Techaronichȩche Ma̧ȩ 4:9 - Biblia Pume

⁹ Ado yaba̧ dibëa̧ oti̧ ji̧ri̧ eapea̧ pio ju̧i̧ chjiari go̧ȩpe chjadütärea̧ ji̧, jabechji̧ go̧ȩpadëparea̧rȩ mȩnȩro̧ chjadëri̧ dabapea̧ tara Ütë tjamo̧ pio ju̧i̧iä. Tjamo̧ davä. Ütë tjamo̧ pio judi dabapa tänȩa̧ oaiä chjadëri̧ dabapea̧nȩrȩ davä dibëa̧ dëbëti̧ra̧ chia eapea̧ ji̧.

Techaronichȩche Ma̧ȩ 4:9 Iomraidhean Croise

Mateo 22:39

Ado pio yoa ma̧ȩbo a̧de yo̧requededibe ba chia tjamo̧ oa ⁠—⁠yo̧a̧dejȩrȩ⁠—⁠. Danȩrȩ, dibëa̧ pumȩ pio ji̧ri̧, jabechji̧ dibëa̧ icjarami̧ da oa ea tjamo̧chji̧jȩrȩ. Dibëa̧ imi̧ da oa ea tjamo̧chji̧jȩrȩ. Pio jiro ma̧ȩ yo̧a̧ri̧borë o ji̧ri̧ u̧i̧ a̧dë chjäte ba chiade.

Juan 14:26

Jabo cüdë dibë a̧dë baäpa tara, ca̧ Ama̧i̧ judi ado cja̧rȩmo̧ oa chjadüpadidibe ano̧ mire a̧dopea̧ oa. Aja̧, Tjo tjamo̧ pio ju̧i̧ chjadüpadejȩ, tjamo̧ a̧domȩ pio ju̧i̧. Ado jabechji̧ dami̧ti̧ oa a̧ra̧ano̧padidibe. Ado cüdë dibë ni̧bä chjaoa̧ chjö̧na̧i̧ oa chjadëri̧ jo̧rȩta tänȩpadidibe peaja̧di —yo̧a̧dejȩrȩ Jechu judi.

Japarea̧ 4:32

Quëna̧ji̧ri̧ judiro̧ ütëbodärärë cja̧rȩmȩ chji̧ chiami̧ dari̧ jo̧rȩtarëreji̧ri̧dirȩ chjarapë jo̧rȩtarea̧ decjiari̧. 'Ca̧ea̧ üdë, jabechji̧ ca̧ea̧ madica̧da' quëna̧dërëreji̧ri̧dirȩ. 'Ca̧ jurarea̧ üdë, ca̧ chjibo üdë, ca̧ea̧ maeadica̧da' quëna̧ jo̧rȩtadërëreji̧ri̧dirȩ, jabo ji̧dë ma chjarapë yürürëreji̧ri̧diro̧jȩrȩ jibëa̧ dëbëti̧ra̧ chia, ji̧mo̧ ëba goaji̧ri̧rȩ.

Domano Ma̧ȩ 12:10

Dibëa̧ dëbëti̧ra̧ chia tjamo̧ri̧ eachji̧jȩrȩ, pio ji̧ri̧ ba chiaparȩmi̧ dari̧ japaji̧ri̧rȩ. Jabechji̧ järi tjamo̧chji̧vä pio ji̧ri̧iäpȩmo̧ ba chia dapea̧ oa. Ado ibëa̧ pumȩ judiro̧ eami̧ oa chjadëri̧ japea̧ oaiä, jabechji̧ chjaodëri̧ ni̧bätäreji̧ri̧rea̧ro̧jȩrȩ ma̧ȩ chjadëra̧, nȩmȩparea̧ decjiari̧.

Cori̧tio Ma̧ȩ 2 9:1

‘Jabo o ji̧ri̧iäpȩmo̧ yürüpea̧ pio ju̧i̧ chjiari tjamo̧ri̧ go̧ȩpe chjadüpea̧ chiaquiji̧ri̧da’ quëna̧ jo̧rȩtadërequededibe ca̧ oti̧. Tjamo̧ davä. Mȩnȩro̧ dibëa̧ chëre oa Jerucharȩräpȩ quëna̧ji̧ri̧ pio ji̧ri̧iäpȩmo̧ yürü chjadüpea̧ pio ju̧i̧ chjiari ‘tjamo̧ri̧ go̧ȩpe chjadüpea̧ chiaquiji̧ri̧da’ quëna̧ jo̧rȩtadërequededibe.

