧ pumȩ judiro̧ orë yo̧a̧ pio ju̧i̧ chjiari, “Aja̧, eami̧ oa japapai̧ darequede” yo̧ji̧ri̧ pio ji̧ri̧ chjiari. Aja̧, “Ütë tjamo̧ judi china̧chjaparȩdëa̧ pio ju̧i̧ japapai̧ darea̧rȩ” yo̧dirȩ. Aja̧ ca̧ oti̧, tjamo̧ri̧ yo̧dirȩ. Ütë tjamo̧ pio ju̧i̧iä china̧chjadë pio ju̧i̧, dëdë, japapai̧ dadiro̧jo̧ȩ. Jabo mȩnȩro̧ dabadëchea oa chjadëri̧ yo̧tämi̧ cjiarequededibe jabo. Danȩrȩ, a̧ro̧rȩ japapai̧ daräbo, a̧ro̧rȩ Ütë tjamo̧ pio ju̧i̧iä china̧chjadë pio ju̧i̧ japapai̧ daräbo, jabechji̧ orë tjamo̧ri̧ a̧dodëdiibe. O oa japarea̧ üdë a̧dodëdiibe ji̧dë u̧i̧ chjuari̧ quëna̧pea̧ ji̧. Ado o ji̧ri̧ peaja̧di a̧dodë madejȩrȩ.

Cori̧tio Ma̧ȩ 1 14:12

Ado peaja̧dimi̧ dari̧ jo̧rȩtaji̧ri̧rȩ ta̧rëpai̧ dadiro̧dibe dibëa̧ pumȩ pio judiro̧. Jabechji̧ mȩnȩro̧ dabapadëa̧ ma̧ȩra̧ ni̧bärä judi, peaja̧di bapë ta̧rëdëpadiro̧dibe. Ado pio ju̧i̧iä yo̧requededibe ca̧ oti̧. Danȩrȩ, mȩnȩro̧ järi tjamo̧ tara, jabechji̧ järi tjamo̧täreji̧ri̧nȩrȩ ja̧beparea̧ ba chiamȩ pio ju̧i̧ goapea̧ ji̧. Tjamo̧ davä. Tjo tjamo̧ judi pio dibëiä jibëa̧ ja̧beparea̧ra̧ pio ju̧ri̧ra̧ ana̧ri̧ ja̧bepatä ea tara, Tjo tjamo̧ judi pio dibëiä ana̧ri̧ na̧rȩa̧ oa cjiatä ea tara, jabechji̧ järi tjamo̧täreji̧ri̧nȩrȩ tjamo̧ri̧ a̧domȩ ja̧beparea̧ pio ju̧i̧ goapea̧ oa, quëna̧ji̧ri̧ judiro̧ bapë tärërea̧mi̧ dari̧ ta̧rëpea̧ oa, a̧doparea̧ codërë ju chiape jäpea̧ oa.

Cori̧tio Ma̧ȩ 1 14:29

Ado mȩnȩro̧ ütëborë a̧doparä, jabechji̧ pio ji̧ri̧bo chjadëri̧ ni̧bä chjaorea̧ yürütäreji̧ri̧renȩro̧jȩrȩ, Ütërë ea jana̧ chjadüa̧ oa ni̧bäji̧ri̧ pio ji̧ri̧bo. Jabechji̧ yo̧a̧ri̧ oa ni̧bä tänȩrä judi, jabo tjarari̧ oa ni̧bä tänȩrä judi, jabechji̧ chjadëde. Nö̧tade. Ado judiro̧ ano̧ mire ni̧bärä, jabechji̧ ta̧rë chaji̧ri̧ pio judiro̧ chjadëri̧ ütarë ta̧rëtäreji̧ri̧diro̧jȩrȩ, ‘Tjo tjamo̧ pio judiri ma̧na̧mȩ ma̧ȩ maea oa ni̧bädiro̧ibëda’ quëna̧rea̧mi̧ dari̧.