Pjiripo Ma̧ȩ 3:15

Ja̧di tara a̧ro̧rȩ ütëborë, üi̧padäräa̧mi̧ dari̧ cjo̧ro̧ji̧ri̧ pio judiro̧, jabechji̧ Quiricho pio ju̧i̧mo̧i̧ cho̧rëdiäpea̧ ji̧ jo̧rȩtaji̧ri̧rȩ cjo̧ro̧täreji̧ri̧rea̧rȩ. Ado eami̧ pumȩ üdë Quiricho pio ju̧i̧ cho̧rëdiäpea̧ ji̧ jo̧rȩtadëmȩrȩ cjo̧ro̧rä judi, jabechji̧ Ütë tjamo̧ pio judi chjadëri̧ jo̧rȩta tänȩpadejȩ judi coëma cjiari̧ jo̧rȩtapea̧ oa.

Techaronichȩche Ma̧ȩ 5:1

Danȩrȩ ca̧ oti̧, pio ju̧i̧ chjiari tjamo̧ri̧ go̧ȩparea̧mi̧dëde. 'Jabechji̧ pio jiro doro ibëa̧ Ano̧mȩ judi jana̧padiibëda, pio jiro japamitërä jana̧padiibëda' quëna̧ go̧ȩparea̧mi̧dërequededibe.

Ebereo Ma̧ȩ 10:16

“Japamitë chjätä ëte ado cja̧rȩmo̧ doro, jabechji̧ ado cja̧rȩmo̧ ma̧ȩ oa ano̧ mire yürüparequedejȩrȩ, ma̧ȩ peaja̧ oa. Ado jiro ma̧ȩ üdë jibëa̧ chji̧rä chjadëri̧ charea̧mi̧ dari̧ cha tänȩpareconȩ, judiro̧ chjadëri̧ bapë ta̧rërea̧mi̧ dari̧. Jabechji̧ jibëa̧ chji̧rä go̧ȩpami̧ dari̧ yürüparequedejȩrȩ pio jiro ma̧ȩ peaja̧ oa, judiro̧ a̧dë jo̧rȩtarea̧mi̧dëri̧, judiro̧ pio coa chjadëri̧ ta̧rëdiäpea̧ oa.”

Ebereo Ma̧ȩ 13:1

Danȩrȩ ca̧ pumȩ, eachji̧vä dibëa̧ dëbëti̧ra̧ chia. Aja̧, dibëdi ja̧ji̧ri̧ pio ji̧ri̧, Quiricho pio judiri ja̧ji̧ri̧ pio ji̧ri̧ ji̧dë ma eachji̧vä dibëa̧ dëbëti̧ra̧ chia.

Pedro Ma̧ȩ 1 3:8

Pio yoa a̧ra̧ano̧rea̧ ma̧ȩbo a̧de go̧ȩpatämi̧ cjiarequededibe ca̧ oti̧. Quëna̧ji̧ri̧ ütëbo oa go̧ȩpe chjadürequededibe chjadëri̧ ëba cjo̧ro̧pea̧ pio ju̧i̧ chjiari. Danȩrȩ, cja̧rȩmȩ chji̧ chiami̧ dari̧ jo̧rȩtachji̧vä. Cjäri̧ri̧ cjia dachji̧jȩrȩ quëna̧ji̧ri̧ pio ji̧ri̧. Jabechji̧ o judiro̧ gito ana̧ri̧ jo̧rȩtarä, a̧dë dami̧ dari̧ japadëchji̧jȩrȩ, jabo chjadëri̧ a̧dochji̧jȩrȩ, pio ji̧ri̧ nö̧ta chjai̧dë oa chjätämi̧ dari̧ jo̧rȩtaji̧ri̧rȩ. Jabechji̧ tjamo̧ri̧ eachji̧jȩrȩ, bücjüri̧ cjiaji̧ri̧rȩ. Dibëa̧ chji̧rämo̧ quëna̧tadëchji̧vä, jabo ütëbodärä oa chjadëri̧ dachji̧jȩrȩ, ‘o ji̧ri̧ u̧i̧ ba chiaquëda’ quëna̧rea̧ decjiari̧.