Cori̧tio Ma̧ȩ 1 14:5

Danȩrȩ ca̧ oti̧, mȩnȩro̧ ütëborë ni̧bärea̧ chia̧rä judi, mȩnȩro̧ ütëborë Tjo tjamo̧ pio ju̧i̧iä dabapadëa̧ ma̧ȩ oa ni̧bärea̧ chia̧rä judi chjadëtäremȩde. Jabo danȩrȩ, ji̧dë u̧i̧ chjadëtäremȩde mȩnȩro̧ ütëborë ni̧bä chjaorea̧ chia̧rä judi, Ütërë ea jana̧ chjadüa̧ ma̧ȩ pio ju̧i̧ ni̧bä chjaorea̧ chiarä judi. Danȩrȩ ca̧ oti̧, Ütë tjamo̧ ja̧ ma̧ȩ oa ni̧bä chjaoa̧ üdë ji̧dë u̧i̧ ba chiade. Tjamo̧ davä. Ütërë ea jana̧ chjadüa̧ oa ni̧bärea̧ üdë ji̧dë u̧i̧ ba chiade mȩnȩro̧ dabapadëa̧ ma̧ȩ oa ni̧bäpea̧ pio ju̧i̧iä. Jabechji̧ o judiro̧ bapë ta̧rërea̧mi̧ dari̧ ni̧bä chjaomȩ judi chjadëri̧ a̧dodejȩrȩ ta̧rë chaji̧ri̧ pio ji̧ri̧. Jabo cjäri̧ madejȩrȩ, jënȩ dabapadëa̧ ma̧ȩ oa ni̧bämȩ judi chjadëri̧ a̧dodëdejȩrȩ. Jabo dëdë, ado cja̧rȩmo̧rȩ goë ni̧bäa̧rämo̧ ta̧rërea̧ dapadirȩ a̧dopaji̧ri̧ judiro̧. Ado cja̧rȩmo̧rȩ goë ni̧bäa̧rämo̧ ju chiaparȩa̧ oa cjiapadirȩ. Ado pio ju̧i̧iä jabechji̧, o ji̧ri̧ tjamo̧ri̧ ju chiaparȩmȩ ja̧beparea̧ pio ju̧i̧ goapea̧ ji̧ dae ja̧bo dami̧ dari̧ jo̧rȩtachji̧vä.

Cori̧tio Ma̧ȩ 2 12:19

Jabo danȩrȩ ca̧ oti̧, mȩnȩro̧ pio yoa ma̧ȩ oa go̧ȩ ni̧bärä, jabechji̧ oëra̧ jo̧rȩtadëtäreji̧ri̧nȩrȩ pio ibë chjiari. ‘Jabo cjäri̧ madiro̧ibëda, jabomo̧ pio jibë chjiari ni̧bäpea̧ oa go̧ȩpe chjadüa̧diro̧ibëda, ibëa̧ chjarerä cjo̧ro̧rëreji̧ri̧ pio judiro̧ pio ibëiäpȩmo̧ chjai̧dëri̧ japea̧ pio ju̧i̧ chjiari ni̧bäpea̧ oa go̧ȩpe chjadüa̧ jirodiro̧ibëda, jabechji̧ tjamo̧ri̧ chjai̧dëri̧ japadëa̧diro̧da quëna̧tä ea jirodiro̧ibëda’ quëna̧ jo̧rȩtadëtäreji̧ri̧nȩro̧ibe ca̧ oti̧. Pio ibë chjiari goë tuti ni̧bäpea̧ oa go̧ȩpa ma ja̧didë jabo jabechji̧, a̧ro̧rȩ Quiricho pio judiri ja̧ji̧ri̧rȩ go̧ȩpe chjadürea̧ro̧dibe pio dibë chjadëri̧ a̧dopea̧ oa. Jabechji̧ cjacjarë daba damȩ Ütë pio judi tjamo̧ri̧ dabadiibe. Jabechji̧ ibëa̧ jadünȩrȩ ca̧ oti̧. ‘Ado ba chia tjamo̧diro̧ca̧da’ quëna̧ jo̧rȩtaji̧ri̧rȩ ea tjamo̧rea̧ro̧dibe. Ado pio ju̧i̧iä a̧ro̧rȩ eami̧ oa japarä, jabechji̧ pio dibë ju chiaparȩpea̧ maea oa japarea̧ro̧dibe.

Epjecho Ma̧ȩ 4:12

Jabo ¿tjana̧pea̧ oa ja̧di dari̧ yürürëremȩdiibe? Tjana̧pea̧ oadë, jabechji̧ tutia̧ oa cjiaji̧ri̧ pumȩ pio judiro̧ ütëborë chjadëri̧ ja̧beparea̧ chiapea̧ oa, jibëa̧ Ano̧mȩ pio ju̧i̧ ja̧ oa chjadëri̧ ja̧bepë yürüpea̧ oa yürüchärëremȩdiibe, Quiricho ja̧ icjarami̧ da üdë ju to̧bape jämi̧ dari̧ cjiapea̧ oa.

Epjecho Ma̧ȩ 4:16

Jabechji̧ quëna̧ji̧ri̧ pio judiro̧ Quiricho pio ju̧i̧ ja̧ icjarami̧ darea̧rȩ. Ado danȩrȩ, pumȩ icjara üdë ji̧ra̧ri̧ chiade. Ado nö̧tai̧därärë chjadëri̧ ja̧bepea̧ oaiä, jabechji̧ ju to̧bape jäde icjara üdë. Ado peaja̧di dari̧ cjiarea̧rȩ quëna̧ji̧ri̧ pio judiro̧. Cja̧rȩmȩ codë oa, ji̧mo̧ maea oa cara̧ oa cjiami̧ dari̧ cjiarea̧rȩ no̧i̧dërë. Ado nö̧tai̧därärë chjadëri̧ ja̧bepea̧ oaiä, jabechji̧ ju to̧bape järea̧ dade Quiricho ja̧ icjarami̧ da üdë. Aja̧, tjübëmi̧ darë yo̧a̧ chja̧oerä cjo̧ro̧a̧ oaiä, jabechji̧ ju to̧bape järea̧ darea̧rȩ ibëa̧ dëbëti̧ra̧ chia eaji̧ri̧rȩ.

Epjecho Ma̧ȩ 4:29

Ado chjai̧dëri̧ ni̧bädëchji̧vä, jabo chjadëri̧ ni̧bäji̧ri̧rȩ cjo̧ro̧chji̧vä o ji̧ri̧ chjadëri̧ a̧dopea̧ oa. Aja̧, ma̧ȩ goaera̧ pio ju̧ri̧ra̧ chjadëri̧ ni̧bächji̧vä dibëa̧ pumȩ pio ji̧ri̧ ju chiaparȩpea̧ oa.

Techaronichȩche Ma̧ȩ 4:10

Jabechji̧ ja̧di dari̧ eaji̧ri̧rȩ cjo̧ro̧nȩrȩ peadëri ja̧. Aja̧, Machedonia quȩmȩ chiriräpȩ quëna̧ji̧ri̧ ütëbodärä oa eaji̧ri̧rȩ cjo̧ro̧nȩrȩ dibëa̧ oti̧ pio ji̧ri̧. Jabechji̧ eadëji̧ri̧rȩ cjo̧ro̧ ma ja̧didë jabo eaji̧ri̧rȩ cjo̧ro̧nȩrȩ. Jabo danȩrȩ ca̧ oti̧, ji̧dë u̧i̧ eachji̧vä. Ji̧dë u̧i̧ eatä chi̧dëearea̧ro̧dibe, mȩnȩro̧ ji̧dë ma eapea̧ ji̧ dibëa̧ oti̧ pio ji̧ri̧.

Techaronichȩche Ma̧ȩ 4:18

Ja̧di tara jabechji̧, pio jiro ma̧ȩra̧ pio ju̧ri̧ra̧ a̧dochji̧vä dibëa̧ dëbëti̧ra̧ chia mȩnȩro̧ darërea̧ oaiä a̧dë chjäte odai̧ tarari̧ jo̧rȩtachea oa.

Timoteo Ma̧ȩ 1 1:4

Danȩ, teracaba oa jo̧rȩtaji̧ri̧rȩ ni̧bä chjaodëtäreji̧ri̧dirȩ. Jibëa̧ ütëti̧rea̧ judiro̧ yo̧rërea̧ duri pio ju̧i̧, tjamo̧i̧ cjiari̧ baädëmȩ ma̧ȩ pio ju̧i̧ ji̧dë ma ni̧bä chjaodëtäreji̧ri̧diro̧jo̧ȩ. Tjamo̧ davä. Jibëa̧ tarurea̧ pio ji̧ri̧ ja̧ quȩ oa, no̧mȩ cjo̧ro̧rëreji̧ri̧ pio ji̧ri̧rea̧ ja̧ quȩ oa, no̧mȩri ja̧ go̧ȩpea̧ oa cjiarërea̧ quȩ oa ji̧dë ma ni̧bä chjaodëtäreji̧ri̧dirȩ. Jabechji̧ pio ju̧i̧ chjiari ana̧ri̧ ni̧bä chjaoa̧ üdë a̧dodë madejȩrȩ jabo no̧dë oa jä tänȩmi̧ dari̧ japadejȩrȩ, judiro̧ jibëa̧ dëbëti̧ra̧ chia goëdëri̧ cjiape bagari̧. Ado pio jiro ma̧ȩ teracaba üdë Ütë tjamo̧ ja̧ oa ji̧dë u̧i̧ chjadëri̧ ta̧rëdiäpea̧ oa a̧dodëpadejȩrȩ jabo Jechu pio ju̧i̧ chjuari̧ quëna̧ oaiämo̧i̧ chjadëri̧ a̧doa̧ oa cjiapadirȩ. Pio ju̧i̧iä badë oa ni̧bä chjaodëtäreji̧ri̧dirȩ.