Pedro Ma̧ȩ 1 4:8

Ado ji̧dë ma ea tjamo̧chji̧vä dibëa̧ dëbëti̧ra̧ chia, tjamo̧ri̧ eaji̧ri̧rȩ. Jabechji̧ o ji̧ri̧iäpȩmo̧ tjamo̧ri̧ ea̧ üdë a̧dë chjäte ba chiade. Jabechji̧ pumȩ pio ji̧ri̧ tjamo̧ri̧ eamȩ judi, ¿yö̧ta dari̧ cjo̧ro̧pade? ¿Yö̧ta dari̧dë, jabechji̧ jibëa̧ pumȩ judiro̧ pio jȩaiäpȩmo̧ chjai̧dëri̧ japea̧räbo, chji̧ goaera̧ jo̧rȩtamȩrȩ dapadejȩrȩ goadi ërecjiarea̧ decjiari̧. Aja̧ ca̧ oti̧, ja̧di dari̧ cjo̧ro̧pea̧de.

Pedro Ma̧ȩ 2 1:7

Jabo danȩrȩ, Ütë tjamo̧ pio judimi̧ dari̧ cjo̧ro̧pea̧ pio ju̧i̧mo̧i̧ jo̧rȩtadëchji̧vä, jabo pio ju̧i̧ uëri ea tjamo̧chi̧vä dibëa̧ oti̧ pio ji̧ri̧, quëna̧ji̧ri̧ pio ji̧ri̧. Aja̧, ja̧di dari̧ a̧de goaji̧ri̧mi̧ dari̧ cjo̧ro̧pea̧de. Jabo quëna̧ji̧ri̧ pio ji̧ri̧ eapea̧ pio ju̧i̧mo̧i̧ jo̧rȩtadëchji̧vä jabo, pio ju̧i̧ uëri ea tjamo̧chji̧vä pumȩ ütëbodärä oa peaja̧di, cja̧rȩmȩrȩ a̧dë cjiadiärea̧ decjiari̧. Pio ju̧i̧bo a̧de goaji̧ri̧mi̧ dari̧ cjo̧ro̧pea̧de.

Juan Ma̧ȩ 1 2:10

Jabo jibëa̧ omȩ pio ju̧i̧ eamȩ judi, jabechji̧ tatami̧ darä cjo̧ro̧de. Ado tatami̧ darä cjo̧ro̧mȩ pio judi, jabechji̧ coëma cjiari̧ cjo̧ro̧de, jibëa̧ omȩ oa ta anȩ cjiatä tänȩmi̧ dari̧ japarea̧ decjiari̧.

Juan Ma̧ȩ 1 3:11

Danȩrȩ ca̧ oti̧, pio yoa ma̧ȩ oa ji̧dë ma ta̧rërëreji̧ri̧nȩrȩ mȩnȩro̧ pea quëna̧ji̧ri̧pea̧ri ja̧. Tjamo̧ davä. “Dibëa̧ dëbëti̧ra̧ chia eachji̧vä” yo̧mȩ ma̧ȩ pio ju̧i̧ ta̧rërëreji̧ri̧nȩrȩ peadëri ja̧.

Juan Ma̧ȩ 1 3:23

Danȩrȩ ca̧ oti̧, ¿tjana̧ oa japariä cjo̧ro̧tä eadiibe Ütë tjamo̧ judi? Tjana̧dë, jabechji̧ Joja pio ju̧i̧, Jechu Quiricho pio ju̧i̧ quëna̧riä dopatä eadiibe. Ado Jechu Quiricho judi yo̧a̧mi̧ eaji̧ri̧rȩ cjo̧ro̧tä eadiibe peaja̧di, ibëa̧ dëbëti̧ra̧ chia ea tjamo̧ji̧ri̧rȩ. Aja̧ ca̧ oti̧, ja̧di dari̧ japatä eadiibe Ütë tjamo̧ judi.

Juan Ma̧ȩ 1 4:21

Jabo a̧ro̧rȩ tüdüa̧mi̧ darä cjo̧ro̧pea̧ oa ja̧di ta̧rëri̧ yo̧diibe Ütë tjamo̧ judi. Jabechji̧ a̧ro̧rȩ Ütë tjamo̧ pio ju̧i̧ tjamo̧ri̧ earä judi, peaja̧di eatäreji̧ri̧rea̧ro̧jȩrȩ Ütë tjamo̧ ja̧ pumȩ pio ji̧ri̧bo.