Ebereo Ma̧ȩ 10:25

Ado danȩrȩ, Ütë tjamo̧ ja̧ pumȩ pio ji̧ri̧ nö̧ta a̧dopapea̧ ji̧ ano̧dëtäreji̧ri̧rea̧ro̧jȩrȩ, jabo järi tjamo̧täreji̧ri̧rea̧rȩ pio ji̧ri̧ nö̧ta chjadëri̧ ëba a̧dopapea̧ ji̧. Ado a̧dopadëji̧ri̧pea̧ pio judiro̧, jabechji̧ ado chjereno̧ a̧dopatäreji̧ri̧dirȩ o pio ji̧ri̧ nö̧ta. Ado danȩrȩ, ado yo̧requededibe. Jabechji̧ ibëa̧ dëbëti̧ra̧ chia chjadëri̧ ju chiaparȩtäreji̧ri̧rea̧rȩ. Jabechji̧ ibëa̧ Ano̧mȩ Jechu judi jana̧pea̧ ji̧ querediä tara, jabechji̧ ji̧dë u̧i̧ järitäreji̧ri̧rea̧rȩ o ji̧ri̧ chjadëri̧ a̧dopea̧ ji̧.

Ebereo Ma̧ȩ 3:13

Ado pio ju̧i̧iä yo̧requededibe. Doti̧mi̧ chi̧dëeachji̧vä dibëa̧ dëbëti̧ra̧ chia, chi̧dëeadëpe bagarea̧ decjiari̧. Jabë chi̧dëearea̧mi̧ darä chi̧dëeachji̧vä. Jabechji̧ mȩnȩro̧ chjai̧dëra̧ pio ju̧ri̧ra̧ u̧i̧pea̧ oa cjiachea oa, dibëa̧ chji̧ üdë dabu chjuami̧ dari̧ jo̧rȩtachea oa, mȩnȩro̧ Ütë tjamo̧ pio ju̧i̧ chjuari̧ jiadachea oa, jabechji̧ chjadëri̧ chi̧dëeachji̧vä.

Pedro Ma̧ȩ 2 1:12

Pio ju̧i̧iä pio yoa ma̧ȩra̧ pio ju̧ri̧ra̧ ji̧dë ma jo̧rȩta tänȩtämi̧ cjiarequededibe ca̧ oti̧. Jabechji̧ mȩnȩro̧ tjamo̧i̧ cjiari̧ baämȩ ma̧ȩ oa dabapea̧räbo, mȩnȩro̧ pio jiro ma̧ȩrä chjuari̧ cjiami̧ dari̧ cjo̧ro̧räbo, jabechji̧ ji̧dë ma jo̧rȩta tänȩtämi̧ cjiarequededibe.

Juda 1:20

Jabo danȩrȩ ca̧ oti̧, dibë ea tjamo̧mȩrȩ yo̧mi̧ dari̧ go̧ȩpe chjadürequededibe. Danȩrȩ, dibëa̧ dibëti̧ra̧ chia ju chiaparȩchji̧vä ji̧dë u̧i̧ chjuari̧ quëna̧pea̧ oa. Jabechji̧ Ütë tjamo̧ pio judi yürürërea̧ ma̧ȩ pio ju̧i̧iä ju chiaparȩchji̧vä dibëa̧ dëbëti̧ra̧ chia, to tacö̧ urëdi tjamo̧ oa cjiami̧ dari̧ quëna̧pea̧ oa, ji̧dë u̧i̧ chjuari̧ quëna̧pea̧ oa. Ado Ütë tjamo̧ pio ju̧i̧ ji̧dë ma ni̧bächji̧jo̧ȩ. Jabechji̧ Tjo tjamo̧ pio judi ju chiarea̧ yürüa̧ oaiä, ji̧dë ma ni̧bächji̧jo̧ȩ.